الحمد لله يامى احنا بخير
جزاك الله خيرا

رشا
الف سلامة على زوجك وربنا يشفيه يارب

لميا الف مبروك لوالدك ويارب تكون زوجة صالحة وربنا يوفقهم وتكون كويسة معاكم
ومحمد اخباره ايه بلاش شقاوة اليومين دول

السلام عليكم ورحمة الله وبركاته:

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر..

ام البنات: الله يرحم بحال والدك وربنا أرحم به من عندنا...اللهم إن كانت الحياة خير له فأحييه وإن كانت الوفاة خير له فتوفه وأرحم بحاله وبلغه رمضان يارب. وسهل امور أختنا هدى يارب وحول أمورها من العسر إلى اليسر يا حي يا قيوم برحمتك أستغيث..

كل البنات القمرات : احبكم في الله، انا بانزل في الملف التاني كمان مواضيع مش عارفة تتابعون ولا لا..

يومياتي:
امبارح عادي نظفت البيت تنظيف عادي واليوم الجو ترااااااب تعودنا على كدة والحمد لله على كل حال...
امبارح صفيت دولاب الحلل وطلعت حلتين تيفال فيهم خدوش واديتها للشغالة اللي تجي عند سلفتي وشوية حاجات واكل وبعدها قلت لسارة وسما ياخدولها شوية فواكه ، وقلت لها انوا ربنا حايحبك اكثر والملائكة حاتكتب لك حسنات طبعا هي ما شاءالله واعية وتفهم كل حاجة بس سما لما سمعت كتابة قالت ماما حانروح للمدرسة هههههههه
وهي رايحة ماما اتصلت في وكانت في السوق وقالت انها حاتجيب حاجات لهم ,
طبعا انا حبيت اربطها كتير بالصدقة وكرم ربنا..
لما رجعت قلت لها سارة انا حاسة ربنا حايعوض عليك وحايبعث لك هدية مع حد عشان انت اديتي صدقة قالت أزاي ؟؟ قلت لها يمكن بابا او تيتا ربنا حايخليهم انوا يشتروا حاجة لك. سكتت.
لما رجعت ماما من السوق ، وكان في أيدها اكياس نادت لهم ، انا اول ما شفت الكيس فتحت عيني كتير وكاني منبهرة وقلت لها سبحان الله سبحان الله سارة شفتي ربنا كريم اد اي وازاي عوضك بالسرعة دي ,, وطبعا بالغت بالتعبير والأنفعال وكل دقيقة اقول سبحان الله يا ربي اد اي انت كريم كل ده عشان شوية الفاكهة البسيطة..وهي كانت مبسوطة اوي..

وقبل مدة لما قلت لكم اني صفيت ملابسهم واديتهم كمان للست اللي تشتغل عند سلفتي، هي امبارح قالت لي انوا احفادها انبسطوا أوي بالملابس وانا نقلت الكلام ده لسارة وسما حتى لو سما مش مدركة للوضع كتير , وقلت لهم اكيد ربنا حايعوضكم.
بس المرة دي جت صدفة..
امبارح المغرب رجعت سلفتي من الأردن هي وزوجها واولادها وواحدة أقاربنا في عمان كانت جاية من لندن وجابت للبنات فساتين تحفة وكلها ماركات معروفة ، اول ما شفت الكيس قلت لها سبحان الله يا سارة عشان انت اديتي ملابسك ربنا عوضك بملابس احلى واجدد..
صدقوني لو من همة صغيرين كل حاجة وكل صدقة نربطها بحياتنا المعنى ده حايكبر اوي وحايحبوا الصدقة بشكك مش طبيعي، انا بديت من سارة وهي صغيرة والحمد لله استقر المعني ده عندها.ودلوقتي اي واحد يهديها حاجة تقول ماما خلي ندي الحاجة الثانية صدقة عشان تكثر..
استغلوا المعنى ده وخاصة في الأيام المباركة دي واحنا مقبلين على شهر كريم وفضيل...

اي كمان أمبارح سلفتي وزوجها واولادها وحماتي واختها وماما اتعشوا عندي وجبنا اكل من برة والحمد لله عدت على خير وكانت لمة حلوة ..

اه انا لما قرأت الملف الجديد وقريت افكار إيمان ربنا يكرمها ويجزيها الخير ، تحمست اوي وبعثت إيميل لزوجة اخي في الأردن وطلبت منها حاجات وقلت لها اني حادي ماما فلوس هنا..

طلبت منها فانوس رمضان بعثت لي واحد تحفة نحاسي شيك اوي ومحفر ومزخرف وفيه زجاج وباقدر افتحه وفيه مكان للشمعة..
وطلبت منها كمان زينة رمضان ، جابت لي اشكال من الفلين نجمة وهلال 2 وفوانيس 2 كلها بلون ذهبي وشرايط تجنن بس الحاجات دي خبيتها عشان تكون مفاجاة لزوجي وللبنات لو ربنا ادانا عمر لاول رمضان.

وكمان وصيتها النجوم والهلال اللي تكون على شكل ستيركز وبضوي بالليل عشان احطها في غرفتهم..

إن شاء الله لما احط الشغلات دي اصورها وانزلها بس في حد يعرف ازاي يصغر الصور عشان ما تكونش عملاقة..

وبس دي أخر اخباري ..

سبحانك اللهم وبحمدك أشهد أن لا اله إلا انت أستغفرك وأتوب إليك...

بحبكم في الله.

صباح الخيرات يا بنات

معلش مشغولة ومزنوؤة جدا جدا في الشغل واختي كمان في زيارة من المانيا مكملة غلى بقية اليوم معنديش وقت اتنفس بس وحشتوني جدا جدا

ام سوسو ما شاء الله تبارك الله الف مبروك على الحاجات الجديدة ملبوس الهنا زي ما بيقولوا وافكارك تحفة بالنسبة لرمضان انا فعلا بفكر اجيب فوانيس واعمل حاجات من دي في البيت عشان ولاد اختي اول مرة يحضروا رمضان في مصر

هدى دايما على بالي ربنا معاكي ويقويكي يارب في كل حاجة

يلا سلام دلوقتي واشوفكم على خير

السلام عليكم و رحمه الله و بكراتة يا بنوتاتى لحلوين


هدهود............ الف سلامة عليكى و على بابا ربنا يرحمه برحمته و يعفو عنه و جزاكى الله خيرا لعى الدعوة الحلوة ديه

رشا ام روان ............. فينك يا قمر ياريت تطمنينا على زوجك و ان شاء الله يكون أحسن

ام سوسو .............. عاملة ايه يا قمر و اخبار البنات و ماما ؟؟ و ما شاء الله عليكى و على تربيتك للبنات ربنا يجعلهم دائما من الصالحين المصلحين و يقر عينك ببرهم آمين

رانيا ............. حمد الله على سلامة النت يا جميل و اخبار عمورى العسل ايه ؟؟

لميا ............الف مبروك لبابا و ربنا يصلح حاله و ان شاء الله تكون زوجة كويسة و ربنا يهديها عليكو

ميوش ............. يا ابو وش حلو انى يسا جميل اخبار القطاقيط ايه تمام

حنون .............. ويس انك روحتى للدكتورة يا قمر بس خدى بالك من الرضاعة و السوايل اشربى كتير و ان شاء الله تخسى بصحة و اخبار عمر ايه عنده اد ايه دلوقتى و حبيبة بتتعمال معاه ازاى اكيد توم و جيرى ؟؟


ريهام ............ ايه بس يا جميل روقى و سبيها على الذى لا يغفل و لا ينام و ان شاء الله خير و استغفرى كتير بنيه ان ربنا يذهب همك و يريح بالك و هتبقى زى الفل ان شاء الله

هايا ................. معلش يا هوبة ربنا معاكى يا قمره و حمد الله على سلامت اختك يا جميل


زوجة مصرية ............... ادينا قاعدين مبحلقين فى الكمبيوتر و مستنيك يا قمره تجلنا شوية

كل حبايبى الحلوين الحاضرين و الغائبين صباحكم سكر زيادة

معلش عندى سؤال خطير و كل يوم انسى اكتبه

حد يعرف حاجة كويسة علاج للحكة و الألتهابات المهبلية ؟؟ بجد ضرورى يا بنات و ياريت تكون مفعولها سريع