وردة .....حاضر هأرد عليكى بس مبدئيا كده نظام أكلك يا ريمو ده مش ريجيم..ولا حتى تثبيت..يعنى طبيعى انك مش بتخسى
شوية وراجعة ان شاء الله
وردة .....حاضر هأرد عليكى بس مبدئيا كده نظام أكلك يا ريمو ده مش ريجيم..ولا حتى تثبيت..يعنى طبيعى...
أم مريم العسل ...منورة وحمد لله ع سلامتك
وردة بصى بعد لف ودوران ورا الريجيمات والحاجات دى..... الخلاصة
-تثبيت مواعيد الاكل والسناكس كمان مهم جدا.
-لازم اى رياضة وطبعا اسهلها واوفرها المشى ولمدة ساعة على الاقل يوميا"مشوار رايح جاى مثلا مدته نص ساعة" والمشى المتواصل مش امشى واتفرج على المحلات مثلا
-لازم تمنعى السكر خالص لحد ما توصلى للوزن اللى انتى عايزاه وبعدين اكتفى بالتلات معالق بتوع كل يوم.
-ممنوع تفوتى وجبة من الوجبات لانك هتيجى على اللى بعدها
-الرضاعة محتاجة منك سوائل وبروتينات بس والمفروض ان الرضاعة بتحرق سعرات بس فيه ستات بتتخن فى الرضاعة ..هرمونات وافلام كده.
-مكس الاعشاب من الشاى الاخضر والقرفة والزنجبيل له دور حلو جدا فى تنزيل الدهون.
-شرب الميه مهم جدا...وكل ما تجوعى بين الوجبات اشربى والمية الفاترة احسن من الساقعة جدا.
ايه كمان
-اى ريجيم مش مفروض تاكلى فيه اكتر من 3/4 رغيف بلدى ف اليوم كله مش ف وجبة واحدة.
-الرز والمكرونة يكونوا مسلوقين والرز 3 معالق والمكرونة 4 بس
-ممنوع المخللات والمعجنات والحلويات كلها..ولو نفسك اوى هاتى بسكوت دايجستيف الاحمر ده وكليه مع شاى بلبن مثلا
-الخضار برضه لازم نى ف نى
طبعا اللى قلته ده صعب يكون اسلوب حياة "الاكل بس" لكن لازم تلتزمى بيه شهر على الاقل وبعدين ترجعى لنظام اكل صحى برضه وكل حاجة بحساب
وانتى عندك ميزة حلوة يا وردة اللى هى السمك يا بورسعيدية ، كلى مشوى ومسلوق وشوربة وعيشى حياتك ،لو عايزة ريجيم معين قولى اكتب لك
ويا رب كلنا نخس بصحة من غير مرض ان شاء الله