انا بقى كنت فيييييييييييييييييييييييييييييييييييييييييييييييييين؟؟؟؟؟؟؟؟؟؟؟؟؟؟

سافرنا نصيف يا ولاد

هههههههههههههههههههههههه
مش ح اقولكوا ع النكد
تقريبا بيعاقبني علشان قلت له ح نصيف هههههههههههه
يا سبحان الله
اسوا مصيف في تاريخ حياتي نكد للركب يا رجاله مش كنت ملاحقه والله و عامله زي القردادتي

اخش اوضتي ينكد عليا و اطلع بره ابتسم و اهزر علشان ا بويا و امي معايا

لا وخالتي حصلتنا بس ف شقة تانيه

بصوا كان النكد للركب الحمد لله

مع ان المصيف ده كان شئ عبقري في حياتي
سبحان الله الحمد لله على كل حال

بس طلعت م السنه دي بقرار اني مش ح اصيف مع ا هلي ولا مع اهله
تاني ابدااااااااااااااااااااااااااااااااااااااااااااااااااااااااااااااااااااااااا

عايز نسافر نصيف يبقى لوحدينا حضرتك

بسو رجعت من كتر النكد مش قدرت اكتب حاجة علشان ما اغرقكوش معايا

ايه تاني
اه بنتي المجرمه
مش بتزيد تماما بالتجربة العلميه المعملية البحته
كنت شاكه من شهر و نص و اكتر
بس رحت من ثلاث اسابيع للدكتور ووزناها و قاللي اعملي مواعيد للرضاعة و بتاع
و اعرضي عليها لبن صناعي مع الطبيعي
طبعا الهانم رافضة الصناعي
قلت يبقى الطبيعي كفاية
رحنا وزناها بعد اسبوعين ما فيش زيادة
قاللي اتاكدنا اديها صناعي و عصاير
الهانم قافلة بقها تماما
ولا ده ولا ده
و انا عندي انهيار
و من قلة الرضاعة و الله العظيم ولا بقى تلعب و لتناغي ولا حاجة
لدرجة اني رحت للدكتور قلت له
عايز اتاكد ان مخها سليم
دلوقتي في مرحلة تغير انواع الالبان المختلفة
و تغيير البزازات و الحلمات
ادعوا لي بجد يا بنات ربنا يهديها و ترضى ترضع لانها معذباني
ما حدش بيصدقني و بيفكروني باقول كده علشان مش تتحسد
بس لما بيشوفوها و هي بترضع او يحاولوا بيقولوا لي ربنا يكون في عونك
بصراحه غلبتني
و عايزة حد محترم يقوللي مش مستحملة مسئوليات الامومه
يا جماعه و الله ابدا
انا باحاول و الله و البنت كانت ماشيه تمام
ربنا يهديها

السلام عليكم ورحمة الله وبركاته

الرمال ........ ماشاء الله ربنا يبارك فيكِ الزبيب جميل وكمان البطاطس بس مطنشنى ليه يا جميل ههههههههههه

ازى الولاد طمنينى عليكى ؟؟؟؟؟

انوج ........ وحشتينى جدااااااااا والله ووحشتنى الليالى ههههههههههههههه ونفسى اكلمك اوى والله فى موضوع كده بالذات

وكلامك صح جدا بس فعلا ليه يعنى احنا منبدأش معلش خلينا نتعب شويه وبعدين اكيد هما هيتعلمو مننا

ام يوسف ........ عندك حق والله هما مش بيبدأو غير فى حاجه واحده بس هههههههههههههههه

بس فعلا على راى شيماء رد الفعل بيبقى وقتى لان برده احنا تصرفاتنا بتبقى وقتيه وشويه وننسى كل كده ونرجع نبقى شيخ الغفر هههههههههههههه

شيمو ........ بصى بقه انا مت م الضحك والله بجد عسوووووووووووووووله ربنا يحفظك

عايزين فعلا نشجع بعض يا بنات وكل واحده تقول اى حاجه تفيدنا بيها

وانا هبدأ ........ مثلا الزوج لما ييجى ينام مباشر كده فيه رجاله تقوم عاطيه الواحده ضهرها وخلاص وكأن حد مش موجود

على الزوجه بقه تروح تحضنه مثلا بدلع من ظهره او تدور من قدامه وتحضنه بشويه دلع ونعومه كده يعنى

مش يديها ظهره تديه قفاها وخلاص ههههههههههههه وكده بدل ما هتنامى متغاظه ومتضايقه او تقوليله كل يوم تدينى ظهرك خلاص الليله هتعدى وهو هينبسط من دلعك عليه وهتنامى مرتاحه ومش مضايقه

يلله مين يزود

ميرو كده هازعل منك والله دا انا مستنيه تكملى بفارغ الصبر

يلله بقه كملى يا بنتى

ام سوسو وام البنات وريهام صباح الفل عليكم

الظهور دون اتصال !!!.

.
.
.

كلٌ منا له وجود على هذا العالم العنكبوتي

سواء على الماسنجر أو في المواقع والمنتديات

كون صداقات وربما كان مديراً لموقع .. أو إدارياً .

و ربما مشرفاً ....أو عضواً دائماً

اعتدنا عليه يشارك .. يلعب ..




ولكن ..

ولكن ..

سيأتي يوم ينظر الجميع لأسمك ليجدوا بجانبه

( غير متصل )

::

::

ينتظرك أحبتك فلا تدخل ويرسلون على بريدك فلا تجيب

ينتظرونك بالساعات على الماسنجر

لااااااااااا تدخل

الحالة

( غير متصل )



ربما أياماً خشيت أن يدخل أحد أحبتك ولا يجدك

وتركت الحالة على الماسنجر

( سأعود حالاً )

وأعتدنا أن تعود

ولكن أرادك الله عز وجل هذا اليوم وهذه الحظة أن لا تعود

يومها ستتوقف مشاركاتك عند عدد معين

لن تستطيع أن تزيده

لأنك ستكون قد رحلت عن الدنيا

لن تكون قادرا على الاتصال حتى ترد أو تعلق ..


أو حتى تعدل او تعتذر على ما فعلته يوما لمن اخطأت في حقهم

فأنت لست معنا

انك هناك في حفرة ضيقة

من غير أحد يؤنسك وحدك هناك

تتحسر على أعمالك

أو ربما تؤنسك أعمالك

رحلت عنا ولم يتبقى لنا سوى ما سطرته لنا يداك ..!!

فاحرص

على أن تكون سطورك

حسنات جارية لك في قبرك

فكل إنسان محاسب

حاول بسرعة أن تغير وتعدل


لأنك ببساطة

أنت الآن ........

" متصل" ..!


قراتها وشعرت بقلبي يخفق

هذا المصير المحتوم علينا جميعا..

آعتذر ان كنت قد اخطأت على احد منكم ..

.ارجو ان تتذكروني بكل خير عندما تكون الحالة (غير متصل)...
منقوووول

خالتى شيمو

او الرفيقة الدادة ام عطيات ههههههههههه

ربنا يهدي سجى وترضع ان شاء الله اصبري عليها شوية بس وادعى كتير وكلامك تحفففففة والله ربنا ما يجيب لك نكد ابدا

وياريت ماتغيبيش تانى

ميرو

اكتبي يا بنتى باقي الافكار احنا بنركز وهنتناقش فيهم كمان وانا هاحتفظ بيهم عندى

توتة

ايوة يا عم انا عارفة انك عندك شوية حاجات طلعيها كدة بالراحة واحدة واحدة يلا هههههه

مى ربنا يكرمك يا رب ع طريقة الحمام بجد رووووووووووووووووعه كان طعمها يجنن

ربنا يخليكى يا قمر

.......................................
زوجه مصريه ....... ربنا يشفى بنتك يا رب ويبارك فى اولادك

كنت رديت عليكى قبل كده والرد اتمسح فهرد تانى

بالنسبه لحماتى الموضوع بالنسبه لها مش موضوع انها عايزه تقعد مع زوجى ولا حاجه لان اصلا زوجى بيروح لها على طول تقريبا يوميا ونادر لما يغيب يوم وكمان لو انا حسيت انهم خيتكلمو فى حاجه حتى لو انا عرفاها بقوم على طول وتخيلى برده انها تقول دى قامت وسابتنى مش عايزه تقعد معايا

وبخصوص انها بتلفت نظر زوجى انه يجيب لها حاجه ومينساهاش ....... هو ماشاء الله جايب لها حاجات كتير خااااااااااااالص والله ومنها حاجات مش هتستخدمها اصلا وانا عمرى ما اتضايقت والله لانى طالما بار بامه يبقى ان شاء الله عمره ما هييجى عليا ابدا ...... يعنى هو مش محتاج انى اقوله هات لماما كذا وكذا ومع ذلك باقوله والله

وخلى بالك انا والله مقلتش انها تقصد تضايقنى وانها مستخسره فيا الحاجه الا وانا متاكده من كده لانى بقالى ست سنين ع الحال ده وكنت الاول اقول مش قصدها واقعد ابرر لكن خلااااااااااااااص تعبت

وعشان تعرفى انها بتستخسر فيا انا وبنتى كل حاجه حتى الاكل والله الى هقوله ده مش قلة اصل منى لكن بس عشان تعرفى تخيلى لما بتيجى واقدم لها فاكهه وممكن تكون غاليه اوى مثلا تفاح او كده تاكل منها وتاخد الباقى وهى ماشيه .........طبعا لا تعليق

وعشان خاطر زوجى بمشى كل الامور وان حيت ازعل بس الاقى الدنيا اتطربقت على دماغى .......الله المستعان

سلفتى بقه ..... انا اصلا من يومها قررت انى هحط خدود لعلاقتى بها لان الموضوع كده بقى بايخ يعنى

وشكرا على اهتمامك يا حبيبة قلبى

ام يوسف ......... حبيبتى وحشااااااانى مووووووووووت وانتى اكتر واحده لامسه الموضوع ده

وانا فعلا باعتبره ابتلاء من ربنا وبحاول اصبر وامشى امورى والله لكن اوقات الواحد بيبقى خلاص

ربنا ييسر لنا جميعا يا رب

والى بيغيظنى ان ده بياثر على علاقتى بجوزى وبنتخانق بقه طبعا اخر مره دى فضلنا 3 ايام متخاصمين

حسبى الله ونعم الوكيل