السلام عليكم ورحمة الله وبركاته...

أسفة كتير حاتكون مشاركتي دي مؤلمة وسلبية بس القصد من المشاركة دي أنكم تركزوا بالدعاء لنا جميعا وربنا يحفظنا من كل شر ..
عشان تقدروا نعمة الأمان وربي يدميها على الجميع..
عشان تشوفوا اد اي في ناس عندها مصائب.. يمكن تهون عليكم مشاكلكم وتشوفها حاجة بسيطة اوي..

زي ما عرفتوا أمبارح كان يوم دموي في بغداد ..
من الناس اللي راحوا فيها واحدة جيراننا هي بعمري تقريبا لسة مخطوبة من شهر وكانت موظفة هي وخطيبها في وزارة الخارجية بس سبحان الله خطيبها كان رايح مشوار قبل التفجير بدقايق، وكانوا خلاص راح يتجوزوا بعد العيد وجالهم تعين في مصر وحايبقوا 4 سنوات ،، رجع الخطيب بعد الإنفجار راح يدور على خطيبته مش لاقيها.. بحث بين الأنقاض ، لا حول ولا قوة إلا بالله شاف جسمها بس وراسها مقطوع في الناحية التانية..
إنا لله وإنا إليه راجعون ،،، الله يصبر أهلها ويجعل مثواها الجنة...

في واحدة ثانية جيران اهل سلفتي ، هي كانت متزوجة من ثلاث سنوات ومالهاش اطفال بس سبحان الله ربي كان اكرم عليها وصارت حامل وكانت في الشهر التاسع ، هي كمان كانت موظفة وكانت مجازة عشان إجازة الامومة راحت مع زوجها عشان تسلم على صحباتها قبل ما تولد وكان زوجها بيستناها تحت ، وسبحان الله ما كانت تعرف ان ملك الموت بستناها ، صار الإنفجار وراحت فيها وحتى جثتها مش موجودة اتقطعت حتت، حسبي الله ونعم الوكيل..."

ثالث واحد بيصير اخو البنت اللي عاوزين نخطبها لأخو زوجي ، متزوج وعنده اولاد وزوجته حامل وعندها قرحة بالمعدة وقولون وضغط حمل ، ده لسة مش عارفين مصيره هل هو من الشهداء او الجرحى، اخوه راح زي المجنون دور على كل المستشفيات وكانت الطرق مقطوعة واضطر يمشي مسافات طويلة بالحر ده ، دور حتى في الطب العدلي ومافيش نتيجة..
يارب يكون سالم ،، لان المشكلة في ناس صارت حتت ومالهاش اي اثر...

اسفة قطعت قلبكم بس يمكن بقدوم الشهر الكريم ده ، نحاول نغير نفسنا والحالات دي تكون عبر لنا ونعرف اد ايه هي الدنيا تافهة ومش مستاهلة نزعل من كلام او تصرفات اشخاص محيطين بنا..

ننظر للدنيا بمنظار تاني ، نخلي الدنيا دي مزرعة للأخرة ،، معبر للأخرة ، كلنا ضيوف في الدنيا ، والعمر كدة كدة حايعدي ، لي ما نغيرش من تصرفاتنا ونحاول قدر الإمكان نكون إيجابين وتكون عندنا إرادة قوية وقدرة وتصميم على النجاح والتغير ورمضان فرصة لنا جميعا..
إن شاء الله حاستمر معاكم في رمضان ، عسى ولعل نعين بعض ونكون سبب في هداية بعض وناخذ بأيد بعض.

بالرغم من نفسيتي والمود الوحش بس بأمر الرحمن اليوم حاكمل باقي التنظيفات والنواقص وحازين البيت عشان البنات يحسوا برمضان ويترتبطوا فيه.

سلام ويارب يسلم كل واحدة دعت لي من قلبها ، الله لا يحرمني من دعائكم ولكم بالمثل إن شاء الله.

بحبكم في الله

أخواتي الحبيبات ندعوكن للاشتراك معنا في حلقات الحفظ المكثف للقرآن الكريم في جروب عاليات الهمة في اليابان، حيث قررنا فتح الباب للأخوات من خارج اليابان من جميع البلدان...للتعرف على الجروب والتواصل برجاء التسجيل (للنساء فقط) .التسجيل عن طريق هذا الرابط
http://groups.yahoo.com/group/3alyaat_elhemmah_in_Japan/join
ومن تريد الانضمام للحلقات تتواصل مع الايميل التالي
و ترسل مباشرة على ايميل الجروب التالي
3alyaat_elhemmah_in_Japan@yahoogroups.com

صباحو نادي لبن زبادي
ربنا يكرمكوا فعلا يا بنات انتوا اكتر من الاخوات وشايفة في كلامكوا وشوش قلقانة فعلا
لا تمثيل ولا حد عايز مني حاجة
ربنا يديم بنا الخير والمعروف
الحمد لله قدر الله وما شاء فعل
ربنا لطف بينا امبارح انا والولاد
المشكلة كانت في خرطوم البنزين كان دايب وسايب من مكانه
فسرب بنزين ومع حرارة الموتور ولع
فكرم ربنا اني كنت في حتة قريبة وكان في ناس حواليا في الشارع
لاني بمشي في طريق صعب وصحراوي
بمشي في الدائري على المعادي والقطامية
فربنا ستر
المهم الميكانيكي بيقول كويس انهم عرفوا يطفوها وكويس انها ما ولعتش كلها بينا
الحمد لله على كلشئ
لو فضلت اشكر ربنا طول عمري مش كفاية
اهو انا طول عمري كدة
باصنع الاحداث بس كلها احداث صعبة


المهم انا لسه زي القردة وهفضل اناكف فيكوا

ام سوسو
قطعتي قلبي ربنا يكون في عونكم و يخرج العراق من اللي هي فيه يا رب
و ربنا يرحم الموتى و يتقبلهم عنده من الشهداء و يعافينا و يعافيكم اللهم امين

ميرو
الحمد لله انها جت على كدة و بس و حمد لله على سلامتكم مرة تانية و كويس انك طمنتينا
انتي بس اتعودي دايما تقولي دعاء الخروج من المنزل و دعاء ركوب الدابة او السيارة يعني علشان ربنا يحميكم و يحفظكم