السلام عليكم ورحمه وبركاته
منى انتى الحاجات اول مرة ولا عن تجربه

الف سلامة عليك يا ريس مش تخلي بالك
طب لو مش عشان خاطر البنات يبقى علشان خاطر الرعية


خلاص اتظبط يا ريس
المنحة بقى يا ريس ههههههههههههههه
ولا هو كله عصايا وبس

اتظبط من الشمس ورجعت زي الفرخة الدايخة
فعملت في السريع كده شوربة كريمة بالماشروم ومكرونة وكان عندي كفته في الفريزر
شوربة الكريمة دي تحفة كتبتها قبل كده ولو حد عايز طريقتها يقولي اكتبها تاني سهلة وطعهمها يجنن وسريعة وده المهم ههههه
ممكن تقوليلى طريقه الشوربه وتنفع من غير مشروم ويخونك الصفحات الى بنا بقى متساليش عليا وانا رجلى برة ورجل جوة وصراحه كانوا الاثنين جوة

وبعدين جري تاني على الحضانه اخد الولاد وبعدين على البيت في ساعة رهيبة بتلسع من الشمس او بمعنى اصح بنتحرق انا ولولاد لان العربيه مش مكيفة والحرارة جواها اكتر من براها بخمس درجات ههههههههه .
اختي الكريمة لتخفيف حدة الحرارة في حاجه مثل الكرتون بتغطي بيها الجزء الامامي من السيارة من الداخل وكده الركسيون بيكون محتمل وهناك فكرة اخري مفيدة جدا انك بتفتحي زجاج العربية حاجه بسيطة جدا وتضعي زجاجة مياة معدنية مفتوحة اي بدون غطاء
فتمتص الحرارة والرطوبة من الداخل بشكل ملحوظ ياريت تجربي وتخبرينا عن النتيحة وربنا يقويكي وييسر لك كل امورك يارب والجميع.

السلام عليكم و رحمة الله و بركاتة على كل حبايبى الحلوين الحاضرين و الغائبين

هدهود.......... الحمد له انك كويسة ربنا يتم شفاءك على خير يارب و تبقى فى احسن حال


ايجيبتى ............ بصى يا جميل انا غالبا بجيب الماشروم المعلب بس لما بجيب الفريش طبعا بغسلة بمية الأول و بعدين اقطعة شرايح

الرمال.............. ايه الشطارة ديه يا منمونة ربنا يبارك فى صحتك

فيميل .............. بصى يا جميل فعلا احسن حاجة انك تقولى لأهلك يمكن الموضوع لما يتشاف من حد برا توضح وجهات النظر اكتر بس بردة لما اهلك يعرفوا لازم تفهميهم انك عايزة الصلح مش المشاكل و ان شاء الله تتحل و تيجى تبشرينا بالخير بس افتكرى " استعينوا بالصبر و الصلاة إن الله مع الصابرين "


انوج ............... انا هنا يا قمره اهو مش مختفية و لا حاجة بس شوية بشتغل و اجى و اخبار يوسف ايه تمام


روشى ........... يارب تكونى خدتى قرار فى موضوع الشفاط و ابقى طمنينا

ميرو ............ يا بنتى كلنا هذا الرجل بس بجد زعلت منك اوى على موضوع الكالسيوم و سنان شهاب يا بنتى طيب حاولى تديلة كالسيوم خارجى دلوقتى عشان يتحسن شوية مينفعش كده ربنا يبارك فيه و فى صحتة
و هونى على نفسك و حاولى دايما تحضرى حاجاتك من بالليل لو تقدرى او حتى النص و خلى النص للصبح و جوزك لو تعبانة ابقى نامى شوبة و بعدين قومى اقعدى معاه و اتكلموا و تواصلوا مع بعض باى طريقة بس لازم يكون فى وقت بينكم و ليكم لوحدكم ححاولى عوضى اى نقص فى عررقتك معاه بلفتات حلوة حتى لو كانت بسيطة يعنى مثلا دلوقتى فى تخفيضات فى المحلات الرجالى روحى كده اى وقت و انتى راجعة من الشغل و هتيلة تى شيرت او حتى حزام اى لفته تدل انك فاكراه و مهتمة بيه بس غصب عنك و حاجات تانية زى ما قلتلك عليها قبل كده كلها بسيطة بس مهمة للرجال و خصوصا اللى بيعز دور الضحية زى جوزك اصل انا جوزى كده برده ربنا يعينا عليهم .

ام سوسو .................وصل يا حبيبتى الرقم جزاكى الله خيرا و ان شاء الله اشجن و اكلمك فى اقرب وقت

رشا ( ام روان ) .......... عاملة ايه يا جميل و اخبار الأجازة ايه ؟؟

مادو............. طمنينا عليكى دايما و يارب تكونى بخير

مى .......... ايه النشاط ده كله ربنا يبارك فيكى و يديكى الصحة يارب و يهديلك زيزو و يرضى يلعب معاكى

انا كلمت عروستى امبارح و هى بتسلم عليكم نفر نفر و ان شاء الله فى ارق بوقت تطل علينا و تنور الملف

ايمان .......... ايه يا بنتى شلكلك كده روحتى تقعدى مع ساندى طيب اقولك فكرة هتعجب خدى ساندى معاكى و اديهم بودى ههههههههههههه


يلا عشان الأفادة بقى شوفت من كام يوم على برنامج من كل بلد اله حلقة عن المنجا للشيف حسن كان عامل كذا حاجة بس اللى لحقتة و حفظنة عشان بحبه اوى هى كنافة المنجا ( على فكرة بتتباع عن تسيباس غالية ) و تطلع سهلة و غير مكلفة ربنا يسهل و اجربها

الطريقة :
نخلط كمية من الكنافة مع القليل من سكر البودرة و السمنة و بعدين نرصهم فى الصينية و نضغط عليها عشان تتساوى كويس و يبقى سمكها حوالى 1 سم
و نكرر نفس العملية فى صينية تانية عشان يبقى عندنا قرصين

بعد ما تستوى الكنافة نطلعا و نسقيها شربات تقيل بالمعلقة بس مش كتير عشان يبقى سكرها معقول

و نجهز الحوشة : عبارة عن كوب باستيرى كريم ( من عند محلات مسلتزمات الحلويات ) و معاها كوبين عصير مانجة و نخلط كويس هيبقى خليط تقيل شوية و نزود عليهم كوباية فريش كريم و نقلب و بعدين هتبقى زى الكريم شانية فى القوام و بعدين نحطها فى قمع حلويات و نغطى بيها قرص كنافة من الأتنين و بعدين نقطع قطع مانجة عليها و نغطى بالقرص التانى كويس و نزينها و فى الأخر لفها بريط ستان من الجناب
عارفة تبقى تحفة لو كنتى معزمة عند حد و خدتيها معاكى هتبقى جميلة و بامر الرحمن اجربها و اقولك


و للعلم فكرة الكنافة بالمانجا ديه ممكن تفذيها كمان بالفراولة هتبقى حلوة اان برده شفتها عند تسيباس ( اصله محل الحلويات المفضل عندى )
و ياريت اللى اتفرج على الحلقة ديه يقولنا فى الأول عمل حاجة كده نص دايزة فيها مانجة قطه بس شكلها حلو بس بصراحة مش فاكرة الأسم


يلا كفاية كده رغيت كتير

اللهم رحمتك أرجو فلا تكلني إلى نفسي طرفة عين وأصلح لي شأني كله
اللهم إن كان رزقي في السماء فأهبطه وإن كان في الأرض فأظهره وإن كان بعيدا فقربه وإن كان قريبا فيسره وإن كان قليلا فكثره وبارك اللهم فيه