omyosef :

يا حي يا قيوم برحمتك نستغيث اصلح لنا شأننا كله ولا تكلنا الي نفسنا طرفة عين يا حبايب قلبي معلش اسفه علي الازعاج بس صدقوني اننا نزعج نفسنا عشان نرتقي ونعين بعض علي الطاعه اكيد ده شئ مش وحش الاول احب اوضح انا مش زعلانه من حد لحاجه شخصيه لأ كل الحكايه اني فعلا دخلت مواضيع تانيه كتير وشوفت ناس بعزهم اوي في منهم معانا ومنهم لأ ولقيت كلام غريب واسلوب وحاجات ماترضيش ربنا طبعا مش هتكلم عن اي حاجه بالتفصيل عشان مش ينفع انا بس كنت زعلانه اوي امبارح وخوفت خوفت احسن اتصدم في حد تاني وقولت اكتب لكم مشاركة امبارح عشان كل واحده مننا تراجع نفسها يالا نخليها وقفه مع النفس خلينا كلنا نراجع نفسنا ونحاول نغير العيوب الي جوانا خلينا نخلي كتابتنا زي افعالنا خلينا نصلح علاقتنا مع ربنا اولا ثم مع الي حوالينا خلينا نصلح علاقتنا مع نفسنا ونحبها ونشوف كل حاجه حوالينا بعيون راضيه وشاكره النعمه خلينا نسمو بروحنا بعيد عن اي ضغينه او طمع او كدب او غش او غيبه او نميمه او نفاااااااااااااااااق خلينا شعارنا الحقيقي يبقي الحب في الله وبس بصدق مش كلمه بنكتبها ومش بنطبق منها حاجه امبارح طول اليوم بفكر واقول طيب انا زعلانه ليه اوي كده ماهي دي الدنيا واكيد فيها النماذج الحسنه والسيئه بس لقيت اني فعلا مش بعرف اسكت خصوصا لو شوفت حاجه استفزت مشاعري اوي بالنسبه للدين او المعامله مع الناس وده دايما بيعملي مشاكل كتير ماما كانت دايما تقولي ماتبقيش زي عمتك الناس مش بتحب كلامها عشان حقانيه ده طبعا مش معناه اني مثاليه بالعكس امبارح لما وقفت مع نفسي شويه لقيت انا كمان فية عيوب لو متضايقه من حد تلاقوني ممكن اجيب سيرته وطبعا دي غيبه وكمان ساعات بكدب بس بيبقي في حاجات تافهه مع جوزي او كده وعصبيه لاقصي درجه مش بحاول امسك نفسي وممكن ازعل الي قدامي واكيد فيه عيوب تانيه يمكن يكون غيري شايفها وانا لأ كنت قبل كده عملت موضوع عن عيوبنا ودعوه اننا نصارح نفسنا بيها عشان تبقي الخطوه الاولي للتغيير كلنا هنا لينا امنيه واحده الا وهي الجنه طيب فين العمل الحقيقي للجنه الموضوع مش عبادات فقط الموضوع الدين المعامله وخلينا نطبق اخلاق حبيبنا النبي عليه الصلاة والسلام في كل حاجه انا عن نفسي قررت ابدأ وبجديه وهيكو شعاري التقوي يالا نتحري التقوي في كل شئ وقبل اي كلمه او عمل نعمله خلينا نمرره عل جهاز التقوي ولو صفر الجهاز يبقي لألألألألألألألألألأ مرضاة الله عز وجل اغلي بكتير من اي حاجه في الدنيا يالا نطهر نفسونا بسرعه الحمد لله احنا مع بعض وبنعين بعض في ناس غيرنا مش لاقين حد يفكرهم او يساعدهم طبعا واجب ام سوسو جه في وقته يالا نخليه هو البدايه للرقي بالنفس اسماء تسلم ايديكم انا عمري ما كنت هتكلم واقول تفاصيل يا حبيبتي احنا هنا بنحاول نتجنب اي مشاكل وكلام علي حد عشان نفضل كده زي مااحنا وفرحت اوي انك بتفتكري كلامي ربنا يعلم انتي مكانتك عندي قد ايه زوجه مصريه اهو يا قمر انا كتبت الدعاء بس يارب يفتكروا يقولوه لأن دعاء امبارح ماحدش قالوا ان شاء الله انا هدعي بيه النهارده بنية الجماعه عشان اكسب تأمين الملائكه حبيبة اوسو حمدلله علي السلامه وحشتينا وكلامك عن الكعبه رااااااااااااائع اسماء روبنز حلو اوي المواضيع يا موئه ياريت ماتغيبيش كتير باقي البنات سامحوني دلوقتي كله صحي وعايز مم هروح احضر فطار وان شاء الله لية عوده بحبكم في الله

يا حي يا قيوم برحمتك نستغيث اصلح لنا شأننا كله ولا تكلنا الي نفسنا طرفة عين يا حبايب قلبي معلش...