دموع التائبة :

كل الحلوين ما شاء الله يوميات جميلة ربنا يديم عليكم نعمة الصحة و يبارك فى عمركم و فى أولادكم عروس ........... حبيبتى ده كل احساس نفسى بحت و الرسول اوصانا بان نتفاءل الخير عشان نجده فأنتى من دلوقتى حطى لنفسك خطة انك هتنبسطى فى الأجازة ديه و انك من كتر ما هتنبسطى هتبقى مش عايزة تسيبى مصر تانى دايما فكرى فى الأيجابيات يعنى هتشوفى والدك و والدتك و اخواتك و تصلى رحمه و تبرى الصغير و الكبير و تسترجعى زكريات فى امكان حلوة عشتى فيها اما بالنسبة لأى حاجة تعكر الصفو فده قضاء الله و قدره مش مرتبط بمكان او زمان يعنى ان حد لا قدر الله تعب من الولاد او حصل اى مشادة زوجة عادى بصلها انها كانت هتحصل فى اى مكان حتى لو كنتو فى امريكا مش مرتبطة بالأجازة و بمصر وبالناس فهمانى و اتوكلى على الله كده و غيرى للمود بجد الزعل اكتر حاجة بتاثر عى الأنسان سواء صحيا او نفسيا يعنى جربى كده بمجرد ما تكونى زعلانة او حاسة بالضيق وة تفكرى فى اى حاجة ايجابية او تحلمى بيها المود بيبقى احسن بالرغم من انها كلها احلام بس انبسطى و ربنا يديم عليكى رضاه يارب ريهام ............ الحمد لله على كل حال و ربنا يسخرلك حماتك و حماكى كما تحبى يارب توتة ........... ربنا يقومك بالسلامة يا قمر و معلش معنديش خبرة فى موضوع النفاس ده اقوى بس احسن حاجة كلى تمر كتيرررررر جدا و اشربى شوربة خضار كتير و اى حاجة مسلوقة و ابعدى عن التوابل و الحادق و الحامى و المحمرات و دفى نفسك كويس و البسى بنطلون و اتغطى كمان و بلاش التكييف خالص مش كويس على العضم بصراحة ده الى فى بالى دلوقتى و البنات ان شاء الله هيفدوكى اما بالنسبة ليومياتى عماة تنضيف و ترتيب للبيت فى السرع و تعليق الهدوم و ساعات غسيل و نشير للملابس و المطبخ غسل المواعين و مسح الرخام و كنس الأرضية و اللفينج يوميا مسح الزجاج و كنس الأرص عشان بواقى الأكل بتاعت الجزرة روان هانم و الحمام مع الوضوء مثلا دعك الحوض و التواليت و الأرضية فى السريع الأسبوع اللى فات عملت لازانيا و بفتيك و خضار سوتية و عملتها بجبنة شيدر زى ما مى الله يكرمها قالت طعمها حلو على فكرة و مش يتتحرق زى ما كنت فاكرة و كنت جايبة قال بشرتة فى البيت عشان مفيش شيدر مبشور جاهز و كمان بما انى مقاطعة البرجر جبت اللحمة بتاعت الشهر و معاها لحمة مفرومة و جبت توابل طباخ فى العلبة بتاعت ميرو الله يكرمها و قمت حطيتها على اللحمة و فردتها على كيس نايلون كبير و بططتها بسمك شوية و قطعتها بكوباية كبيرة و بقت احلى و انضف برجر و شبتة فى اطباق فوم و بينهم نايلون و عملت كيك نسكافية و جبت شوية حاجات صيفى لروان و غيارات داخلية و بس خلاص و عملت امبارح عصير طلع لذيذ ايس كريم + سكر +لبن + كاكاو خام و ضربتهم فى الخلاط المفروض يتحطلة كريم شانتية عشان يتقل و يبقى ميلك شيك شيكولاتة معلش لو نسيت حد او مش سلمت على حد بس عندى صداع فظيع من قلة النوم روان كل يوم تنام الساعة 11 و تصحى 2.30 و ترجع تنام تانى على 5.30 بجد ربنا يهديها

كل الحلوين ما شاء الله يوميات جميلة ربنا يديم عليكم نعمة الصحة و يبارك فى عمركم و فى أولادكم ...