السلام عليكم ورحمه الله وبركاته
اللهم ارزقنا ولاتحرمنا وانصرنا ولاتنصر علينا واهدينا ويسر الهدى الينا
صباح الفل والجمال انا انهاردة هوزع بعد اذن الحمامه المصونه عروس الامورة رئيسه جمهورينا الحبيبه
غصن زيتون من اجود انواع الغصون لزوجه مصريه احسن وزيرة تربيه واخلاق على مجودها الرائع ويارب ارفع درجاتها فى المهدين ويسر لها سبل الرشاد
غصن الياسمين المعطر لمى احلى وزيرة رياضه وشكلها هتاخذ وزارة الطفوله
غصن المسك لرانيا المنصورة اوعى تزعلى المنصورة دى بلد الجمال والجميلات
غصن الريحان لرشا رونى على السنن الجميله
اما روشانا ليها غصن ياسمين :26:ووردة بلدى من الجنينه بتاعتى هى مش بس بتنقل اللينكات المهمه هى بدق دايما ناقوس الخطر للحاجات السيئه سمك ماجى لحوم بلاستك انا خايفه عليكى ياشوشو

تسلم ايديكم رغم انضمامك القريب انما انا بدورلك على وزراة تسوعب امكانيتك
عروس حبيبى الف سلامه عليكى انا عارفه ان تعبانه بس عاوزة تصديق بسرعه على الاوسمه قصدى الغصون
انجى الجميله الف سلامه عليكى ان شاء كل الحاقدين وانتى لا
حبيبه الف سلامه ربنا يتم شفائه على خير
راجيه ربنا يصبرك ويدكى الاجر
اطمن على ايه فى الهندسه لانى متاكدة انها اكيد عملت نظريات جديدة غير المقررة ورجعالكم تانى انا كلى تفاءل ونشاط وحيويه بيكم ياحلى حمامات فى الدنيا

و عليكم السلاااااااااااااااااام و رحمة الله و بركاته
واروع صباح عليكى يا ست الستات يا ام اطهر بنات
ما شاء الله عليكى ...الله يحفظك و يعزك و يبارك فى ذريتك

يا سلااااااااااام
ايوه كده
هيه دى الطاقه الايجابية ..المعدية جداااااااااااااااااااااااااا...انا اتعديت خلااااااااااااااااص :32:...و الابتسامه مالية وشى اهو :42:

الله يعزك....صرااااااااااااحه انا عندى اعتراف..اولا عجبنى جداااا جداااا مشاركة زوجة مصرية فى كل حاجة


و سبحان الله فيه توارد خواطر
بس طبعا هيه الاحسن فى موضوع التفصيص اللطيف بتاعها (نظافة - طبخ - جمال)

انا كنت بفكر اعمل كل يوم (مينيو الخمسه مش بتاع ماكدونلز)
يعنى زى ما كلنا متفقين ان العلم و المعلومات اكبر من وقتنا و دماغنا
فكل يوم بس نصيحة واحده فقط تخص (النظافة و الترتيب - حاجة لدنيتك - حاجة لاخرتك - التربية - حلجة للاسلام و المسلمين )

بس بصراااااااااااحه :( انا اقل منكم كلكم
انتم ستات بيوت ما شاء الله ..علشان كده مشاركاتى كلها معلومات
معنديش فوايد ليكم بس مزنوقه كده ما بينكم اتعلم و اشاركم الروح الروعه دى
نفسى ابقى ست بيت درجة اولى
عندى الارادة و الحمد لله

يااااااااااااااااااااااااااه نفسى قبل ما ورقة الامتحان تنسحب منى اعمل حاجة
ايه فايدة انى عارفه انى مقصرة و مش فاهمة و مش هادية و راسية
و مبتعلمش و مبحسنش نفسى
و جودة حياتى
والعجينة الطيبة اللى على الفطرة الى بشكلها دى
اللى بكره الناس تدعيلى وانا فى قبرى او تدعى عليا من سلوكهم
يارب انبتهم و كل ابناءنا و ابناء المسلمين نباتا حسنا يا ارحم الراحمين

وفعلا المعلومات اكبر مننا ..انا حااااااسه انى ليلة الامتحان و قدامى كتب الدنيا

طيب اهدى شوية كده و اركز :o
ماشى ابتدى حاجة حاجة ...على فكره انا عمرى ما كتبت يومياتى ..بس على فكره اتعلمت شوية حاجات

عاااااااااااااااااااااارفين اكبر حاجة اتعلمتها
انه مش مستحييييييييييييل ابدااااااااااااااااا :eek:

اقصد انا كنت اقول مش ممكن عيلين معايا و شقاوة و انا علطول محبطه و تعبانه و زهقانه ..اكيد كل الستات زى ..بس بعد ما شفت اللى عندها عيال زى واكتر و اللى حامل و ما شاء الله عليها
عرفت انه ممكن..وده اول نقله

بحافظ انى كل يوم قبل ما يجى جوزى اكون نظيفة و لابسه كويس ..و غيرت شوية فى غرفة النوم

بس اللى اول مره اسمع عنه التنظيف العميق ..ده لسه بقى..بحاول احافظ على الترويق كل شوية

عيااااااااالى بقى .........يا وجع قلبى
حاسه ظلماهم كتيييير و ظلمت مريم 3 سنين كتيييييييير اوى..استحمليتنى البنت كتيييييييير

افتكرت لما عرفت انى حامل و الخوف و الرهبة انى هكون ام و المسؤليه و اجمع من النت كل حلجة تخص الرعاية و التربية
وافتكرت لما طموحى و همتى خفت شوية شوية :( و مبقيتش اتحكم فى نفسى
و بقيت زيهم اللى كنت بنقدهم
ااااااااااسفه يا بنتى
ببوس ايديها كل شوية او اقولها سااامحينى
على عصبيتى على قلة حنانى
و تقولى سامحتك
و هيه متعرفش حاجة
ساااااامحنى يارب

قلبى واجعنى مش عارفه اكمل اكتر من كده
بس الله العالم الكلام ده من جوة قلبى و ضعف نفسى فظيع :44:

مقدرش غير انى اكون بحبكم جدااااااااااا

الله يكرمك يا ايمان (مدام وائل) و يعزك و يجعل من ذريتك محررين المقدس بأذن الله.. علم الله الطهر فى قلبك
و جعل هذا الجمع من تحت مظلة قلبك الطاهر الذى وسعنا
الله يعزك

صباح الخيرات يا بنات الحلوين

مرمر البتول ربنا معاكم وان شاء الله يوفقكم للخير بس انتي استغفري طول الوقت وقولي اللهم اجرني في مصيبتي وان شاء الله ربنا هيعوضكم خير

روانيو حلوة الحودايت اوي وبالمناسبة امبارح شفت كتاب قصص للأطفال اسمه حياه محمد في 20 قصة تقريبا لكاتب اسمه حاجة عبد التواب ان شاء الله هتأكد من اسم الكاتب ودار النشر عبارة عن الحيوانات هي اللي بتحكي القصص يعني حمارة السيدة حليمة مرضعة الرسول والعنكبوت والحمامة بتوع دار حراء بس جميل جدا ما شاء الله

زوجة مصرية ما شاء الله حلوة شحنة الايجابية دي عايزن نشجع بعض ونزود الهمة بس كنت عايزة اؤلك بلاش الخروع على الرموش عشان قريت قبل كدة انه بيضعف النظر

هدهود ان شاء الله هتكون حلت كويس وهتطلع من الاوائل كمان

ام سوسو اين انتي مش متعودين على اختفائك كدة يارب تكوني بخير انتي والولاد

هبهوبة ام يوسف اين انتي برده اوعوا تكونوا بتكلمي مه ام سوسو وطنشتونا

يومياتي في الويك اند
مش فاكرة الجمعة خالص ايه اللي حصل فيه يا نهاري على الزهايمر
السبت الحمد لله لسه فاكرة الست اللي بتيجي تساعدني جت بس كانت تعبانة ربنا يعفو عنها فنضفنا البيت ايدي باديها ورتبته وطبقت اكوام غسيل وغسلت وبعدين لما نزلت عملت الغدا مكرونة بالجبنة وسدق بالصلصة وبطاطس محمرة وسلطة ومن اول اليوم كنت عاملة حمام زيت جوز عند وزيتون وعليهم معلقتين بذر القطونة ليه وللحمارة الصغيرة وبهدلت بيه الدنيا الحمد لله واتخانئت انا وهي مليون مرة وبابها يصالحنا على بعض اخر انجازتها بعد ما حميتها وغسلت شعرها راحت حاطه فيه فازلين
وبعدين وديتها الدار ورجعنا على فتح الله جبت حاجة الشهر من خزين البيت والحمد لله رتبت كل حاجة في مكانها بس حطيت اللحمة والفراخ في التلاجة من تحت والنهاردة بامر الله هنضف واقطع واشيل

الصبح نضفت فرخة واحدة وسلقتها وعملت مكرونة بيضا بس معملتش الصلصة بتاعتها لما اروح ان شاء الله هكمل

انجي وام عبد الله وام ادهم وعروس (الف سلامة عليكي طهور ان شاء الله) وكنزي (صحتك عاملة ايه دلوقتي) وروشانا وروني وكل الحاضر والغائب سلام ويوم جميل على الكل

معلش يا بنات سؤال عندى بلغم فزيع الحمد لله مش عامل كحة بس مدايئنى وحاسة اني مش عارفة اتنفس منه وبشرب شمر وجنزبيل وقرفة على طول حد يعرف علاج ليه

انا عارفه انكم اتخنقتم من المنقول
بس دى فعلاااااااا حلوة و بسيطة اوىىىىىىىىىىىى

السلام عليكم ورحمة الله وبركاته

" أنا محجبة ليه ؟ "

أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:

1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…

2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً

3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…

4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..

5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..


6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..

7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين

تسلم ايديكم تسلم ايك على الكلام الحلو والروح الحلوة وانا معاكى فى منيو الخمسه :26: