السلام عليكم ورحمه الله وبركاته
ربنا مايحرمنى منكم
الحمد لله بابا عمل العمليه يوم الخميس بس الوضع صعب نظرا لوجود فتح فى الفخدين بس الامل فى الله يعطيه جزاء الصابرين والله الممريضه بكت على بابا وقعدت تقول دة راجل طيب وصابر مع ان مفيش معرفه ربنا يقويه ويقدر يتحمل ويتعايش بالوضع دة
منى رجعت من السفر انصدمت من وضع بابا غير ان وضعها الصحى الحمد مش كويس الدكتور طلب اشاعه للورم وربنا يارب يسلم يارب ويعديها على خير
اخبارى انا الحمد لله ربنا اكرمنى بيكم وكان فى مساندة معنويه جامدة من منى دموع وريهام واسماء تسلم ايديكم
انا كشفت عظام عند استشارى فى نفس المستشفى الى كان بيعمل فيها بابا العمليه وقال انى عندى التهاب فى مفاصل الحوض من ولادة
جودى وان النوع دة من الالتهاب ممكن يكرر فجاءه الحمد لله ان حاجه بسيطه وليها علاج
امبارح كان عندى عزوه جوزى عازم ابن عمه وكان فيه مشادات عنيفه نظرا لوضعى الصحى وانا مقليش قبل مايتفق اول مرة يعترف انه غلط وانا كمان خرجت كل البضغط الى مكتوم فيه
قمت من النوم الصبح كان عندى دوخه ومش قادرة اقف وتوقعت انى مش هعرف اعمل ولا حاجه
صليت صلاة سنه الوضوء ومن ساعه معرفتها بحاول اقد مقدر اصليها بعد الوضوء كمان كنت ساعات انام ومصليش العشاء الحمد بقيت اصحى ولو مش قادرة اصلى وانا قاعدة
واستغفرت ربنا وقعدت اسمع سورة البقرة وانا فى المطبخ وسميت الله وانجزت بفضل الله كثير عملت 4 صوانى باشميل 2 فى العزومه و2 شيلتهم فى الديب لرمضان وعملت صاجين جلاش الصوانى الكبيرة الى بتبقى فى فرن الكهرباء واحد للعزمه واحد شيلته وسبكت كميه طماطم ولسه لما هروح هشيلها وشويت باذنجان وفى علبتن على الفريزر ونقيت الكمون والكسبرة وحمصتهم وطحنتهم وحمرت شعريه وعبتها فى برطمانات زجاج غير باقى اكل العزومه ونظفت البوتجاز من جوة بسيف وفتحه التهويه رفعتها بسكين ودخلت صوابعى وخلتها بتبرق ورجعت على الدرف من برة والثلاجه كل دة بسيف بصراحه رائع ربنا يبارك ليكى يامنى
والحمد لله وعسى ان تكرهوا شيئا وهو خير لكم لو مكنش العزومه كنت فضلت نايمه حتى الغسيل خلصته فاضل الى جوة الغساله ورتبت الدواليب بسرعه والبنات فرشوا السائر والسجاد فاضل سجاد الرسيبشن هخليهم يعملوة بالشامبو
اولاد عم زوجى قالوله احنا بنحمد ربنا ان رزقك بهدى علشان اخلاقها ووقفتها معاك ومما معنى انى الى بقوم بالماشاوير بحكم انه وحيد ومدلع
حاجه كمان كويسه ابن عمه ونفس الوقت شريكه هيجيب محامى ويشوف موضوع البيوت هما هيروحوا انهارة وجايز ربنا اراد انه يجى علشان افتح الموضوع معاه ويتحركوا كمان عاوزة من نعم ربنا عليا ايه ربنا هديها معايا سبحان الله الاثنين لازوم واحة كويسه وواحدة متعبه وابتديت اتفق لنورهان على الدروس
دى قصه حياتى واحلى مافيها صحبتكم وربنا يسر لى خير اعمله من حيث لادرى ربنا يرزقنى واياكم الطاعه وحسن الخلق وفعل الخيرات
نيرمو شكرا على مشاركتك ليا
منى الرمال لا حبيتى ولا تقير ولا حاجه واسماء محتجه للدعاء ربنا يويكى على اروى يارب وشكرا على الحديث
ايجبتى وحبيبه اسو وتوته وم سوسو ربنا يعوض عليكى فى الفيزا ويرزقك الاجر واميحرمنيش من دعاك
ام يوسف رانجى يارب تكونوا بخير ورشا رانيا ام عمرو وام شهاب واكيد ناسيه حد سامحونى
حبيبه بالنسبه للغساله انصحك بوايت ويل الحجم الوسط بسم الله تبارك الله رائعه وسعرها 1850 جم وبتشيل كويس
اسماء محتاجه للدعاء انا جربت الثوم بحط مع ملح او بطحنه مع الفلفل الاخضر ونقطه زيت بصل لوحد لم اجرب وانا بفرز كثير لو محتاجه اى حاجه تحت امرك
روشانا ان شاء تكونى انبسطى مع البنات والحله دى بكام

[

روشانا
زعلاااااااااااااااااااااانه منك
بقي تيجي بورسعيد و ما تعديش عليا
خياااااااااااااااااانه

ام سوسو


ام كريم ولوجين كاتبة المشاركة دى عن الحنة العراقى فى ملف تانى
"وبالنسبه للحنه عشان كده سالتكو مش المصري بصي يا ستي انا عمالها بقالي سنه العراقي بشتري الكيلو 150 جنيه مع الزيت بتاعها بجد تحفه وشعري تقل وعمره ما وقع قبل ما اعملها كان بتساقط جدا واخواتي بيعملوها وبنت اختي الكبيره عملاها وبجد رائعه مفيش اي حاجه من اللي بتقولي عليها وعلي فكره انا اكتشفت ان معظم الدول العربيه اللي شعورهم سايحه نتيجه استعمالها وعلي فكره بتدي لمعه للشعر تحفه وبيبان طبيعي جدا اما المصري ولي واحده اعرفها جربتها والحمد لله كالعاده ده بيضيفوا عليها كيماوي دي طبعا هي كوافيره اختي وعراقيه وقالتلها عليها قرنفل ومكونات طبيعيه بس مرضيتش تقول ايه تاني
"

وبما انك الخبيرة العراقية هنا فأنا عايزة اتأكد منك من معلومة الحنة العراقى دى لانى بخاف من اى حاجة تتحط على الشعر

تحديدا كنت فى بورفؤاد وهما يومين فى السريع مالحقتش اعمل حاجة مرة تانية اكون قاعدة حبة كتير ان شاء الله

ام البنات

مش عارفة ااقولك اية ربنا يصبر باباكى ويجعله فى ميزان حسناته ويصبركم