سلام عليكم بنات..
انا ما اتذكر كيف بدأ معي ألم رجلي .. كل الي اتذكره انه كان عندي حفله و لبست كعب و لاني
من النوع الي ما البس كعب فما استغربت لما صحيت ثاني يوم و فيني الم في رجلي قلت هذا اكيد
من الكعب كم كررت كلمت كعب هههههههههههههههه..... المهم يا غاليتي كان يجيني وجع في رجلي اذا مشيت
كثير و احيانا في الليل يجيني زي الشد لمده سته شهور و انا الصراحه مهمله الموضوع لاني قلت اكيد شد و بيروح
بعدين حسيت انه في منطقه الركبه بدأ تورم رحت المستشفى سوو لي الترا ساوند قالوا داومي على الثلج حطيه على
الورم و لا تجهدي نفسك بعد اربعه شهور ما حسيت بأي تحسن و كان كل خوفي ان عندي blood clots فخفت الصراحه
ورحت على الطوارئ و هناك من اول الترا ساوند بدأت اشوف الوجوه متغيره و كأن فيه شي كبير سووا لي كات سكان
ام ار اي و بعدين جا الدكتور و نزل القنبله على راسي انتي مصابه بسرطان في عضمه رجلك و الورم كبير و احتمال
انه انتقل للرئه ..... كانت صدمه كبيره علي بصراحه على الرغم ان الدكاتره هنا حنونين و كلامهم يحسسك بالاهتمام
الا ان هذا الدكتور كان شويه جاف معايا و خوفني كثير حتى انه قال لي احتمال ما تعيشي اكثر من سته شهور
انا انصدمت و بكيت خفت على ابني الي عمره 4 سنيني و زعلت على نفسي اني بموت و ما جبت له اخ يسنده في
الدنيا و كمان الصراحه بكيت لاني احب زوجي و بمجرد التفكير اني بموت و بسيب زوجي و ابني تجيني حاله بكاء لا
بعلم به الا الله....هذا كان اول يومين و بعدها سبحان الله جاني شعور بالرضاء كبييييييييييييييييييييييييييييييييييييير و
نسيت اقول لكم اني سويت خزعه و تأكد لهم ان الورم خبيث و الان عندي موعد يوم الاثنين ان شاء الله اسوي
pet scan قالت لي الدكتوره انه يشوف اذا فيه اي انتشار في اي مكان ثاني و النتائج تطلع يوم الاربعاء ........
املي بالله كبير انه ما يكون انتشر علشان ابدأ العلاج على طول بأذن الله تعالى
الغريب في هذا الموضوع ان الدكاتره مستغربين اني فيني هذا النوع من السرطان لان عمري 26 و هو عاده يصيب
الاطفال و فوق الخمسين لكن الحمد لله انا راضيه كل الرضا و هذي الايام اعيش حياتي بدون اي توتر بفضل الله عز
وجل و حبيت اني اكتب قصتي علشان تدعو لي و لاني ما شفت اي تجربه لمثل مرضي هنا .....
دعواتكم يا احلى اخوات
eman86 @eman86
عضوة نشيطة
يلزم عليك تسجيل الدخول أولًا لكتابة تعليق.
الرقيه باااااختي تكفين لاحظي قلتي كان عندي حفله بعدها تعبتي روووحي للشيخ يقرا عليكاقسم بالله ان فيه واحد مع زوجي في العمل يقول اخته جاها سرطان في الصدر ومستشفي التخصصي قالو مافيه امل خلاص واخذت خطاب يبي تعالج برا تقول المترجم الي في قصر الامير الي رايحين له يبون امر العلاج طلع وقال تقرير مستشفي التخصصي يقول الحاله متقدمه وانه احتمال بقاه حيه لايتجوز اربعه ايام فرفض طلب نقلها للخارج اخذها اخوها للشيخ الصمعاني وامرها بالرقيه وزيت ومدري ايش يقول سبحان اللهكل يوم احسن من الثاني لمدة شهر بعدها راحت تسوي فحوصات في نفس المستشفي قال الطبيب مستحييييل تكون نفس الحاله لهالحين عايشه لا وبعد مافيه اي وجود للمرض شفيت تماما وتزوجت وخلفت كان عندها عين الله يشفيك يارب حبيت بس افيدك يااختي وربك ارحم الرحمين استعيني به
الصفحة الأخيرة
عزيزتي عليك بالرقية الشرعية و الزيت المقري و قراءة سورة البقرة
شفاك الله و عافاك لأن أغلب الأورام عيون و حسد فاستخدمي الطب النبوي مع الطب البشري
شفاك الله