ايه يا بنات
انتوا هنا وانا بدور عليكوا
شكرا يا ام البنات انتى اللى قولتيلى
هقرا اللى فاتنى وارجعلكوا

صباح الصباااح

ام البنات
الف سلامة عليك والحمدلله ان كله تمام

رشا

الف سلامة على زوجك وياريت تطمنينا

معلش ما سالتش امبارح كنت تعبانة جدا ومش مركزة

ام يوسف

الف سلامة يا جميل وطبعا انا تحت امرك اطلبي يا قمر واحنا ننفذ
نانسي في مصر على فكرة اجازة

ام سوسو

بعت رد على رسالتك بس تقريبا الجهاز هنج
متشكرة على اهتمامك يا قمر وفعلا الواحد عايز شوية حنان
وان شاء الله تيجي الفيزا وتسافرى وتغيري جو

ان كمان بستعمل ماء ورد بقلدك ههههههههههههه بس لما اخرج وارجع من برة اغسل وشي وامسح بماء ورد وان شاء الله اجرب زيت اللوز
على فكرة كمان زيت الزيتون حلو للبشرة


منى

حمدالله على السلامة وياسو كويسة وزيزو الحمدلله انتى عملتى ايه اتبسطت وروان ؟؟لا

حبيبة

الحمدلله ان سوء التفاهم راح والف سلامة عليك

اللهم لك الحمد كما ينبغي لجلال وجهك وعظيم سلطانك

انا جاية افرحكو واقولكم علي خبر حلو
اخيرااااااااااااااااااااااااااااا
حجزنا الشقه وكتبنا العقد
لسه عارفه الخبر من مصر دلوقتي
ياربي لك الحمد يارب العالمين
اي نعم هي اقساطها كتير حبتين يعني المرحله الي جايه تقشف
بس مش مهم المهم اننا اخيرا هنجيب الشقه الي عاوزنها
علي فكره ياروشانا هي في مدينة نصر تبع شركة النخيل ألي قصاد كارفور
يالا عشان نبقي جيران ما انتوا كل كلامكم في مدينة نصر
واصلا جوزي كمان من هناك يعني موضوع الهرم ده كان هو ألي مخليه معصلج
معلش يا هدي مش كان راضي بأكتوبر خالص
عشان مش يعرف حاجه في الهرم

المهم عايزه دعوات كتيييييييير ان ربنا يباركلنا فيها ويقدرنا علي اقساطها
ويارب تنولوا كل ألي تتمنوه

السلام عليكم و رحمة الله و بركاتة على كل بنوتاتى الحلوين


هدهود............... الف سلامة يا قمر و ان شاء الله اكلمك ف اقرب وقت تانى عشان رصيدى خلص و خدى بالك من صحتك و ربنا يطمنا عليكى دايما

ام يوسف ............. الف سلامة يا قمر طهور ان شاء الله خدى بالك من التكييف و اشربى حاجات سخنة و حاولى تاكلى اكل خفيف اليومين دول و بنا سمعنا عنك خير يارب
و الف مبروكووووووووووكككككككككككككككككككككككك على الشقة يا قمر يارب عقبال ما تخشوا بيتكم فى الجنة

ام سوسو ............. حبيتى ابدىء فى ترتيبات البيت و سبيها على الله و ان شاء الله ربنا يكرمكم و تاخدى الفيزا و يجعلكى الخير اللى تتمنيه و تبشرينا عن قريب

نرمو ............... نسيت ارد عليكى امبارح بس بلنسبة لبنوتك هى لسة صغيرة حاولى تصحبيها اكتر ن كده و هى ممكن تكون بتعمل كل ده عشان تتهعتمى بيها اكتر حاولى تعمليها معاملة خاصة شوية و ان شاء الله تبقى احسن

ميوش .............. احنا بخير الحمد لله يا قمر و روان من فضل الله انبسطت فى المصيف و على فكرة معنديش خبرة فى موضوع السراير الأدوار عشان كده مش علقت على سؤالك

ام عبد الله ........... حبيبتى ربنا يكرمك و يبارك فيكى يا قمر و بالنسبة لحاجات رمضان جبت من فضل الرحم الياميش و المكسرات و الزبيب و التمر و البقول و الفراخ و لسة فاضل اللحوم و الجبنات و طبعا شغلهم من تبيل و عمل صوانى الله المستعان يلا احنا كمان عايزين نعرف افكارك الحلوة اللى زيك

سومة .,............... الحمد لله بخير يا قمر و روان تمام و اخبار مودى ايه تمام ؟؟

لميا ............... تعالى طمنينا عليكى و على موضوع بابا يرب خير

ايمان ام سهيلة ................ عملتى ايه فى موضوع المدرسة يارب تكون اتحلت

ايناس .............. الف بمروك على ايد ربنا يجعله من مواليد السعادة و يقر عينك بصلاحه يارب

حبيبة ............. شفتى بقى يا قمره انتى كنتى زعلانه و رببنا فرح قلبك و رضاكى اهوه يلا فرفشى كده و تعالى عملتى ايه عشان تجهيزات رمضان

و معلش لو ناسية حد بس بسلم عليكم نفراية نفراية و بحكم جميعا فى الله

يارب يخليكي يا منمن ولا يحرمني من حنيتك وقلبك الابيض ويفرحك بروان ويخليهالك هي وباباها وتخاويها يارب

ميوووووووووووووووش
وشك حلوووووووو علية جداااااااااااااا كلمتيني الصبح والخبر جالي بعدها ربنا يخليكي لية ولا يحرمني منك ابدا

ام عبدالله
كلمتك عشان اقولك بس البيت مش بيرد والموبايل بتاعي من لخمتي مش عارفه حطيته فين بس كان نفسي ابشرك الاول

باقي البنات يالا تعالوا بقي مستنيه تباركولي وتهنوني يالا خلينا نفرح سوا
وان شاء الله لما اروح مصر واستلمها يعني بعد سنتين تقريبا ربنا يقدرني واعمل عزومه كبييييييييره ونتلم كلنا باذن الله لو ربنا اراد