السلام عليكم ورحمة الله وبركاته

عاتقة المائة
(جويرية بنت الحارث)

اختارتْ جوار اللَّه ورسوله، وفضلتْ الإسلام على اليهودية، فيروى أنه لما جاء أبوها

الحارث بن أبى ضرار -سيد يهود "بنى المصطلق" وزعيمهم- إلى النبي

( يقول: إن ابنتى لا يُسبَى مثلها، فأنا أَكْرَم من ذلك.

قال له النبي (: "أرأيت إن خيَّرْناها؟" فأتاها أبوها

فقال: إن هذا الرجل قد خيرك، فلا تفضحينا.

فقالت: فإنى قد اخترتُ اللَّه ورسوله.

قال: "قد واللَّه فضحتِنا" .

ثم أقبل أبوها في اليوم التالى ومعه فداؤها فلما كان بالعقيق (وادٍ قرب المدينة)

نظر إلى الإبل التي جاء بها للفداء، فرغب في بعيرين منها طمعًا فيهما،

فغيبهما في شِعْب من شعاب العقيق، ثم أتى النبي ( يقول: يا محمد، أصبتم ابنتى وهذا فداؤها.

فقال رسول اللَّه (: "فأين البعيران اللذان غَـيَّـبْتَ (خَبَّأْتَ) بالعقيق في شِعْبِ كذا وكذا؟".

قال الحارث: أشهد أن لا إله إلا اللَّه، وأشهد أن محمدًا رسول اللَّه، فواللَّه

ما أطلعكَ على ذلك إلا اللَّه. فأسلم، وأسلم ابنان له، وكثير من قومه، وأرسل

بمن جاء بالبعيرين، ودفع بالإبل جميعًا إلى النبي

(. فكانت -رضى الله عنها- سببًا في إسلام أهلها، ونالت بذلك ثواب هدايتهم،

إنها أم المؤمنين السيدة جويرية بنت الحارث ابن أبى ضرار

تقول جويرية -رضى الله عنها-:

قال لى أبى وهو يبرر هزيمته أمام جيش رسول الله (: "أتانا ما لا قبل لنا به".

فلما أسلمتُ وتزوجنى رسول الله (، ورجعنا إلى المدينة جعلت أنظر إلى المسلمين،

فرأيتهم ليسوا كما سمعتُ.فعلمتُ أنه رعب من اللَّه يلقيه في قلوب المشركين

اشتُهِرتْ جويرية بكثرة عبادتها وقنوتها للَّه، فقد خرج النبي ( من عندها بكرة حين صلى

الصبح وهى في مسجدها، ثم رجع بعد أن أضحى وهى جالسة،

فقال: "مازلت على الحال التي فارقتك عليها؟"

قالت: نعم. قال النبي ( لقد قلت بعدك أربع كلمات ثلاث مرات، لو وزنت بما قلت منذ

اليوم لوزنتهن: سبحان الله وبحمده، عدد خلقه ورضا نفسه وزنة عرشه ومداد كلماته" .

فكانت -رضى الله عنها- كثيرًا تردُّدها
وقد كانت جويرية قبل أن تتزوج النبي ( متزوجة من رجل مشرك، هو ابن عمها

مسامح بن صفوان، وقد قُتل في غزوة بنى المصطلق في السنة السادسة للهجرة،

حين خرج النبي ( لقتال يهود بنى المصطلق لما بلغه استعدادهم لقتال المسلمين بقيادة

زعيمهم الحارث بن أبى ضرار، فقاتلهم، فنصر اللَّه رسوله وهزم الكفار وأُخِذت نساؤهم

سبايا، ومنهن:

جويرية (وكان اسمها قبل أن يتزوجها النبي "بَرّة" فغيره النبي إلى "جويرية"؛

لأنه كره أن يقال: خرج النبي من عند برة).

تقول عائشة -رضى اللَّه عنها-: إنه لما أصاب رسول اللَّه

( نساء بنى المصطلق، فوقعت جويرية في سهم ثابت بن قيس، الذي عرض عليها

أمر افتدائها بمقدار تسع أواق من الذهب، وهو واثق من أنها قادرة على دفعها له؛

لأنها بنت سيد بنى المصطلق ومن أغنياء اليهود. فكاتبتْه بهذا المبلغ؛ حتى يطلق

سراحها، ولكنه أبَى إلا أن يتسلم أولا الفداء.

ولما كانت جويرية سبية ليس معها ما تفدى به نفسها -توجهت إلى رسول اللَّه

(، وهو يومئذٍ عندى تسأله في كتابتها، ولما أذن لها الرسول بالدخول -

قالت: يا رسول اللَّه، أنا برة بنت الحارث - سيّد قومه - وقد أصابنى من الأمر ما قد علمتَ،

فأعِنِّى في كتابتي

. فقال لها : "أولكِ خير من ذلك؟"

فقالت: ماهو؟

فقال: "أؤدى عنك كتابك وأتزوجك"

قالت: نعم يا رسول اللَّه.

فقال: "قد فعلتُ". فخرج الخبر إلى الناس.

فقالوا: أأصهار رسول الَّله ( يُسترقُّون؟ فأعتقوا ما كان في أيديهم من نساء بنى

المصطلق، فبلغ عِتْقُهم مائةَ أهل بيت بزواجه إياها، فلا أعلم امرأة أعظم بركة على

أهلها منها . وكانت السيدة جويرية -رضى الله عنها- في العشرين

من عمرها حين تزوجها النبي
وعاشت جويرية في بيت النبي (، وامتّد عمرها حتى عهد معاوية بن أبى سفيان -رضى الله عنه-.

وتوفيت -رضى الله عنها- عام 56 للهجرة، وصلَّى عليها مَرْوان بن الحكم- أمير المدينة،

وقد بلغت سبعين سنة، وقيل توفيت سنة 50 للهجرة وعمرها 65 سنة.

وقد روت -رضى الله عنها- بعضًا من أحاديث النبي

السلام عليكم ورحمة الله وبركاته
صباحكم خير وود وتسامح وتفاؤل
لازم ابتدى زى كل البنات بالكلام عن بلو روز
رحاب ..مهما قلنا ما يكفيش عشان نحكى على صبرك ،ومهما قلنا مش هنقدر نوصل لأى درجة كلنا اتهزينا من قصة مرضك وشفائك بفضل الله...ربنا جعلك سبب خاص لكل واحدة فينا عشان تعيد تفكير فيما تعتقده هموم
شفاؤك كان آية من آيات الله وحكمته ورحمته وعظمته.......

حكايتك كانت رسالة ربانية بتقول لكل واحدة....فوقى...دنيا ايه اللى انتى زعلانة من حاجة فيها...هموم ايه اللى فاكراها بتهد جبال..تعب ايه اللى انتى فيه..شايفة نفسك مبتلاة ..طيب لحد فين؟
ربنا ما قدرليش انى اتعرف عليكى بشكل شخصى..لكن كنت باحبك من بعيد كده.يمكن تعاطف دائم منى مع كل اللى بتفقد والدتها..عقدة جايز اويمكن بحس ان بينا شئ مشترك...وكنت بأتفائل بلون خطك الازرق واسمك اللى بيحمل معنى التفرد والندرة
سبحان الله لفت نظرى لما قلتى انك عمرك ما فكرتى وقتها انه يكون مرض موت...قد يكون أحد أسباب شفائك..يقينك القوى بالله يمكن انتى ما قولتيهاش لكنه كان راسخ جواكى.
افتكرت أم سوسو لما قالت مرة انها بتدخل قسم مرضى السرطان لما تلاقى نفسها زعلانة عشان تحس بنعمة الصحة من نعم كتير عندنا
ما شاء الله لا قوة الا بالله...لفت نظرى مظاهر الترابط الأسرى بينكم...ووفاء صديقاتك ودفعتك..
رسالة فى القرب من الله..فى اننا نكون فى "معيته دايما" رسالة لتجديد اواصر الصلة والقرابة المقطوعة..
ربنا يسعدك ،ويقر عينك بعمر وباللى جاى أو جاية...ويجمعك كما تحبى بوالدتك فى الفردوس الأعلى ويعفو عن والدك ويلهمه الصبر
الملف وقف امبارح بعد ما اتحط لنك موضوعك...بس كانت وقفة مع النفس مش حزن
نحزن ليه؟ انتى الحمد لله خفيتى ولازم نفرح زى ما قالت أم يوسف
اخدتى ثواب ييجى مليون كيلو كده يا رحاب.........
راجعة تانى

السلام عليكم و رحمة الله و بركاتة على كل حبايبى و اخواتى الحاضرين و الغائبين

جيت اهوه عشان ارغى و الشاطر اللى يسكتنى بقى

عروستى ................. الف سلامة يا قمر طهور ان شاء الله طمنينا عليكى و يارب تكونى دلوقتى احسن و عارفة سبحان الله بعد ما قريت قصة رحاب و روحت حسيت ان معدتى وجعانى اوى و نفسى غامة عليا طبعا اكيد حالة نفسية من التأثر بس الحمد لله على كل شىء

زوجة مصرية ................... مش هاقولك خير ما قل و دل " جزاكى الله خيرا "


هايا ................ الف سلامة من الكحة على الحلوين و فيه دوا حلو اوى بيدوب البلغم عبارة عن اقراص صغيرة بيضا اسمها بايسلفون بس ممتاز حتى المدخنين بياخدوه عشان البلغم و بيدوبه من غير ما يسبب اى سعال و على فكرة فطومة ام ابيها بتسلم عليكى يا قمر و بوسيلى ملوكة


ام ادهم............. روقى كده يا قمر و فى الأول و الأخر انتى ملكيش غير بيتك يا حلوة و ربنا يهدى زوجك و يسخرهولك كما تحبى يارب و يصلح حالك

ريهام .............. عاملة ايه دلوقتىأحسن و زوجك ربنا يهدية و يلا قوللنا الخطة اللى هتصلحى بيها العلاقات مع حماتك

ام سوسو ,................ ملاكى الجميل عاملة ايه يا قمره و فينك امبارح مش اطمنا عليكى و الحمد لله انك ظهرتى و بخير و اخبار البنات تمام ؟؟؟

هدهود............. بصى يا قمره الحياة مليانة بلاوى مش مشاكل بس الشاطر اللى يتعلم و الأهم يرضى بالقضاء و فكرة حلوة انكم تخلى جوزك هو اللى وزير المالية عشان اى عجز هو اللى يتحملة و بوسيلى جودى السهيرة زميلة السهيرة اللى عندى


ام يوسف .............جميل فعلا تنفيذك لسياسية لا للنكد و خليكى عليها يا قمره و ربنا يسخرلك زوجك و يرزقكم بشقة احسن ما بتتمنوا يارب و تتهنوا فيها العمر كله آمين

رشا ( ام روان ) .......... اخبارك ايه و اخبار القمرات بتوعك تمام و جميل فعلا تذكر الموت و بيخلى الواحد على طول متيقظ لحياتة و افعالة و ربنا يرزقنا جميعا حسن الخاتمة و يختم لنا بالباقيات الصالحات يارب و هاه طمنينى جبتى العجانة و لا لسة عشان كل ما احب اعمل حلويات ابعتهالك تعجنيهالى ( غلسة مش كده )

المحبة للرسول ........... على فكرة يا قمرا انا حماتى ساكنة فى اكتوبر فى المتميز انتى فين بقى و اخبار البنوتات تمام ؟؟

حبيبة .................... كويس انك طمنتينا على مؤمن و ان شاء الله يبقى زى الفل فى اقرب وقت و بالنسبة لأخت زوجك يا قمره بصراحة انا شايفة انك متضغطيش على نفسك عشان تاخدى حاجات منها عارفة الضغط على النفس بيضيع الثواب عليكى غير لما تكون نفسك راضية و مرتاحة للخير اللى بتعملية
فالأفضل مش تاخدى منها حاجة و فى نفس الوقت زوجك يساعدها باى طريقة هو شايفها كويسة فى حدود الأماكنيات طبعا دون اى ظلم او نقص لأحتياجات بيتك و ممكن تكون المساعدة ديه مباشرة بينه و بينها مش عن طريقك .

ام عبد الله ............. حبيبتى ربنا يخليلك اولادك و يديم عليكى النعم يارب و انتى عاملة زى ماليش فى الخاطات و الماسكات و لا شىء بس كريم او غسول للوش ( اخت اصلها كسلانة جدا ) و جزاكى الله خيرا على السؤال

توتة البطوطة ............ مبروك السرير يا قمر و عبقال ما تجيبى جهز ايمان و النونو الجديد و خدى بالك من نفسك بقى و تعالى طمنينا على البيبى جت و لا لسة و ربنا يرزقك ساعة سهلة ميسرة ان شاء الله

مرمر............ ربنا يقومك بالسلامة يا جميل و يرزقك ولادة سهلة طبيعية كده متحسيش فيها باى حاجة بس اهم حاجة لما تكونى بتولدى اوعى تصوتى و لا تعيطى الحاجات ديه بتضيع الطاقة اللى عندك و بتديكى احساس اكتر بالألم احسن حاجة استغفرى و ادعى و اذكر الله

انوج............. عاملة ايه يا جميل و اخبار يويو و الريجيم تمام ؟؟ شافطة و لا لأ ؟؟؟؟؟؟؟؟؟ و اخبار اخوكى طمنينا عليه يارب يكون احسن دلوقتى و يلا ابقى ادخلى عايزة اكل ودانك شوية بس يارب الاقى وقت


رشا روشانا ............. ضحكتونى بجد على مناوشات الولادة الطبيعية و القيصرية تحفن على راى الأطفال و انتى اخبارك ايه و اخبار البنوتات تمام بخير

ايمان ............... مش عايزة اوعدك و اقولك ابعتيلى الموقع و ارجع مش اقدر التزم ربنا يقدرنى و اساعدك باى حاجة و جزاكى الله عنا خير الجزاء

رانيا ............. اخبارك ايه و اخبار عمورى تمام بخير ؟؟ و ربنا يكرمك على الحجات الحولة بتاعت الأطفال ديه بجد مفيدة جدا ربنا يرزقك بذرية صالحة عاجل غير اجل

ميوش............... عاملة ايه و زيزو عسول خالص بتحسسونى انكم فى مغاملاات توم اند جيرى بجد ربنا يهديهولك و يصلحلك الحال

نانسى ,................ الف سلامة على بنوتك طمنينا عليها يارب احسن دلوقتى عارفة يا جميل امبارح سبحان الله كنت بعمل حاجة فى المطبخ و فجاة كده جيتى فى بالى و افتكرك شكلك و ضحكتك سبحان الله و طبعا افتكرت انى كنت دايما بسلم عليكى و بتكلم سوا سبحان الله الواحد بينبسط جدا لما بيلاقى ناس يعرفهم و اتجمع بيهم بعد فترة ربنا يديم الخير


مرمر البتول (حنون) .................. ازويك يا قمره عاملة ايه و اخبار البنات و معلش زوجك ربنا يصلحله الحال يارب و يسخرله صاحب الشغل كما يحب و ربنا يجمعك بيه عاجل غير أجل يارب

اسماء................ ازيك يا سمسم و اخبار البنوتات بخير و اروى طمنينا عليها و العملية تمت بخير و لا ايه ؟؟

ميرو ........... مسك الختام بقى مش عارفة اقول ايه اصبرى شوية عليا عشان اجهزلك حتة من عقلى بس شرط انك تعملى بيها بقى ؟؟؟؟؟؟؟؟؟؟؟


كل حبايبى الحلوين الرمال (منى ) و ام نادين و ام جميلة و اسماء تسلم ايديكم و نرمو و توتا و تودح و فيميل و ماما زوزو و بيبى ايمى و هبه و طبعا بلو روز ( مش عارفة اقولك ايه يا حبيبتى غير ان ربنا يرزقك رضاه فى الدنيا و الأخرة يارب ) و حنان كهرمانة و نوران و سامحونى جدا جدا جدا لو نسيت حد لأنه مش عن تجاهل و لا اى حاجة بس النسيان و ما ادراكم ما هو النسيان بس كلكم كده صباحكم سكر زيادة


بالنسبة بقى ليومياتى

يوم الخميس كان اجازة عشان اوباما جاى فطبعا صحيت من النوم متاخر جدا حوالى 12.30 عشان روان هانم نامت الساعة 5 الفجر فطبعا كنت مش شابفة قدامى و قلت لأ انا هاعمل زى ما حبايبى بيعملوا و مش هضيع اليوم و دخلت بسم الله ما شاء الله لا قوة الا بالله على البيت و فين يوجعك
البلكونة مسح و كنس و تنضيف الترابزين و الألوميتال و شفت التراب من المجرى بتعاعت الشبابيك بالمكنسة الكهربية و لمعت الريسبشن كله وشلت الستاير و مسحت الأرضيات بالديتول و المية و نضفت السجاجيد كلها بفرشة صغيرة و ديتول و مية و طلع منهم بلاوى بجد
و بعدين عكلت الغدا من فضل الله فراخ ايرانى ( جربوها يا بنات بجد حلوة اوى عملتها بتاع 4 مرات من رمضان اللى فات ) و رز معمر و كان عندى لوبيا و ملوخية بواقى

يوم الجمعة كان زوجى عند مامته فخرجت انا و روان و ماما و اتغدينا برده و زورنا ناس قريبنا .
يوم السبت كان فيه حاجات لسة مش خلصتها فى البيت و كان فيه غسيل فظيع غسلتة و نشرتة و لميته و طبقتة و وديت المكوى و استحميت و عملت حمام كريم لشعرى و بعدين عملت الحلو كيك برتقال و كيك بصوص الشيكولاتة و الفواكة المسكرة و الغدا عملت مكرونة بالصوص الأبيض و المشروم و فراخ مشوية و كبد وقوانص و من فضل الله كان الأكل لذيذ و حميت بنتى و استحميت و نمنا

امبارح بقى روحت الأكل مكرونة بالصلة العادية و فراخ بانية و سلطة و وضبت اوضتى و كنستها و هويتها و علقت الهدوم و بعدين دخلت على الليفينج روقتها و مسحت السجادة بالديتول و المية و كنستها و بعدين المشاية بتاعت الطرقة عملت فيها نفس الموضوع و كنست كل الأرضيات و كان فيه غسيل لميتة و طبقتة و شلته و وديت المكوى و الراجل جابها علقتها و غيرت لروان هدومها .
و دخلت على الحمام و نضفته تنضيف عميق و استحميت و قعدت مع وران لغاية لما جه زوجى و كل و نام و بعدبن قعدت مع السهيرة و عملت حمام على الأنترية فى الليفنج الساعة 1.30 و قعدجت اغسل و ادعك و انشر اللى مبلول و زعتلها و نامت الساعة 2 و طبعا نمت مش شايفة قدماى و مش صليت الفجر بكل أسف

بس رغيت كتير و تعبت من الكتابة

صبااااااح الفل عليكم
ووووووووووووحشتونى
الحمد لله الامن استتب فىالبيت ورجعت الماية لمجاريها بينى وبين زوجى
نصيحة ياااااااااااااا بنات لاتحكى عن حياتك الخاصة مع اى حد ..... المشكلة كان سببها الحسد
انا منكرش ان البيت فيه اوجه قصوورررررررر كتير يعنى متحسدش ولا حاجة لان انا وزوجى لكل منا حياته الخاصة
هو عل طوووووووووول مع اصحابه وانا مع الاولاد لوحدنا
طبعا الموضوع سبب مشاكل كثير ,,, ولكن بالدعاااااااااء الحمد لله زبنا رزقنى الصبر والرضا والتصالح مع النفس وقلت كدة افضل حتى يكون القرآن رفيقى

وهنا جااااااء الحسد اتصلت بى صديقة بصراحة شعنونة وفعلا لقيتها بتعيط وتشتكى لى زوجها وتشتكى من نفسها انها كل ما حصلت مشكلة كبرتها ......قعدت احكلها عن الصبرررررررررر والتصبر ولاااااااااااازم عشان الاولاد كلنا فينا قصووووووور وابدا بنفسك اولا
المهم ..... وقااااااااااااااالت ,,,,, ياااااااااااااااه ده انت ........ لغاااااااااااااية ما اصابت بيتى بالتصحر

المهم دخلت العين وراااااااااااح العقل والصبر ومسكت فى خنااااااااقه زىا التلميذ البليد
وجزااااااااااها الله كل خير

المهم ,,,,, وحشتوووووونى نفسى ارد على الكل لكن عندى تنفيض وطبيخ ووووووووووووووو

لو كان لسه فيه حيل هرجع باليوميات ......

السلام عليكم ورحمه الله
فيميل بالنسبه لسؤالك عن الحسد الحسد طبعا مذكور فى الكتاب والسنه انا كنت عكسك تماما وكنت فاهمه ايه واما بنعبه ربك حدث غلط دايما كنت اقول انا عملت وانا اشتريت حتى لما كنت بنوى على حاجه كنت بقول قبل ماعملها والحمد لله الحسد كان بيجى فى الاجهزة انا اشترت فرن كهرباء واتكسر وجارتى بتخبط على الباب علشان تشوفه هى قابلتنى وانا بشتريه وهى بتخبط نزل من على رخامه المطبخ لوحدة ادشدش حتى السراميك بتاع الرسبيشن بقع يفرقع فى الارض اول ماسكنت جديد لحد ماتعلمت من اخت فاضله معانا مش قول هى مين هى رئيسه الجمهوريه بتعتنا ان معنى الايه ان ماششتكيش مش افضل اقول انا عندى وانا بجيب وبرضه اتعلمت انى دايما اول ماشترى حاجه ادعى ربنا يبارك فيها ويكفينى شرها واقراء المعوذات واشغل دايما سورة البقرة فى البيت على الاقل 4 مرات فى الاسبوع بس لم انعزل عن الناس البيت الى بيقى فيه ضيوف ويتم اكرامهم من غير نم او شىء يغضب الله بيبقى فيه بركه وتحاب فى الله او صله رحم او افطار فى رمضان وفى الاول ولاخر قل لان يصيبنا الاماكتب الله لنا .
بالنسبه للولادة بما انى ربنا اكرمنى بالولادة 3 مرات الاولى نورهان وكان عندى 21 سنه واسبوعين وكانت اسهل ولادة طبيعيه ولدت وخلصت فى اربع ساعات ورجعت البيت الحمد لله وايه 23 اخدت 8 ساعات وبرضه الحمد لله كانت الالم بعد الطلق الصناعى يعنى اخر ساعة وساعتين بعد الولادة وجودى 38 سنه قيصرى والحمد لله تعبت تانى يوم وثالث يوم وبعد كدة اخدم نفسك بنفسك وكل الامور تمام
وربنا يرزق رحاب ومادو وتوته ومرمر وكهرمانه وايناس وام مريم وكل الحوامل بولادة سهله يارب زى ولادة نورهان الامورة بس دايما اذكروا الله وعليكم وسورة الزالزله والنفاس ياتوته اهم حاجه فيه البنطلون وممنوع شرب البارد بس انا كنت بشرب بيبسى من ورا حماتى وماما كنت ببقى حرانه انا ولدت بناتى كلهم فى شهر 9 وانا كمان وجوزى علشان كدة احنامتربطين قصدى مترابطين
منى دموع وحشتنى كتابتك ولو مدخلتيش انا هزعل وانا زعلى وحش
زوجه مصريه انتى فين احنا عاوزينك نداء عاجل ولا قبول للاعذار
سؤال ليكم انا عملت حمله نظافه شخصيه امبارح بكريم وان بس ايدى ازرقت واحمرت حتى يعرف لو فيه منه خطورة نداء عاجل الى ناقوس النصيحه روشانا