ازيكوا كلكوا يا بنات دخلت المغرب بس طبعا بعد ما قريت قصة رحاب مقدرتش اكتب فعلا كنت محتاجه اقف شويه واهدي طيب اقوللكوا حاجه مش بس سؤالنا عن بعض والخبرات اللي بنكتسبها من بعض هي اللي فرقت معايا لاني اصلا بفكر في الموت في اوقات كتير ومن كام يوم لما جيه خاطر الموت ده عندي تعرفوا فكرت في ايه والله لاقيت نفسي هديت وقلت ياه دي كمان من احلي الحاجات في معرفتنا اني لو لا قدر الله حصلي حاجه هلاقي ناس كتير مشوفتهش وبعيد عني ومع ذلك زعلانه عليه وبتطلبلي الرحمه ربنا يرحمنا كلنا ويكرمنا ويهدينا للخير ويثبتنا فعلا اللهم اجعلنا عبيد احسانك لا عبيد امتحانك

ام البنات شكرا علي الغصن الجميل لما قريت اللي كتبتيه حسيت اني شميت الريحه الحلوه اللي نشرتيها في الموضوع وعلي فكره كلنا اتنقلتلنا روح السعاده والنشاط منك لانك فعلا رمز لينا كلنا وبنستمد منك النشاط ربنا يقويكي ويطمنك علب بابا والبنات

انجي عامله ايه دلوقتي يا قمر ان شاء الله تكون صحتك احسن

عروس القصه حلوه اوي اوي واخبار صحتك ايه واخبار تجهيزات السفر ايه طمنينا

ام يوسف المختفيه يا رب تكوني بخير انتي والاولاد يا قمر

ام سوسو جزاكي الله خير علي قصة سيدنا بلاب ويارب فعلا كلنا يكتب لنا اللقاء بمحمد وصحبه

كل البنات ان شاء الله تكونوا بخير

النهارده طبعا كان عندي اكل نمن امبارح فنزلت الصبح شويه اشتريت شويه من الحاجات اللي ناقصه وبعد كده بعد الغدا قعدت احاول اشوف هدوم الاولاد بس طبعا يوسف مش اداني فرصه كل ما ارتب شوية هدوم ياخدهم يحطهم في شنطه بلاستيك لما كل الاوضه بقيت شنط ففي الاخر فقدت الامل وقلت خلاص مش هينفع اعمل حاجه وخصوصا هدومه غير لما ينام وربنا يسهل كل يوم كده احاول اعمل حاجه وخصوصا اني بفضي كل الدواليب والهدوم حتي اللي مش باخدها بغسلها واشيلها في شنط مش بسيب حاجه في الدواليب عشان التراب وعشان غالبا احمد بيرش الشقه وهو نازل ويالا طولت عليكوا ربنا يسهل

لاخت الغالية رحاب....قصتك على قد ما اثرت فيا فكرتنى بأمى رحمها الله و غفر ذنونبها و جعل مثواها الجنه و تفاصيلك لقصتك فكرتنى بحاجات كتير اوى خاصة انها كان عندها برده سرطان بس كان فى المعده بس للاسف الحالة كانت شوية متاخرة ..و الحمد لله ان ربنا مطولش عليها و رحمها من عنده... انا مش قصدى اقلب المواجع بس عايزة اقول انه من ساعة وفاتها و انا بقيت ببص للامور من شكل تانى خالص ..حسيت ان الدنيا دى عبارة عن ساعه فليه نتضايق و نزعل من بعض و نقاطع بعض احنا محدش فينا عارف ميعاده امتى..انا كل اللى يفتكر ماما يترحم عليها و يفتكر مواقفها الحلوة معاه ...فقلت انا كمان عاوزة انه لما يحين الوقت اكون سايبة اثر كويس عند كل اللى حواليا علشان العمل الطيب يقعد ليا فى ولادى ربنا يباركلى فيهم...اسفة طولت عليكى بس بجد فرحانه بيكى اوى ربنا يخليلك ابنك و يباركلك فى زوجك
يوكى............ كل سنه و يوسف طيب و عقبال مليون سنة
مرمر.......ربنا يقومك بالسلامة يا جميل
لمياء.. ربنا معاكى و يهديكم للاختيار الافضل ان شاء الله
ورده مفتحه... حبيبتى انتبهى لسخونه ابنك لانه من اللمكن يكون تسنين و ساعات بيعمل برده اسهاتل و لو استمرت الحالة الافضل انك تعرضيه على الدكتر فارتفاع درجة الحرارة مش حلو للاطفال
هايا... عندى ليكى وصفة للبلغم و هوه انك تنقعى شوية لبان دكر فى مايه هيدوب شويه قلبيه و اشربيه و كرريه..و ربنا يشفيكى ان شاء الله.

توته البطوطة.......اخبارك ايه يا جميل مش موجوده النهارده ليه..ربنا يقومك بالسلامة

عايزه تعرفي مدى ثقافتك ايه؟؟
بصي للصوره اللي فوق دي
والتي تحتوي على اكثر من 300 وجها
لو عرفتي منهم 100وجها فاكثر بالاسم فأنتي مثقفه فعلا وواسعة الاطلاع بل تكوني مرجع ثقافيا يعتد به
لو عرفتي 75فاكثر فانتي مثقفه ممتازه
ولو عرفتي 50 فاكثر فانتي مثقفه جيده
لو عرفتي 25 فاكثر فانتي مثقفه
ولو عرفتي بقى 15 وجها فانتي تحتاجين الى الاطلاع لانكي لاتملكي الا القليل
اما بقى لو ماعرفتيش الا اقل من 10 فانتي سوري جاهله فعلا
بزمتك عرفتي كام شخصيه؟؟؟

فين الصورة يا يوكى.انا مش لاقيه حاجة:26:

السلام عليم
الاخت رحاب حمدا لله علي سلامتك و ربنا يمدك بالصحة انت و اهللك كلهم و ربنا يتمم حملك بالسلامة و ربنا يرحم والدتك و يجعل مسواها الجنة
واله حكايتك علي اد ما فيها معاناة علي هد ما فيها حكمة و هي الصبر ربنا يزيدك ايمانك و يشفي والدك يارب

هايا
الف سلامة و اغلي كوب مية و فيها شوية لبان دكر و اشربيهم علي الريق و بالشفاء ***** الله