طيب نجى بقى لمووضع الحموووووووووووووووووووووووووات

طبعا طبعا مش هاعمل فيها شملولة واقول انى علاقتى بحماتى ذى الفل وبنحب بعض وكدا

بس هاتكلم بواقعية شوية
لما اتخطبت لحماتى قبلتنى ولا قبلتها وبرضو كان عادى بس مكنتش مهتمه بيا ولا كأنى موجوده ولما اتجوزت برضو مكنتش بتكلمنى كويس وانا شقتى فوق شقتها زبرضز العلاقة مش حلوة اصلا باردة لحد كبير لكن الحق عمرها ما علقت على بيتى او تدخلت لانها اصلا مشغولة لكن مفيش ارتياح او قبول متبادل

لكن وآه من لكن
من حوالى سنة حصل تغيير كبير فى تفكير
امتى بدأ لما خلفت ابنى لما خلفت ابنى وتعبت فية اوى وفى سهر وتربية وايام الواحد مبيدقش النوم بجد لا اخفيكم سرا حسيت بقيمة امى وابويا اولا وانا كنت باختلف معاهم كثير فقلت لنفسى ياه بقى هما يموتوا نفسهم علشان اعيش وانا عادى كدا
وفى يوم جالى نفس الاحساس تجاه حماتى بقى هى ربت وتعبت وطلع عينها علشان تخليلى ابنها احسن واحد فى الدنيا وجزائها انى مستحملش منها كلمة هو دا جزاء تعبها طيب اذااى؟.؟؟؟
هل جزاء الاحسان الا الاحسان
يبقى فعلا ميسواش حاجة واعديلها كقاية بجد تعبها مع ابنها وسهرها وشبابها وفى الاخر ابنها بيرح لها ضيف مش معاها طبعا ذى ما كان فى بيتها وتخيلت نفسى وانا مكانها وابنى برضو اللى انا كل دنيتة بتدخل حياتة مراته ويبعد عنى برضو مش هتضايق لما هى تعاملنى كغريبة وتعامل امها فى بيت ابنى اللى هو بيتى على انها صاحبة بيت هنا قررت اتغير
طيب اذاى ما العلاقات باردة جداااااااا

وتذكر كلمت بابا ليا لما دايما كنت اشكيلهم من تصرفاتهم معايا

بسم الله الرحمن الرحيم((ولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)

وفعلا بدات معاها مش هاقول باشوفها كل يوم بس بدأت لما اشوفها اشوفها باحساس تانى واقابلها بترحيب حتى لو انا اللى فى بيتها اكيد مع وجود جبال الثليججججججججججججججج بينا
وحصل حاجات كثير كلها من تحت لتحت بس برضو كان دايما فى خيالى صورتى مع ابنى

بعدها جه موضوع جوزا اخويبا ويمكن حكيت لكم قبل كدا انه الوحيد وان مراته رافضة اى تجاوب معانا برغم محاولتنا معاها وبجد حسيت بازمة رهيبة فى بيتنا حتى لاخويا وهو مقسوم نصيين بين اهله اللى مرتبط بيهم بجد وبين مراته اللى اكيد نفسة يعيش معاها حياة مستقرة ونفسنا نفرح معاه

وقررت محطش جوزى ابدا فى الكماشة بين امة اللى اعطته عمرها-مهما كانت- وبينى
وقررت انى برضو احاول ارد لها جزء من جميلها عليا هتقولولى جميل اية؟؟ هى مش تربيتها لابنها جميل جميل ليا ولا اية؟؟ هو لو كان شخص وحش وتربيتة سيئة مكنش حياتى هتبقى جحيم واذاى اتخيل ان انسان محترم ومتدين طلع من تحت ايد ام وحشة او حقودية
كل القصة انها بتغير على ابنها ودا شعور طبيعى كلنا هنمر بية اكيد اذا كان لينا عمر

ومع كل ده لم تذوب جبال الثليج بينى وبين حماتى بصفة نهائية بس بقيت بدل ثليجججججججججججج ثلج بس

وفى يوم باقرأ قرآن فمريت بنفس الآية واذا بيا اقرأ تكملتها كأنى باقرأها للمرة الاولى (وما يلقاها إلا الذين صبروا وما يلقاها إلا ذو حظ عظيم)

ياه اخيرا عرفت السبب فى ان لسة فية ثلج الصبر ثم الصبر ثم الصبر
ومع الصبر تحسن وجه حماتى معايا فى اغلب المرات لكن لسة مقربتش معاها واعترف انى لسة لم احبها لكنى احترمها جدااااااااااااااااا
واقدر لها هديتها وجميلها عليا وباقولها دايما انك اعطيتنى اجمل هدية فى حياتى وبحاول اشركها فى بعض حاجات وبحاول احسسها انى ابنى اصلا ابنها ودا مش بمزاجى دا حقيقى ابنى دا ابنها هى وامتداد لابنها وفى نفس الوقت انا امة وبالتالى العلاقة بينى وبين حماتى بقت علاقة دم للابد بأذن الله
انا باتمنى اننا نحب بعض وباتمنى انى اكون من الذين صبروا ولهم حظ عظيم يارب اكون منهم

ويارب مع مرات اخويا برضو اكون منهم تسيبنا نفرح واخويا يفرح ونعيش كلنا اسرة

فخلاصة كلامى تقبلى حماتك سيبك من غلطاتها ولا كلامها الوحش ولا التكشيرة ولا الغيرة
سبيلها مساحة من الحرية مع جوزك متنسيش هو (((( ابنها ))))) قبل ما يكون جوزك ب 30 سنة
يعنى انتى بتسحبى من رصيد سنة اتنين ثلاثة عشرة حتى بس حسابك كان خد وهات
اما مع امة حسابها اكثر من عمره بسنة كمان وحسابها كان خد بس

فمين اللى بيسحب على المكشوف

وبجد ادعولى ربنا يجمع قلبنا انا نفسى احبها وتحبنى بجد

وعلى فكرة تفكيرك لو بالاسلوب ده بيفرق فى علاقتك بجوزك مليون المية




تعرفوا حاجة اكثر حد نفسى يرد على المشاركة دى ماما زوزو

هتقوليلى انا صح ولا غلط بخبرة حضرتك الطويلة ربنا يخليكى ليا يارب

بصوا يا جماعة دا تفسير رائع وجدته لللآية الكريمة

قوله تعالى: (وما يلقاها إلا الذين صبروا وما يلقاها إلا ذو حظ عظيم)

قال الله تعالى: وَمَا يُلَقَّاهَا إِلَّا الَّذِينَ صَبَرُوا أي: ما يلقى هذه الخصلة الطيبة إلا الإنسان الذي تعلم وتمرن على الصبر والحلم، وما يلقى هذه الخصلة العظيمة وهي العفو عن الإساءة إلا الإنسان الصابر. قال تعالى: وَمَا يُلَقَّاهَا إِلَّا ذُو حَظٍّ عَظِيمٍ أي: الذي تعلم أنه يعفو ويصفح ويدفع بالتي هي أحسن هو الإنسان الذي له حظ وقدر عظيم عند الله سبحانه، وأجر عظيم جميل عنده سبحانه.


يارب يا قادر نكون منهم يارب

يارب تعبت مع نفسى وجاهدها اللهم لا معين لى انت فعنى على العفو يارب

طيب انا طولت بس انتوا عارفيين نادر لما بيجلى وقت واقعد اكتب كدا فاستحملونى

عايزة اكلمكم فى موضوع الاب والام حتى لو زعلونا ودا وارد جدااااااااااااااااااااااا

من يوميين جوزى ورانى مقطع مترجم من فيلم هزنى بجد
هحاول احكيلهلكم
المقطع ان اب عجوز قاعد هو ابنة فى حديقة فبيشوف عصفور فبيسأل ابنة اية ده؟ فيرد الابن اللى مشغول بقراءة الجرنال عصفور يا بابا فيسكت الاب ويسأله تانى فيرد الابن بحده شوية عصفور فيسأله تالت فيرد يووووووووووه مقلت لك عصفور يا ببا فية اية
ويدخل الاب البيت ويسبية ويروح يجيب مذكراته ويعطى للابن ويقوله اقرأه
"ابنى اليون عمره 3 سنوات لقد سألنى ماهذا يا ابى واجبتة هذا عصفور ولقد سألنى 33 مره وفى كل مره كنت ابتسم واضمه الى صدرى بفرح وااجيبة بقبلة واقوله هذا عصفور"

بجد بكيت وانا باشوف المشهد وهحاول اجيب لكم المقطع اذا ربنا يسر

فى نفس اليوم تقريبا كنت باشوف برنامج على قناة الرحمة فالبرنامج دا رائع فى الغالب بيعرض افلام لحيوانات وبيكون مرتبط بسلوك معين مش فاكرة اسمة دلوفتى بس هو للشيخ امين الانصارى ىه اسمة (اللؤلؤ والمرجان) بيجى يوم الخميس تقريبا الساعه 8 بالليل

المهم كان جايب مجموعه افيلال وبعدين الفيلة الام ماتت فى الفيل الصغير بيحاول يشد فى امه بخرطومة وبيبكى وهى بتموت ويحاول يوقفها ورافض موتها ومتعلق بيها بشكل رهيب جدااااااااااااااااااااااا فبامانه جريت على التليفون وقلت لامى سمحينى مكنش قصدى عمرى اغلط فيكى انتى بابا

انا عارفه ان كلامى ربما يكون صعب على ناس كثير

بس بجد عايزة اقول لكل حد زعلان من مامته او باباه وانا احيانا باكون منهم هما تعبوا علشانا كثير اوى اوى ويجريوا بينا وفعلا تعبوا علشان احنا نرتاح فمش اقل من اننا نكون على نفس القدر فى حبهم
فعلا احنا الشخص اللى مش بيستحمل 3مرات سؤال من ابوه وامة وهما ياما فرحوا فاول لفظ قلناه واول خطوة مشيناها ولو مش مصدقينى بصوا فى حياتكم مش فرحانيين بولادكم بكل همسة فيهم هما برضو كانوا ذينا احسبوها كدا وهتفرق كثير

اللهم ارزقنا جميعا بر آبائنا وتوفنا وهما راضيين عنا

وباقول لكل حد مزعلهم
"رغم انف عبد ادرك احد ابوية او كلاهما ولم يدخلاه الجنة" صدقت يا حبيبى يا رسول الله

بس ادعولى لان انا اللى عصبية ووحشة يارب اكون كما اتمنى وكل كلمة كتبتها كتبتها لنفسى قبل اى حد

السلام عليكم ورحمة الله وبركاته

ام عبد الله اختي وحبيبتي حمدلله علي السلامه افتقدناكي كتييييييييييير

انووووووج
يا حبيبتي معلش روقي كده واستغفري ربنا كتير وان شاء الله ربنا يصلح الحال

لميا
الف سلامه علي ابنك يا حبيبتي معلش قدر الله وما شاء فعل وان شاء الله ربنا يشفيه قريب ومش تعلم بس انتي اهدي خااااااالص وسيبي كل حاجه علي ربنا وقولي فوضت امري ليك يارب

ام البنات
تعالي بسرعه طمنيني علي صحتك عملتي ايه ؟؟؟؟

ايمان
ماشاء الله بحب كلامك كله وفعلا لو احنا فكرنا في نفسنا لما نبقي حموات اكيد معاملتنا هتختلف تماما وعلي فكره انا كمان شوفت المقطع بجد وجع قلبي وقولت فعلا مهما عملنا مش هنوفيهم حقهم

في ناس واحشني اوي ومفتقداهم
عروس مني ام مريم مادو رحاب فيمل ايجيبتي وروني قلقانه عليها اوي ام سوسو هايا
وزوجه مصريه انتي فين وناس كتير
من امبارح بليل وانا تعبانه دور لوز مع برد وعماله اخد في مضاد طبعا من ساعة ما تعبت وانا كارهه اروح للدكتوره ربنا يسهل واخف علي الدوا
بس يارب ما اعدي الولاد دول اهم حاجه
ما تنسونيش من دعواتكم

السلام عليكم و رحمه الله بركاتة على كل اخواتى الحلوين اللى واحشنى اوى اوى اوى

و افتقدتكم جدا جدا جدا
و فعلا اكتشفت انكم نسمة جميلة جداااااااااااااااا فى حياتى و نعمة من الله و صحبة صالحة تشدنى و بتشجعن على الخير و من غيركم عملت بلاوى ( ش اوى يعنى ) فى المصيف يلا ربنا يغفر لنا و يسامحنا و يجعلنا جميعا من العتقاء من النار و يبلغنا رمضان آمين آمين آمين

و طبعا هقرا اللى فات ان شاء الله فهغيب شوية كده و ان شاء الله اعرف اجى تانى بعد شوية


بس طبعا قريت كلام ايمان عن الزوج و الوالدين بصراحة جزاكى الله خيرا يا ايمان بجد كلام جميل و ربنا يهدينا و ننفذ

و هوبة ام يوسف انا اهو جيت على الريحة يا حبيبتى و انتى كمان وحشانى ربنا يخليكى و يبارك فيكى يارب