محتاجة للدعاء شكرا لك ويارب يصلحلك الحال ويعينك الفترة دى على تربية البنات الفترة دى صعبة شوية بس ان شاء الله كله بيعدى
بس اهم حاجة اوعى عمرك انتى كمان يعدى وتفوقى زيى وتلاقى السجادة مسحوبة من تحت رجليك

رابط جميل يا نرمو تسلمى وانا ها حمل على جهازى الحاجات دى جزاك الله خيرا

ان حاطلكم مواضيعى فى مطبخ حواء للى يحب الطبيخ ويارب اكون نفعتكم بشىء وخاصة على قدوم شهر رمضان
كفتة المكرونة اختراعى
http://forum.hawaaworld.com/showthread.php?t=1850972
سمك ماكريل ورز السمك البنى
http://forum.hawaaworld.com/showthread.php?t=1811662
جراتان البطاطس
http://forum.hawaaworld.com/showthread.php?t=1836095
صينية البطاطس بالفراخ نى فى نى ومشرمل الزيتونhttp://forum.hawaaworld.com/showthread.php?t=1795162
كيكة الشيكولاتة الاصلى بتاعة برة مع الصوص
http://forum.hawaaworld.com/showthread.php?t=1758670
البيتزا البيتى
http://forum.hawaaworld.com/showthread.php?t=1814616
قرص العسل للاطفال
http://forum.hawaaworld.com/showthread.php?t=1764860
وكفاية كدة ويا رب اكون قدمت لكم حاجة

اهلا بيك اخت الحرية 3000

او الغالية رانيا
خلاص اعتبرت من الغاليييييييييين
روحك خفيفة
مرحة
معطاءة بسبب روابط الاكل وتقديم يد العون لمن يطلب

وكماااااان
واضح انك بداخلك طاقة
وبحث عن الذات
او اثبات الذات

ياريت ياحبوبة
حددى انت عايزة تعملى ايه
واضح انك شخصية مستقلة
قوية
تتمتعى بالتصميم

وفى احدى تعلييقات ردا على المشاركة الا خيرة لك

بس اهم حاجة اوعى عمرك انتى كمان يعدى وتفوقى زيى وتلاقى السجادة مسحوبة من تحت رجليك

لما الشخصية تتمتع بصفاتك
ما اعتقدش العمر يضيع هدر

ولا السجادة تنسحب من تحت رجلها
ايه رأيك فرصة اشترى سجادة من الاوكازيون
واوقفى وتبتى عليها
ما تسمحيش لحد يسحبها من تحت رجلك

والله انا معجبة بك
وزى ما صممتى تجيبى العربية
وتتعلمى السواقة
ايه رأيك
استخدمى خبرتك فى الاكل
والعربية النو نو وابتدى مشرووووووع صغير
واسرعى فى التنفييييييييذ
لو الظروف مواتيه

حابه اكلم معاكى كتييييييير
بس كفاية كدة

ربنا يخليك يا ماما زوزو ومرسيه اوى على اهتمامك بيى وشكرا على رأيك فيا وده أعتبره وسام على صدرى وشرف اعتز بيه من سيدة جميلة المشاعر زى حضرتك واحب اطمن حضرتك ان بعون الله وتوفيقه ان سأظل قوية لانى محتاجة اكون كدة مش عشان ما بحجبش انى اكون فى ظل زوجى وفى خدمة اولادى لا..... علشان لما انا احس بذاتى هايكون عندى قدرة على العطاء من غير ما أحس انى مجبورة عليها واقدر اكون فى نظر أولادى شىء مشرف وانا مش عايزة اكون ند لزوجى لكن عايزةاعلى واعلى بيه وليه ولاولادى
وعايزة استرد طموحى عشان اكون لهم فى يوم من الايام مثل اعلى ولنفسى قبل كل شىء
ومرسيه يا ماما زوزو على الاقتراح اللطيف وبجد ها حاول انكش فى الموضوع ده ويبقى عندى خبرة فى المشاريع لانى لسة معرفش الناس بتتعامل ازاى فى السوق ولا عندى خبرة فى التسويق
بس ان شاء المولى عز وجل هاحاول
ربنا يبارك فيك وماتحرمش من تشجيعك ولا دفعاتك ليا وكل عام وانت بخير انت وكل حبايبك
سيبك من كل ده اهم حاجة العربية بتاعتى عجبتك اعرف حضرتك بيها .....عربيتى اولادى سموها بعكوكة واخويا سماها مطب صناعى
ايه رأى حضرتك؟؟؟؟؟؟؟؟