السلام عليكم ورحمة الله وبركاته:

مبروك علينا الملف الجديد يارب يكون ملف عامر بالحب والاخوة والمعلومات الحلوة والنصائح القيمة والإيمان....

إيمان: ما شاء الله تبارك الله ، مبروك عليكم البنوتة الله يحفظها ويحميها من كل شر وتكون يارب من الصالحات. والف سلامة على بودي.
انجي: وحشتيني عاملة ايه. يارب تكوني بخير وبصحة جيدة دائما.

فيميل: الله يصلح حالك ويسخر لك زوجك يارب ، بس انا زعلانة منك ، ايه التفكير السلبي ده ، مهو انت لو قلتي كدة يبقى مية بالمية مش حاتقدري تعملي حاجة ، انت عاملة طول الوقت تغذي نفسك بالافكار والمشاعر السلبية وتدين طول اليوم رسائل لمخك، انا مش حاتغير، انا مستحيل اتغير، انا مش نافعة لحاجة.
يا حبيبتي شيلي الافكار دي من دماغك وانت لازم تكون حاجة بداخلك تحرك ، يعني فكري في نفسك هو اية بينقصك عن اي ست تانية تدرس او بتشتغل وعندها اولاد ومسؤوليات كثيرة ، الفرق هي عندها هدف عندها ارادة . مش تقولي لو ربنا عاوز يهديني انا حابقى افضل لا مش كفاية ، انت لازم تتعبي وتشتغلي جامد وتفكري يعني تاخذي بالاسباب وربنا يقول منك الحركة ومني البركة ، انت بس اخطي خطوة بس مش بس كلام لا الخطوة دي لازم تحسيها بكل جوارحك وابقى رددي انا ست بيت ناحجة ، انا اقدر اربي ولادي احسن تربية .. انا احسن زوجة واول خطوة زي ما الكل قالوا القرب من الله ، فوالله لو بديتي بالخطوة دي بصدق حتشوفي ربنا ازاي حايخذ بايدك وحاشى لله ان يتخلى عن عبده.
كلنا هنا زي خواتك وعلى استعداد كل يوم نشجعك وناخذ بايدك وندعيلك من قلب صافي وربنا المستعان.

معلش فاصل:

دموع : انا بعثت لك رقمي على الياهو اوف لاين مسج ، ياقمر، ما شاء الله عليك الويك اند كان حافل ومثمر. ربنا يبارك في وقتك.

ام البنات: ياريت تطمنينا عليك ، ويارب يشفيك ويعافيكي.

ايجبتي : ماشي يا قمر ، مستنية بقية التفاصيل . وصلتني الرسالة وموافقة .

كل القمرات يارب تكونوا بخير وبصحة وعافية.

يومياتي: اليوم مسحت البيت كالعادة بس اليوم بس الطابق السفلي ومسحت الاخشاب وغسلت الحمام السفلي وكويت شوية ملابس اخو زوجي لان سلفتي مسافرة ، وجربت حركة جديدة ، طبعا قبل الكوي بالبخاخ كومفورت وماء رشيت القمصان بس قبل ما اكوي اخذت قطعة من المسك الناشف (اللي زي الصابون) ومررتها على السريع على كل قميص وكويته والريحة كانت روعة وبقت ماسكة .

نظف نص دواليب المطبخ من برة وان شاء الله بكرة اكمل النص التاني ، اخذت ليمونة وقطعتها شرائح رقيقة جدا وحطيتها على الاسفنجة ودكت بيها الدواليب والله نزل منها ماية سودا والدهون كلها ذابت برمشة عين من غير سلك ولاي حاجة , وما شاء الله بقت تبرق لان لون دواليبي خشبي فاتح .

حميت البنات وحميت ولبست ، الحمد لله بقى لي فترة طويلة ملتزمة بالشاور اليومي والتبديل وكل يوم البس لبس مختلف ، يعني جينزات ، بديات، تنانير قصيرة ، طويلة ، بروتيلات يعني مشكل بس طبعا ما فيش اي رد فعل من الطرف الثاني (ههههههه*) عادي انا تعودت على كدة والبس عشان نفسي بس والله لما بقيت كل ايوم اغير بياثر على نفسيتي كتير ويدي ثقة عالية بالنفس مع بخة برفان تبقى تمام.

اما الغداء فما عملتش حاجة لان مخلصة خضروات وحماتي بعثت لي دولمة (محشي) وانا بس حمرت بطاطس للبنات (قطعتها صوابع ورشيت عليها رشة ملح وثوم بودرة وشوية دقيق وبالهناء والشفا.

يلا رغيت كتير معلش سامحوني ، في امان الله ورعايته.

السلام عليكم اخواتي الحبيبات علي قلبي
الف مبروك الملف الجديد ربنا يديمها علينا
نعمه ويبارك فيكم جميعا ويسعد اوقاتكم يارب
بالطاعة بحبكم جميعا في الله والي لقاء قريب.

مبرووووووووك الملف الجديد

يا بنات مش بتزعلوا لما نقفل ملف قديم هههههه بحس انه بيتنا وعزلنا منه وكان لينا فيه ذكريات

ايمان

مبروك البنوتة ما شاء الله


عملت سيرش على اسم ساندى طلع اصله يونانى ومشتق من ساندرا او كاساندرا

وفي موقع تانى كاتب انه معناه مشتق من sand اللى هو الرمل و ممكن يكون اى شئ بلون الرمل او مغطى بالرمل او اى حاجة ليها صفات الرمل

روشانا هو ينفع للنوعين الولد والبنت

السلام عليكم ورحمة الله وبركاتة
روشانا شكرا على ردك وادعيلى وانا خلاص قررت اقول لاهلى النهاردة ان شاء الله
دموع التائبة شكرا على ردك انا شكلى عصبية زيادة ورد فعلى فظيع ودايما غلطة الست اضعاف اضعاف غلطة الراجل هو احنا مش نفس الجنس انسان ولا جنس تانى المهم شكلة الجواز للجدعان وانا مش قدة كفاية عليا سبع سنين
المحبة للرسول شكرا لدعائك
ايجيبتى شكرا على ردك واكيد اللى انا فية دة ذنوب ويا رب تخلص ومع ذلك الحمد للة والشكر للة انا حالى احسن كتيييييييير من ناس تانية ادعيلى
ام سوسو شكرا على ردك وازاى يبقى عندى هدف وارادة ولازم الواحدة علشان تبقى عندها ثقة بالنفس تسمع تشجيع من الى حواليها ولا ممكن تبقى كدة انا مش عارفة ابقى (عايزة) اتغير