صباحو نادي لبن زبادي

اخيرا يا ايجبتي لقيت طاقة نور في عتمة الحياة الى احنا عايشنا
روحي يا شيخة ربنا يجعل ايامك كلها زي اليوم ده... واحسن
ويخليلك جوزك ويسخره ليكي ويبعد عنك الحسد والقر بتاعناهههههههههههههه
كل عيد زواج وانت وزوجك بخير وعقبال اليوبيل الماسي ههههههههههه

السلام عليكم ورحمه الله وبركاته
اسعد الله صباحكم بالحب والجمال والحنان
كتبت امبارح مشاركه طويله والجهاز فصل كانت حلوة من لانى كنت بكتب احساسى ساعتها
المهم انا رحت الجنينه بعد مشادة خفيفه مع زوجى هو لاقى جودى منمتش وصاحيه مع اخوتها الى الساعه 9 ص قال مش ينفع تروح دى هتنام فى الجنينه المهم حلف لو نامت انا الى هشلها ولبسنا ونزلنا والحمد لله ربنا يسر ومانمتش غير لما رجعنا البيت
واليوم جميل وكان سعيد اولا عيون جودى والانبهار بالحيونات وضحكتها الجميله وقعت اتفرج على حبه ليها وطوله باله معها واشوف حاجات جميله مش شايفها الجنينه مكان بسيط رواده من البسطاء خلو الواحد يحس بنعم ربنا الى عنده ومش حاسس بيها شفت بنت فى سن ايه ربنا يارب يشفيها نايمه فى عربيه بيبى عندها اعاقه كامله وتذكرت الدعاء الحمد لله الذى عفانى مما ابتلى بيه غيرى وكان على من المحسننين حمدت ربنا على الصحه للبنات حسيت نعم ربنا كبيرة انما احنا دايما نشوف نصف الكوب الفاضى الحياة سهله والسعادة فى الرضا ربنا يرزقنى واياكم الرضا فى عطاءه السعادة فعلا وردة ياميرو ماسكه ايد بحنان تفتكروا سوة ذكرى حلوة من 16 سنه
تقريبا انا انبسطت اكثر من جودى واول مرة ابقى ذكيه ومستغلش الوقت فى النقاش والحاجات الى مقصر فيها كل الى نبهته لى ان ايه بتغير من جودى وعيطت واحنا نزلينمش عاوزة تروح معانا عاوزة نفس الاهتمام ووعدنى السبت الجاى نروح الدريم بارك انا قلت الجنينه دى اول الغيث بس يظهر هتمطر عليا ولا ايه
ايجبيتى ونيرمو والرمال الله يبارك فيكم جميعا والله محلات 2.5 دة جميله وفيها حاجات حلوه ممكن تغير شكل المطبخ وتدينا سعادة
ايمان مشاركه ليا مخصوص ايه الجمال دة اولا انا سعيدة بدخولك واتمنى تدخلى بزيادة بجد وياستى شكرا على المعلومات الجميله بس يايمان انا خلاص عديت المرحله دى انا ناويه اجيب الحاجات يارب لنورهان وان شاء الله توعدينى تبقى معايا تسهمى بالافكار الحلوة وعلى فكرة طقم التفال التركى دة فى حمام الثلاثاء ب820/895 من محل لمحل وبصراحه شكله بتكلم فرنساوى وايطالى الحمد لله انا حمام الثلاثاء مش من سكتى والا كنت جبته بمصروف البيت وجوعتهم بس بامر لله انا هجيبه لنور
وفعلا يايمان منى اختى جابت كينود وبتشكر فيه بس هى ماسوتش فيه حاجه
انا فى الخطه اجيب واحد بس نفسى فى حاجه فيها تسويه لانى معنديش استبن للانبوبه انا كن عندى فرن تركى بس خرب وتصليحه اغلى من الجديد لا كينود لا دايو وانا صوتى لكينود
مى الجميله ولايمهمك انا ضحت من الاول على المشاركه وبعدين عادىانا جوزى كل فترة فكرة مجنونه مرة مشروع محل بقاله وفشل ومرة اسهم المصريه للاتصالات والحمد لله كله بيعدى
اسماء تسلم ايديكم روقى ياجميل مش هزود على الى قالوة وانا مع مى انا كمان هعمل بنصيحتها وكل مروح مكان هقوله يجى او اوريله الحساب وايديال احسن من مفيش والله كويسه احنا جيبنها للشركه من 4 سنين
ام سوسو انتى محتاجه 30 وسام مش وسام واحد
ام يوسف وحشانى وراجيه وحشتينى موت بجد هتجنن انا شاء انا رصيدى هينزل يوم 10 ربنا ييسر
الحاجه حبيبه يارب تحجى يارب بجد انا وانتى وكل الى ربنا لسه لم ياذن ليه من بنات السرب الجزر المبشور للرز الباسمتى بالكارى والفراخ وممكن مع العدس فى الشوربه وكنت باستخدمه فى ارز الكبسه بس ناويه اجرب منن غيرة بطريقه راجيه وبحطه فى صنيه السمك مع الكرفس والبصل ولو افتكرت حاجه هقولك
عملت حاجه حلوة امبارح جارتى الى كانت مقطعانى علشان اشتكتلها من المياة الى بتخر على شقتى بتكلمنى تسيب المفتاح انا كلمتها عادى جدا وبدانا انا وهى حمله نظافه للعمارة وامبارح كانت نظيفه وجميله
دى الانباء بالتفاصيل الممله وبعدين الموجز

حبيبة اوسو
انا كمان عندي نفس المشكلة
جوزي مشغول جدا ولو مش مشغول بيعمل نفسه مشغول ههههههه
انا الاول كنت باكل مع الولاد لاني لو استنيته بيجيلي هبوط وبعدين لقيته مرة علق على كده فبقيت بستناه وبعدين تعبت اوي ساعات بييجي تسعة عشرة
طيب انا ذنبي ايه فرجعت ريما لعادتها القديمة بس بقيت بعوض ده بحاجة تانيه
بالكلام ههههههه
انا عاملة الاكل ده مخصوص عشانك....... عجبك؟
وافضل قاعدة جنبه اجيب اللي محتاجة
شهريار لما بيحس بالاهتمام بيتبسط اكتر لانك كده بتفكريه بالست امينه لما تفضل تخدم في جنابه وهو بياكل وبيحاول ينسى انها كلت قبله ههههههههههه
مرة قالهالي على سبيل الغتاته
بيقولي زمان ايام سي السيد كان الرجاله بياكلوا الاول !!!
قلتله دلوقتي الستات اللي بتاكل الاول علشان تقوم ترضع وتشوف اللي وراها يا كده يا تقع من طولها
مهو احنا جيل الشمعدان مش جيل السمنة السايحة

حاجة تفور الدم
سي السيد بتاعه اللي بيقول عليه كان مهنن الست بتاعته مش احنا دلوقتي الثور افضل حالا منا
جري جوة وبره ومش عاجب !!!





من الاخر الزوج طفل صغير او حتى جنين كمان
شوفي بتعاملي اطفالك ازاي وعامليه
مع الاخد في الاعتبار ان الزوج دائما وابدا طفل
لكن مش اي طفل
ده طفل عندي ومشاكس جدا جدا

مجموعة معلومات قريتها ممكن تفيد حد مننا


(1)



-الزوج بيحب اوي اوي المدح والشكر على اي مجهود او فعل عمله وبالتجربة والاستمرار فعلا ستجدي فرق في المعاملة

-لابد للزوجة من ان تكون مستعدة للقاء الزوجي في اي وقت من الاوقات : في الصباح عند الاستيقاظ ,في المساء ,حتى لو كان بيتقلب وهو نايم هههههه

- الاستماع والانصات التام للزوج هو مفتاح يفتح عنده الرغبة في الفضفضة والكلام ومن يشتكين من ان الزوج دائم الصمت فلابد ان تكون الزوجة اما انها تقاطعه اولا تبدي اهتمام بكلامه وتنشغل عنه

- موافقة الزوج ظاهريا على كل اراءه واذا كانت الزوجة تريد ان تغير مفهومه عن شئ ما لا تقولها له مباشرة ولكن تقول لو كنت مكانك لفكرتك في كذا او لفعلت كذا

- الهدية لها مفعول السحر والرسول عليه الصلاة والسلام قال تهادوا تحابوا





يتبع في حلقة اخري من طريقة معاملة الزوج

السلام عليكم ورحمة الله وبركاته

اسعد الله صباحكم بكل خير يارب...

اخباركم ايه يا حلوين .. وحشتوني...

يومياتي الايام اللي فاتت تنظيف على السريع جدا وسطحي لأن بقالي كم يوم حاسة نفسي مش طبيعية وينزل عندي الضغط واحس بدوخة وصداع فظيع(( ما تخافوش مش حامل)) ، يمكن نقص املاح من كثر التعرق والحر ، الله يستر..

قبل كم يوم اشتريت مش عارفة انتو بتسموه ايه(( إجاص)) أو ((كلمنتينو)) هي فاكهة تكون لونها اما احمر او اصفر المهم انا اشتريت اللي لونها احمر غامق وكانت بسعر اقل لانها شوية ناضجة اكثر ، غسلتها كويس ونزعت البذر عنها وحطيتها على نار هادية مع سكر ، غلوتين بس وبعدها في الخلاط وصفيت العصير عشان يخرج القشر وحطيتها في حافظة وعلى الفريز.
تقدروا تستعملوها كدة مثلجة او تذاب شوية وتكون احلى عصير...

من الاكلات الجديدة كمان عملت امبارح عدس اسود اول مرة اعمله بنفس طريقة العدس الاصفر اللي كتبتها وكان طعمها حلو اوي وحمصت جبها عيش مقطع مكعبات...

وقبل ايام كمان عملت اكلة بسيطة ولذيذة، صدر دجاج مقطع شرائح رقيقة وعلى نار هادية معها قطعة صغيرة زبد ورشة ثوم باودر وفطر مقطع شرائح وبعد ما استوى الدجاج على جهة ملعقة نشا وملعتين حليب بودرة وشوية ماء وفلفل اسود وثوم بودر وزنجبيل مطحون وصارت زي الصلصة وحطيتها على الدجاج كان طعمها حلو اوي وما تاخذش وقت خالص...

وبس..

جيراننا سافروا بشكل نهائي للاردن ويمكن من هناك لأمريكا قدموا على هجرة ، جابت لي حاجات بسيطة بس احلى حاجة فرحت بيها هي صابونة ماركة ((عمون)) من طينة البحر الميت بقى لي اربعة ايام استعملها روعة بجد وتبيض بشكل مش طبيعي انا اول مرة استعملتها زوجي قال حاطة بودرة تلك على وجهك من كثر ما تبيض ما شاء الله، حتى هو صار يستعملها هههههههه بيغير مني. ومستمرة بالليل على قطنة وماي ورد حتى البنات كل يوم بالليل ماما صار وقت ماء الورد، وبعدها انا وحدي امسح بزيت اللوز المر بس خفت اللسعة مش زي اول ايام... بس صارت بشرتي طرية اكثر وناعمة ولله الحمد...

اه امبارح وصلني خبر حلو ، ابن خالة زوجي رزق بولد وفرحة ابوه كانت كبيرة لان ابو البيبي الجديد اجى لاهله بعد 16 سنة ، سبحان الله ، يارب ارزق كل محروم فررحتم بالحفيد كانت كبيرة بس جدة البيبي لسة ما تعرف الخبر ده عشان هي في مكة تعمل عمرة وهايعملوها مفاجاة اول ما ترجع يحطوا حفيدها بحضنها ، يارب تمم عليهم الفرحة دي...وعقبال كل واحدة محرومة او مشتاقة يارب ....

فيزا الاردن لسة ما فيش اي خبر منها،، بصراحة مليت بقى لي من شهر شباط استنى ، صحيح انا في بيتي مش في الشارع بس هو الانتظار شئ لا يطاق .. وفي بالي اشياء عديدة اقول لما اعرف شئ عن الفيزا .. يارب اكتب لي الخير..

انا رغيت كتير باعرف.. بس ماليش غيركم...

في امان الله ، فاصل ونواصل زي ما تقولوا..