تسلم ايديكم :

رواء الاسلام كل عام وانتم بخير و كل المسلمين فى اوربا و اهل المهجر عموما و علينا جميعا يارب يحفظكم فى الغربه و يسلمكم من كل شر رانيا اسينش انا فرحانه اوى انك رجعتى تانى وشكرا على فتح باب المجموعه لينا يارب يسهل امورك و يحقق مرادك ام البنات المصريه انت فى القلب علطول يعلم الله وانا فرحانه ان بابا اطال الله فى عمره لرمضان لانه شهر رحمة و عفو و فيه بركه و خير كتير و نفحاته ان شاء الله تكون شفاء و رحمة عليه لسه واحد قريبى ميت اول شعبان و هو فى قمة صحته قلت سبحان الله مات قبل ايام من رمضان نعمة كبيره اننا نطول رمضان ويمكن اخر رمضان ميرو الحمد لله ربنا سلم ان شاء الله هتتصلح و كله بيعدى ويارب يسلمك انت و الاولاد دايما فى السفر اللى بتسافريه كل يوم فيميل طب انا مبسوطه اوىى انك احسن دلوقتى ومش طمع ولا حاجة وانا اوقات بدخل فى المود ده برضوا بس نصيحه متبعديش كتير خليكى دايما مع الصحبه الطيبه دى بيتغير المزاج كده و تعلى الهمة و عايزه اقولك على حاجة بجد افتكريها مفيش حاجة بتدوم التغيير سنة الحياة ام عبد الله يارب يتقبل منك الطاعه و الصيام و القيام و هتوحشينا جدااااااا جزاكى الله خيرا على مشاركاته الرائعه شيماء ازيك و ازى البنتوته سجى يارب تكونى بخير يا شيماء و يعدلك الحال و تلاقى البنت سجى اتنفخت كده و بقت كلبوظة بس متقلقيش دى ازمة جيل هههههههههههههههههههههه و لادى مركة عود القصب الحمد لله على كل حال لسه واحده شايفه يوسف و هو عنده سنه واربع شهور و بتقولى عنده كام شهر ده هههههههههههههههههههههههههههههههه هيه ابنها اكبر من يوسف بثلاثة شهور فقط بس ما شاء الله لاقوة الا بالله يارب يبارك فى صحته و شوفى كده موضوع الصيام مع الرضاعه ايه و معاكى رخصه لو لاحظتى قلة اللبن ابقى طمنينا عليكى ام يوسف الف مبروك على الشقه يا عسل وتعمريها كده بالطاعه و السعادة و الايمان و بالنسبه للاقساط معلش كأنك داخله جمعيه بس راحه نفسيه الله يعينكم و يرزقكم و تخلصوا الاقساط بدرى قبل المعاد كمان رونى امين امين امين لدعائك الجميل ويارب يعطيكى انت و كل المشتاقات هنا فى السرب وكل اخوتنا جميعا الذرية المعافاة الصالحة و يفرح قلبك بيها يارب استجب بلو روز ازيك يا قمر و كل سنه وانت طيبه و تقومى بالسلامه يارب مادو الحمد لله على سلامتك و يارب نطمن عليكى قريبا يارب يبارك فى اولادك يارب روشانا ههههههههههههههههه ضحكتينى على الحسد ما شاء الله ....لاقوة الا بالله سبحان الله مش بخاف هنا خالص رغم عارفه ناس كتيره بتابع بس بحس بالامان ويارب يصلح حال الناس جميعا و يبارك فى بناتك و فى زواجك و يرزقكم حفظ كتاب الله جميعا

رواء الاسلام كل عام وانتم بخير و كل المسلمين فى اوربا و اهل المهجر عموما و علينا جميعا يارب...

دموع التائبة :

السلام هليكم و رحمه الله وبركاته على كل حبايبى الحلوين و كل عام و انتم فى صحة و طاعة و إلى الله أقرب و جعلنا الله جميعا من عتقائة فى الشهر الكريم طبعا مش هاقدر اسلم عليكم كلكم بالأسماء ام سوسو ............ قدر الله و ماشاء الله و نحسبهم على الله من الشهداء يارب و لله الفضل و الحمد على ما نحن فيه و نعمه كتيره علينا اللهم ادمها و احفظها من الزوال و ربنا يحفظك و كل من تحبى من كل سوء اللهم يا مالك السموات و الأرض يا حافظ يا أرحم الراحمين اللهم انا نستودعك اختنا فى الله ام سوسو و بناتها و زوجها و كل اهل بيتها و نسالك بمعاقد العز من عرشك و منتهى الرحمة من كتابك ان تحفظهم من كل سوء و ترفع عنهم البلاء و تدخلهم فى رحمتك يا على يا قدير ميرو ............... قدر الله وما شاء فعل ربنا يجعلك من عباد الأحسان لا عباد الأمتحان يارب و يبارك لك فى حياتك و طلعى صدقة شكر لله على السلامة و ان شاء الله نسمع عنك دايما كل خير و طبعا كنت ناوية تطبيقا لكلام ايمان جزاها الله خيرا انى اعتزل النت على قدر الأمكان فى شهر رمضان و ربنا يقدرنى و ان ربنا جعلنا من اهل الدنيا ارجعلكم بعد اجازة عيد الفطر ان شاء العلى القدير بس عايزة اقول حاجة بسيطة اوصيكم و نفسى بتوقى الله فى الحياة عامة و فى رمضان خاصة هى فرصتنا بجد و خصوصا المقصرين مع رب العالمين و انا اولهم احنا اولى الناس برمضان لأنه ان شاء الله يكمل عندنا نواقص كتير طول السنة على قد ما تقدرى اقرى قرءان فى كل وقت و فى أى مكان لو رايحة الشغل بمواصلات اقرى لو راجعة و تعبانة و عطشانة من الصيام و كمان مش مركزة اقرى و قبل ما تقرى ادعى ربنا انك تاخدى الثواب و تفهمى ما تقرأى و تعملى بيه كمان بعد افلطار تعبانة و وراكى كوم مواعين و اطباق و بلاوى فى البيت و يادوب هتغسليهم و تروحى تنامى على السرير لغاية السحور لألألألألألألألأ اوعى تعملى كده استعينى بالله و توكلى عليه و ممكن تصلى العشاء و التراويح و بعدين تغسلى الكلام ده صلاتك و علاقتك برينا اولى من المواعين مش باقولك اهملى بيتك بس بقولك رتبى اولوياتك " الله ثم الله ثم الله " و بعدين ربنا هيبارك لك فيما ما بعد ذلك لو عليكى اثقال فى صلاة التراويح فى انك عندى اولاد صغيرين ومش بتعرفى تروحى المسجد يبقى اتوكلى على الله و صلى فى البيت لو مش بتقدرى تفضلى فى الصلاة مدة طويلة عشان جوزك مش موجود و اولادك صغيرين و بيعملوا بلاوى فى البيت و انتى مش هتعرفى تطلعى من الصلاة يبقى صلى التراويح بقصار السور و بعدين عوضى الباقى من القرءان بالقرءاة العادية حتى ممكن ساعتها تتابعى اولادك اكتر و تعملى اى حاجة فى النص لو تعبانة من الصلاة و مش قادرة تقفى يبقى خلاص صلى و انتى قاعدة على كرسى ( ديه مش حجة للقادرين ) بتكلم لغير القادرين صحيا او بيتعبوا جدا من الوقفة لكن لو قادرة تعالى على نفسك و اجتهدى لأن الأجر و الثواب مضاعف ان شاء الله انا بالعربى كده بقولك سهلى على نفسك و يسرى امرك بس متسبيش الحاجة اعمليها بابسط الطرق ليكى المهم تتعمل عشان تقولى لرب العالمين يارب انا عملت بس على ادى المهم مكنتش متهاونة و مكنتش مفرطة و طبعا احتسبى اجر افطار صائمين و اطعام مسلمين و انتى بتطبخى و بتعملى حلويات و حسن تبعل لزوجك و ادخال السرور فى قلب مؤمن من انك تعمللهم الأكل اللى بيحبوه و ان الأكل ده اعانة على الطاعة بامر الله و نامى بس مطوليش السنة طويلة نامى فيها زى ما ناتى عايزة و لكن برده بما لا يضر صحتك يعنى انا واحدة من الناس مش بقدر اسهر و مش انام لأن بيجيلى حالة من التنفس السريع و ضربات القلب الزيادة مع عدم القدرة على عمل اى شىء فطبعا بحاول انام كويس و طبعا خلى للصدقة نصيب معاكى حتى و لو نص جنية كل يوم و كمان لو ينفع تفطرى حد صايم غير اهل بيتك يبقى جميل و تصلى رحمك حتى لو بتليفون بسيط فى الأسبوع ابعتى مع زوجك بكرة فى صلاة الجمعة كيس بلح يديه لأمام المسجد و يقوله ان شاء الله لرمضان عشان اى حد يجى يصلى يبقى يفطر منه فكرة جميل و بامر الله هاعملها و ربنا يتقبل حاولى دايما تحضرى السحور بنية اتباع السنة عشان الرسول صلى الله عليه و سلم اوصانا بيه و كمان حضرية قبل الفجر بوقت كافى مثلا تكونوا مخلصين سحور الساعة تلاتة او تلاتة و ربع حلو جدا عشان بعدها تستفيدى بوقت الأسحار بالعربى خليكى مختلفة للأحسن و جاهدى نفس على قد ماتقدرى و ربنا هيعينك و هيعنا على سوء انفسنا ان شاء الله اخر حاجة احب اختم بيها و ان شاء الله ربنا يذكرنى و اياكم بها هى الأستغفار و الدعاء استغفرى الوقت اللى مش هتقدرى تقرى فيه قرءان زى اوقات الطبخ و الترويق و كل وقت متاح و كمان قبل الفجر فى وقت الأسحار عشان ربنا يكتبك من المستغفرين بالأسحار و نوعى فى النوايا بتاعت الأستغفار بس خلى نيتك الأساسية التطهر من الذنوب و تنفيذ وصية الرسول صلى الله عليه و سلم فى انه اوصى النساء بكثرة الأستغفار و ان ربنا يديكى الجنة و حطى بقى اى نوايا تانية زى ما تحبى و الدعاء بقى هو عيد القصيد زى ما بيقولوا املى صفحتك مع ربنا بالدعاء للدنيا و للأخرة ليكى و لزوجك و لأولادك و لأهل بيتك و للأسلام و للمسلمين و للمستضعفين فى الأرض ان شاء حتى تقوليله يارب انا نفسى اكل كذا عادى جدا المهم تدعى افتحى الصلة بينك و بين رب العالمين اقلبى الموجة بتاعتك على الدعاء مع التضرع و الخشوع و استحضار عظمة رب العالمين و قدرتك عل تحويل حالك بين الكاف و النون " كن فيكون " الدعاء جميل جدا جدا جدا و هيبقى اجمل و اجمل لما تحسى ان ربنا استجاب دعواتك مهما كانت بسيطة و ان شاء الله يكون فى يوم الفرح الأكبر لما نلقى رب العالمين يوم الحشر و فى الجنة تلاقى ربنا شايلك كل دعوة مش ادهالك فى الدنيا عوضك بيها فى الجنة بما لا عين رأت و لا أذن سمعت و لا خطر على قلب بشر بجد انبسطت جدا انى كتبت الكلام ده ليكم لأنى استشعرت معاه حاجة جميلة و نعمة من الذى لا يغفل و لا ينام و استحضرت كمان مشاعر جميلة لرمضان ربنا يكتبنا فيه من العتقاء و يرزقنا شهادة فى سبيله وحده بحكبكم كلكم فى الله سبحانك اللهم و بحمدك لا إله إلا انت استغفرك و اتوب اليك

السلام هليكم و رحمه الله وبركاته على كل حبايبى الحلوين و كل عام و انتم فى صحة و طاعة و إلى...