حبيبه اوسو :

السلام عليكم وحشتونى يا بنات لسه الجهاز بايظ ومش عارفه امتى هصلحه عليه فيرس احيانا يفتح او لاء المهم كنت عاوزه ارد على نرمو لكن معرفتش من الكمبيوتر كلام مدام وائل فى الصميم سيفيه عندك عشان كل ما تضعفى تقرئيه واضيف عليه هفكرك بالراجل الى قتل مائه نفس ان الشيخ نصحه بالهجره وانا بقولك نفس الكلام الهجره طب هجره ايه؟ طبعا انا مش قصدى الهجره بمعناها لكن اقصد انك تهجرى كل الى بيفكرك بالذنوب تليفزيون شفرى القنوات اغانى كسرى السى دى او الشرايط صحبه مش صالحه ابعدى عنها ولازم تشوفى اخوات صالحات عشان يعينوكى على الطاعه وبالنسبه للبسك القديم البسى فى البيت كل الى نفسك فيه وخليكى اشيك من البنات الى بتشوفيهم فى الشارع اه نعمل زيهم واشيك منهم ولكن فى بيتنا تصدقى بالبس لو حاسه انك هتضعفى يعنى ببساطه ضيقى على الشيطان اى مدخل ممكن يدخلك منه واحتسبى الاجر عند الله وانك كل ما تخرجى الى الشارع عندك فرصه كبيره انك تذكرى الله من تحت النقاب افتخرى بلبسك وابتسمى لما الدنيا تبقى حر اوى وتذكرى (قل نار جهنم اشد حرا لو كانو يفقهون) وانك فى جهاد كبير جدا مع نفسك واسجدى وابكى الى الله وتذللى له ان يثبتك على الى انتى فيه والله دى مش شطاره دى منه من عند الله انه هداكى الى ماانتى فيه وتذكرى ان الايمان بيزيد وينقص يزيد بالطاعه وينقص بالمعصيه وان الرسول كان يدعى يا مثبت القلوب ثبت قلبى على دينى ومشكله انك مش مرتاحه ممكن يكون العيب فى طريقه لبسك يكون ضيق اوى على عينك بيعوق الرؤيه بيعمل صداع يقوم الشيطان يخليكى تضايقى منه واتاكدى انه مريح بالنسبه ليكى ومش ضاغط على عينك وفيه انواع دلوقتى القماش مش بيحر وجيده عيشى حياتك ببساطه ومن غير ما تعقدى الامور الموضوع اسهل مما تتخيلى مش مهم فرض او سنه المهم انك لبستيه ومش خاسرانه بل بالعكس كسبتى انك تقربتى الى الله وزى ما قالت ايمان كلنا مرينا بالى بيحصلك بس اهم حاجه الصحبه الصحبه الصحبه روحى المسجد احفظى قرءان واتعرفى على اخوات يعينوكى وانصحك انك لا تجادلى مع حد قال الرسول عليه الصلاه والسلام انا زعيم ببيت فى الجنه لمن ترك الجدال ولو كان محقا وادعى اللهم ارنا الحق حقا وارزقنا اتباعه وارنا الباطل باطل وارزقنا اجتنابه وربنا يثبتنا ويثبتك ويثبت كل الى فى بيت الحب والايمان على الطاعه اللهم لا رياء

السلام عليكم وحشتونى يا بنات لسه الجهاز بايظ ومش عارفه امتى هصلحه عليه فيرس احيانا يفتح او...