صباح الخير ياقمرات

صباح الخير يا بنات
طبعا مش ينفع اكتب من غير ما اقول لرحاب ربنا يجزيكي جزاء الصابرين
و يبارك لك في جوزك وولادك ويتم حملك على خير
طبعا مش ح اعرف اقول اكتر م اللي البنات قالوه ماشاء الله عليكي و على صبرك وايمانك
اللهم اجعلنا عبيد احسانك لا عبيد ابتلائك

انجي معلش امبارح الوضع كان فظيع و مش عرفت اكلمك و النهارده نسيت الموبايل
ههههههههههههههههههههه
عارفه ح اتعلق يا معلم

سلامي للجميييييييييييييييييييييييييييييييييييييييع و سلام مربع لعروس
الا انتي انتخبوكي امتى ههههههههه اصلي ما حضرتش الانتخابات ههههه
مش معنى كده اني معترضه هههههه موافقه و الله هههههههههه


اخر اخباري
القرده بنتي هههههههههه سجى علشان انا نسيت اسمها
طبعا حضرتي ما كنتش اعرف موضوع ما ترضعيش قدام حد
و اتزنقت ورضعت قدام واحدة صاحبتي
و من اسبوعين يا حلوين و هي مطلعه بوز اهلي
واحطها على صدري تعيط و تتشنج و ما ترضاش ترضع
و الببرونه كمان تاخد 30 سم و كفايه
الحمد لله بدات تتحسن شويه
انا بقى حاليا مضطرة انزل الشغل قبل اجازتي ما تخلص
باكتب تقارير و بتاع
و بيني و بينكوا زهقت من الحبس الانفرادي في البيت
زوجي العزيز بقى اخر دمااااااااااااااااااااااغ
و اختكوا الغلبانه هي المسئولة عن مشكلة المرور و حل المشكلة الفلسطينيه
بافكر اروح ازور اوبااما بس للاسف سافر قبل ما احلها معاه ههههههههه
و طبعا مقصرة جدا و طالع لي في المقدر جديد عايز لبسه يتغسل على ايديا ههه
على اعتبار اني بقيت ربة منزل


ايه تاني
طبعا شغل البيت باعمله بالعافيه
اللي هو السريع المريع يا جماعة هههههههههه
تقريبا بقيت تخصص
والبنت اللي بتساعدني مختفيه حتى اشعار اخر
فبحاول اعمل كل يوم حاجة علشان الدنيا ما تبوظش


سامعه كلام عن موقع للاطفال
ايه الاخبار يا ايمان شكلك مشغولة ع الاخر في المواقع
و بعدين ليه السكرته طب ابعتي لي الموقع

سلام بقى يا حلوين
سلام

quote=**Blue Rose**;31067609] حبايب قلبي والله ما قصدي انكد عليكوا
انا عارفه انها قصة مؤلمة و حزينة
بس بتدي دافع و امل لكتيييير ان فيه حد ربنا ابتلاه بالمرض ده و شفاه
الناس متخيله ان المرض ده يعني وفاة

كان المفروض انزلها من زمان بس بجد بتعب جدا جدا لما افتكر
و مش قادرة اوصفلكوا حالتي الايام اللي فاتت و انا بكتبها
بحس بكل اللي كنت حاسة بيه وقتها بس بردو بفتكر نعم ربنا عليا الحمدلله

اوقات بكتئب لما حد يجرحني و يحرجني بنظرة او كلمة سخيفة
عشان مش بنزل السلم وراء بعض
أو لما اكون في المسجد واسجد على كرسي
بس بعدين بفتكر و احتسب و اقول الحمدلله اني خفيت
و اني لسه محتفظة برجلي
و اني قادرة امشي و اقوم و اتحرك

ربنا يرزقنا العافية في الدين و الدنيا و الآخرة




السلام عليكم و رحمة الله و بركاته
اولا اهنى و ابارك على الشفاء و تمام الصحة يا رحاب.. اللهم لك الحمد حمدا كثيرا يليق بكرمك و عطفك
و اسمحيلى اولا اظهر اعجابى بشجاعتك وقت المرض و المحنه و الاحتساب ....علمتينا كلنا يا رحاب فوق ما تتخيلى

و اكتر شجاعتك فى سرد الاحداث و صدقينى انا اعلم تماما مرارة سرد الاحداث المفجعه ...التى تسقيكى مرات اخرى جرعات الالم

جعل الله مرادك من سردها فى ميزان حسناتك اولا...و ثانيا ان تكون سبب تخفيف و تثبيت و بث امل للجميع ..المعافى منا و المبتلى ..و يرزقك ثواب هذا اضعاف مضاعفه

وان شاء الله يا رحاب يهون عليكى تذكر الالم مره اخرى معرفتك انك اثرتى فى الكل و دعواتنا ليكى تحول الذكرى المؤلمه فى مخيلتك لفكرة بديلة جميله..كلما تذكرتى ما حدث ابتسمتى و تشجعتى..ان جعل الله بك سببا لامل للجميعا المعافى منا و المبتلى شفاه الله

قال الفـضيل بن عـياض رحمـه الله : ( الناس ما داموا في عافـية مسـتورون , فإذا حـل بهـم البـلاء صاروا إلى حـقـائـقـهم , فصار المؤمن إلى إيمانه وصار المنافـق إلى نفاقه )

الله يبارك ليكى فى صحتك و فى ابنك عمر حفظه الله و سلمه من كل شر و اتم حملك على خير و يسر ....و رزقك الذرية المعافاة الصالحة التى تقر عينك بها

اللهم يا ذا الجلال و الاكرام ارحم امها و متعها فى قبرها و اجعل مثواها الفردوس الاعلى بصحبة الحبيب المصطفى صلى الله عليه و سلم
اللهم برحمتك و قدرتك اتم شفاء والدها و اعف عنه يا ارحم الراحمين


و تهنئة خاصة للانسان الفاضل الذى علم الله قدره لولا ان رزقه بجوهرة مثلك..بارك الله لكم فى هذه الزيجة فخير متاع الدنيا الزوجة الصالحة..و نحسبك اروع مثال لذلك


فهنيئا لك جبال الحسنات ...
هذه هيه التهنئة الكبرىىىىى
جبال و تلال و اكوام الحسنات ......انه الكريم ...إن وعد الله حق

إنما يوفى الصابرون أجرهم بغيرحساب
قال الأوزاعي رحمه الله : ( ليس يوزن لهم ولا يكال لهم إنما يغرف لهم غرفاً ) ,




ولربَّ نازلة يضيــق بـها الفـــتى ذرعاً , وعند الله منها الـمخــــرجُ
ضاقت فلما استحكمت حلــــقاتها فـرجت , وكنت أظـــــنها لا تفرجُ

انا برضه بيحصلى الموقف ده كتير

حلة

بعد ما تكتبى وقبل ما تدوسى ارسال اعملى كنترول A عشان يسلكت كلة واعملى كوبى وبعدين دوسي

عشان لو حصلت مشكلة يبقى الكلام معاكى اتحى الصفحة تانى واعملى باست ودوسي ارسال

والاسهل من كده انك تكتبى الاول فى نوت باد وبعدين كوبى وباست فى الصفحة

صباح الفل يا احلى بنات
عايزه اسلم عليكم واحده واحده
بس من بدرى قاعده على الجهاز
قصه رحاب استنفذتنى كليا
هقوم دلوقتى وان شاء الله لما ارجع
يبقالنا كلام

الف سلامه على الناس التعبانه (هايا - ام البنات - عروس) و يارب يشفيهم عاجلا

كنزى:- اكتبى فى ملف بره علشان الكلام ميضعش منك و ابقى خوديه كوبى و بيست

ام هبو :- اهلا بيكى انا برضوا جديده من اسبوعين كده بس يشرفى ارحب بيكى و فى انتظار مشاركاتك انا عارفه قد ايه بيحتاج الجديد للتشجيع ههههههههههههههه :26:

ارجوا عفو ربى:- اللهم لك الحمد ....يارب دايما سعيده فى حياتك و موفقه...ودارى على شمعتك بقى هههههههه

اسماء ام اروى :- اخبارك ايه يا عسل و البنات عاملين معاكى ايه يارب يعينك عليهم و يشفيلك اروى و يعافيها ان شاء الله---انا كنت فاكراكى فى الرياض مش مصدقه انك فى القاهره حتى كنت هقولك تعالى مصر اعملى العملية هنا مصر هنا الطب فيها كويس -- سبحان الله اصل معظم سكان المضيفه تقريبا مغتربات -- يارب يشفيلك الملاك اروى و تكبر كده و تبقى عروسه و تطلع عنيكى من الشقاوة

كهرمانه :- يارب تقومى بالف الف سلامه انا عارفه شعورك انا كنت حامل زيك و معايا مريم و للاسف كنت بتعصب عليها -- كتر خيرك و ربنا يعينك انت معزوره فى تعبك و لما تضايقك - ابعدى عنها و حاول تاخد نفس و افتكرى احساسك بالذب مع الوقت هتتوقفى و طبعا استعينى بالله كتييير اوى هيقويكى ان شاء الله

بس المهم دايما لما تهدى اعتذريلها و بوسيها علشان تتطمن و متتعقدش منك و مع الوقت هتعودى نفسك -- انا كنت بضرب مريم على ايدها و هيه صغيره - ربنا يسامحنى و كل شويه الضرب زاد لحد ما تحولت لوحش - و هيه بقت لا تستجيب للضرب و نظرتها ليا تقطع القلب - بس اتعلمت اتحكم فى نفسى شويه شويه - و دلوقتى عندها 3 سنين حاسه بذنب فظيع على ضربها من سنه تقريبا مبطله بس بموت نفسى من التأنيب


يا امهات بلاش تنساقوا فى موضوع الضرب
بتتبتدى بكخ على الايد و بتلاقى ايدك كل مره تقلت
حرااااااام - استعينوا بالله و اكتموا العصبية فى نفسكم
واتخيلى كاميرا بتصورك و انت وحش فتاك ماسكه ملاك و بتعذبيه وانك بتتفرجى على نفسك
وابكى كده و هتحرمى


اسماء روبنز :- روحتى فين تعالى تانى

زوجة مصرية - روشانا - عطر الشموع - رحاب - ام يوسف -ام سوسو - ماما زوزو - عروس - راجية عفو ربى - حبيبة - فيميل - ام يوسف - رونى - ام
شهاب - رشا - مرمر - البتول


معلش اللى حفظته
و الباقى كلكم كلكم
الله يسعد اوقاتكم و يعفوا عنكم و يسهل مقاصدكم و يوفق الكل للخير و يقينا شرور انفسنا جميعا


مدام وائل ممكن تبعتيلى الرابط انا اصلا بطور مواقع و بحب اعمل شغل فيديو على قدى كده و ممكن اساعدك ان شاء الله و فكرتك سبحان الله كنت اتمنى اعملها و يااااااااارب تتحول لمؤسسه تقدم خدمات تربيوية و لا ده مش حلمك ؟؟؟؟؟؟؟؟

يومياتى امبارح على السريع جدااااااااااا
كان يوم موفق الحمد لله - عملت كوسه طبيخ و رز ابيض و طلعت تحفههههه بجد
و زوقت نفسى و العيال و لبست فى البيت طقم خروج بسيط كنت تخنت عليه و ربطت الايشارب الصغير فى ظفيرتى بشكل منسق ... حركات كده و البرفان و رتوش مكياج على الخفيف
و العيال استحمت و اتروقت بس يوسف عنده شوية اسهال ...بيزحف اليومين دول و مجنينى و تقريبا رمرم من الارض حاجة مش تمام
مريم دى قصه تانى ...هيه رفيعه اوىىىى و بتخس كمان........مش عارفه حكايتها ايه؟؟؟؟؟؟؟؟؟

بالنسبة للنظافه اديلى فتره بروق اول باول و المطبخ نظيف بس ناقصه ترتيب الرفوف و تنظيم الحاجة بشكل منسق جوة الادراج
يعنى اجمالا النظافه (الغير عميقه كويسه جدااااا و راضية عنها
هجهز كده ان شاء الله خلطاتكم السريه و الايام القادمه ان شاء الله احاول اهجم كده على اوضه اوضه)