ميرسي يا اسماء وروشا جزاكم الله خيرا ومتحرمش منكم جاري التنفيذ

رحاب ازيك يا جميل اخبارك ايه

هدهودة ربنا يقر عينك بيهم وتشوفيهم احلى عرايس ومن حملة القرآن كمان

السلام عليكم ورحمة الله وبركاته
كنت واخده قرار اني مش اكتب لحد مااشوف هدي حبيبتي رجعت تكتب تاني بعد الاجازه
معلش ياحبيبتي انا مقصره معاكي بس والله شحنت من يومين عشان اكلمك وحصلت حاجات كده مع ماما ومرات اخويا
الي في دبي وطبعا كان لازم اتدخل والكارت اتدمر ... كان نفسي اكلمك واسمع صوتك بس الحمدلله انا فرحت اوي بكل الي
كتبتيه يارب يصلحلك الحال وينولك كل الي تتمني يارب

عروس الف سلامه عليكي ياعمري شفاكي الله وعافاكي بس انا معترضه علي الاسماء الحمدلله لحد دلوقتي اسماءنا في الموبايلات مش اتغيرت ............... ربنا يستر

زوجه مصريه جزاكي الله خير بصي بأه قرار من وزير العلاقات العامه ممنوع الغياب تانييييييييي ومش هنقبل اي اعذار
وجودك مهمممممم جدا وتأثيره مباشر علينا كلنا اوكي يا قمر

ام سوسو توأم روحي انتي فين ياعمري تعالي طمنيني انا حاسه انك بتقري ومش كان ليكي نفس تكتبي زي حالاتي

هايا يا حبيبتي ماتحرمش من سؤالك ياقمر انا موجوده وكل يوم اقرا بس في حاله من الاكتئاب والحزن علي ماوصلنا له احنا الستات انتي عارفه انا كتبت امبارح شوية كلام في مقال عن الرجل ودوره الي اصبح مقنن بالنسبه لدور شريكة حياته وتحمل المسئوليه وحاجات كتير بس رجعت ومسحت كل الكلام قلت بلاش احسن (( كل ميسر لما خلق له ))

مي حلو اوي مشاركتك عن الاطفال دايما بتفيدينا يا ميوش جزاكي الله خير

يوكي كل سنه ويوسو طيب يا انوس وعقبال مليوووووووون سنه يالا قوليلنا الحفله امتي ؟؟؟؟؟؟؟

روني حلوه اوي القصص ربنا يكرمك يارب

ريهام اخبارك ايه ياقمر هل من جديد

لولو حبيبتي ولا يهمك انتي خلي باباكي يصلي استخاره وانتو كمان وان شاء الله الي فيه الخير يقدمو ربنا بس انا معاكي جدا ان باباكي لابد له من زوجه ترعاه ويارب تكون بنت حلال وطيبه يارب يزرع حبكم في قلبها وحبها في قلبكم

رشا واسماء وام شهاب وباقي البنات صباح الفل عليكم وباقي البنات يارب تيجو بسرعه وحشتوني منمن حبيبتي يالا تعالي وحشنا كلامك
انوج ياقمر تعالي بأه هو النادي هياخدك مننا كده
بمناسبة الكلام عن التغيير والحركات عملت الاسبوع الي فات اسكرب للجسم تحفه
كريم جليسلوليد مع جلسرين مع حنه بيضا مع زيت بيبي اويل والجسم يكون مندي وهاتك يا دعك وفرك وكمان الوش والرقبه
وبعد كده شطفته كويس بجد نعومه فوق الوصف
وطبعا بذور القطونا مع الزيوت احسن حل للشعر المتقصف والناشف والي بيقع كمان انتو عارفين الصيف وعمايله في الشعر

ازيك يا هدهد
جزاكى الله خيرا على غصن المسك

اللهم اتنا في النيا حسنه وفي الاخرة حسنه وقنا عذاب النار

روشانا صباح الخير يا قمر

ريهام فعلا لازم تعرفي الحراره سببها ايه روحي للدكتور احسن عشان تطمني

حبيبه حمدلله علي سلامة ابنك يا حبيبتي ربنا يتم شفاه علي خير يارب

مرمر ربنا يقومك بالسلامه يارب

مرمر البتول ربنا يقدملكم الي فيه الخير

رحوب ازيك ياقمر انتي فين واخبار الحمل ومعاناة الشهور الاولي ؟؟؟؟؟؟؟؟؟؟؟

علي فكره يابنات انا ولدت يوسف قيصري ومريم بعده طبيعي ومش هكتب معاناتي عشان حبايبي الحوامل ربنا يقومهم بالسلامه

ام يوسف وحشتينى
ربنا يخليكى يارب واخبار يوسف ومريم ايه سلميلى عليهم
ريهام ورحاب وهايا وروشانوهدى ومى وكل الموجودين صباحكم فل وياسمين
لميا ربنا يوفق والدك وتكون زوجة صالحة باذن الله


ودى صور للتلوين لحبايبى الحلوين