سرعــــــة الملل والروتين القاتل ...... وش الحل؟؟؟؟؟؟؟

السلام عليكم ورحمة الله وبركاته..........

صباياااااا
ودي الاقي حل لمشكلتي وهو اني سريعة الملل .....دوبي أفرح بالشئ الا أمل منه بسم الله الرحمن الرحيم.........
انسانه ملولة بمعنى الكلمة........واشتهرت بكلمة طفشانه ....أدري راح تقولون ......مايجوز هذا من الشيطان ...الخ
لكن والله الروتين اليومي غصب يخليني أمــل >>>بالكسرة
أحيانا انثبر في البيت لاسابيع لدرجة أحفظ جدولي اليومي مايتغير شئ استغفر الله العظيم الا الملابس والكلام ........أقعد انق فوق راس أمي طفشانه xطفشانه لين مانخرج نزور وحدة من خالاتي .......وشوي وأقول لامي طفشانه متى نرجع البيت .......
انشب بحلق أبوي لين مايسفرنا ومانقعد يوم أو يومين الا وأقول طفشانه أبغى أرجع المدينه !!
دائماً وانا لاصقه في هالمرجيحة اللي عندنا أدف نفسي بالساعات .......سودت فخوذي من كثر القعدة......وساعات أقعد أقابل هالاخبار لين مايوجعون راسي من أخبارهم وأقفل هالتلفزيون .........
والله اني ما أكذب عليكم حتى لدرجة اني أطفش حتى من نفسي ........ماغير أحوم بالصاله ماأدري اش اللي أبغاه ........
وأبوي الله يصلحه مايخليني أزور صديقاتي الا بطلوع الروح واذا كان فايق ورايق ذاك الوقت..........ولا حتى عندي أحد بسني أقدر ازورها من عايلتنا
أيامي صارت تجري والساعات تعدي من دون ماأحس ملل في ملل .........لما أقول لامي تقولي تحمد ربك على العافية ........الحمدالله على العافيه ماقلنا شئ لكن كمان الروتين اللي يذبح يأثر النفس وبعدها ييأثر على العافية ......تقولي وش أسويلك تبغيني ؟ألبس عباتي ودور بالشارع معاك .......والله يابنااات لشدة الملل أقعد ابكي حتى لو أبغى اسلينفسي بشئ مااقدر لاني طفشانه ولا طفشت اصير متضجره من اللي حولي.
عندي أختي متزوجةو وحدة أصغر مني بالمتوسطة والباقي عيال ........يعني مافيه مجال لتنفس ؟؟؟؟؟؟؟؟حتى احس ان هاذي ماهي حياتي عندي امكانيات وطاقات لكن هالروتين يحد منها
رجاءً أبغى حل لهالملل .......حتى وأنا الحين أكتبلكم مليت من الكتابة.....

تحياتي
((أخاف تملون مني حتى انتم))>>>>طفشانه وتنكت يثقل دمي