*كرز* :

ياهلا وغلا باخيتي بنت ابوها انا زيك ونفس مشكلتك توني بديت اجهز كلن خوفني قالو لي ترى كل ما تاخرتي ثقلتي والله يعظم الاجر والله اني شايله هم الله يعين يااارب لكن بقولك وش انا ناويه عليه وش عندي من افكار وانتي الله ييسر لك الاصلح يارب شوفي يالغاليه بالنسبه للبس النونو اول شي لا تجيبين نيوبورن جيبي السايز حقه من 0_3 دايم لانه كله اسبوعين ويكبر على اما هذي تستفيدين منها طول الاربعين ولين يكبر شوي بيصير كبير عليه شوي بس الوسع ولا الضيق (نصيحه مره اخوي خخخ) وانا يصراحه اقول الوقت بكير صح عشان كذا قررت انه اذا جا التخفيضات اروح اخذ لي تلقيطات خصوصا انهم يقولون لي لا تكثرين لبس لانه بسرعه يكبر انا اليوم رحت سنتر بوينت بصراحه حليل وفيه تخفيضات بس مو على كل شي المهم اللي عجبني ما عليه تخفيض بس نصحني الهندي قالي خوذي هلحين بالتخفيض بعد شهر بس ما تلاقين كل شي ومير قلت شورك وهدايه الله وتعرفون حتى بدون تخفيض مو غالي لقيت عنده طقم انا طقمته حق تقديم عادي يعني مهب كشخه مره بس والله عجبني ويواجه لونه كحلي وابيض احس يصلح بنات او اولاد لفه مع قبعه مع قفاز مع البربتوز 80 ريال بس انتي تكملينه ويمكن فيه اشياء بنات بس انا احتمال كبير ولد وعشان كذا ادور ولادي وياخوفي بالتوهيق ودي بشي محايد سكري وبيجات بس المهم انه فيه تخفيضات بعد شهر وانصحك بالبربتوزات اللي تجي شده وحده ثلاث قطع ملونه مره حلو ه وكرف طول الاربعين فيه نفس الطريقه بعد داخليات خذولي وحده بعد والفوطة ومفرش تغير الحفاظ و الحفاضات الربط لتريح البيبي من الحفاظ ولفه السره كلها اخذتها من سنتر بوينت وفيه اشياء ثانيه مره حلوه بس انتظري التخفيضات زي شنطه البيبي والحاف والاشياء هذي اما لبس الاستقبال لك بالنفاش انصحك بالعليا مول فيه محل اسمه towline عنده اشياء زي اللي في فانتيل زي هذي الموديلات اما هذا عجبني بس مدري تنصحوني استريه او لا الحزام حيرني خفت اتعب منه وهنا مكتوب سعره 500 لقيته بـ400 تشورون علي اخذه او لا تكفون لاني بروح له قريب ان شاء الله وانا اشور عليك اشياء زي كذا يعني ابتعدي عن القميص احس هذولي بنوتيات جيبي لك ثنين مع قميص واحد للناس الاجانب اما الاقارب واللي تمونين عليهم ويبي يطولون عندك جيبي اشياء مريحه لك زي قمصان الرضاعه وبجايم الرضاعه تصير حلوه ورخيصه ولو احد يعرف مكان بالرياض وين الاقي بجايم الرضاعه تكفون لا تبخلون علي واما بالنسبه للتوزيعات حقات النونو انا برضو ماافكر فيها صارت موضه قديمه المهم اختي لاني زيك بكريه واول نفاس عندنا بالبيت قالت الا نبي توزيعات عاد انا مافكرت الا بتوزيعات الصغار زي عيال خالتي وعيال اخوي وعيال صديقاتي اللي يجون مع اهلهم يزوروني قلت بسوي لي كم حبه منه ارضي اختي ومنها افرح الصغار فيها واما بالنسبه للتقديم يااااربي الله يعين عليه والله اني شايله هم بقوه ما انصحك بالتبذير وتشرين اشياء تنقهرين عليها زي اللي تخرب بسرعه انا للحين ما قررت وبالنسبه لريناد مهب شين بس ما عنده حركات غريبه بس حلو طعمه وانا كثير ناس مدحولي اللي قالت لك عنه عرموشه اللي بالبدايع قالو لذيذ ورخيض بالاضافه للشكولاته والتمر حطيه بحركه مرتبه مثلا جيبي تحفه من لايف ستايل وعبيها تمر وما انصحك تجيبي من تمور الصالحيه انا ادور لك التوفير يعني انتي سوي التمر بالبيت اكيد عندك شغاله واخوات اذا ولدتي رتبي التمر حق اسبوع بالفازا يعني جيبي تمر من عندك من حق رمضان :D واحشيه بالبسكوت والطحينه او الاشياء اللي تحبين تحشينها هذي طريقه او فيه مره عاجبتني مع انها قديمه بقوه بس فكرت تسويها من زمان ما شفتها انا شفت في لايف ستايل فازا شفافه عميقه حلو شكلها فكرت اجيب التمر المطحون واحشيها بمكسرات وكورها على شي جوز الهند واخليها طبقه وشي سمسم وخليها طبقه يعني بتكون كور طبقات الوان وتقدري تحطي فسدق يعني بيصير شكلها مميز على طاوله التقديم وزي ما قلت لك سوي حق اسبوع اما بالنسبه للموالح ما انصح بالفطاير تكلف عليك وشي ممل بالنسه للناس يعني بس تخسرين ولا تقدرين تخلينه لبكره لانه يصير بايت بس لازم يصير فيه شي يتقدم مع الشاي انصحك زي ما قلت لك عندك الشغاله دربيها من هلحين على انها تسوي لك حركه وهي قديمه بس ما تنمل ولا تكلف وخفيفه ولا هي حسافه اللي التوست تحشينها وتقصينها على شكل وردات وتشبكيها بعود اسنان ويتون تقدرين تحطين لونين بر وعادي بيطلع شكله يم يمي ولا يكلفك وشكليها شي لبنه وشي جبن وشي مرتديلا وبكذا بتمتلي لك صينيه بكيستين خبز :cook: والا وش رايك وبرضو فيه مكسرات اجيبلك اسم المحل اسئلك زوجي بس ترى بالرياض بس شكلها مرتب ولذيذه واعرف وحده تقول احطها بالفريزر ما يضر هذا شي ثاني مع التوست وفيه بعد اعرف وحده قالت لي جبت تحفه وتعرفي مسويه شي بالبيت زي المعمول لكن مالحه يعني محشيه زيتون اخضر تقول معبيتها بالفريزر مره لذيذه ومخليتها على شكل كور وتقول احيان اعجن العجينه بالفلفل الاحمر يعطي لون الفطيره لون حلو ولذعه حراره حلوه عاد هذي حركات اهل الرس :) يحبون الفلفل واهم شي طريقه تقديمك تكون مميزه وبكذا تميزتي بدون لا تكلفين شي كثير هذا رايي واتمنى انك تستفيدين منه ولا يهون الباقين اللي زي وضعنا محتارين :) اما اهل زوجك و صديقاتك اللي يجون دفعه وحده تكلفي لهم وجيبي الي تحبين من تشيز كيك و الفطاير والعصير الطبيعي والايسكريم والكبتشينو يكون كذا ما تتخسرين ذاك اليوم لان ضويفك كثار وكنها عزيمه نسيت اقولك اهم شي لا تنسين المشد الاندونيسي زوجه اخوي جابته لي من الحسون سنتر من عندكم ببريده ب19 ريال ترى من الاشياء المهمه والكل نصحني انه ما يترك الا بعد ثلاث او اربع اشهر من الولاده ادري طولت بس والله من اللي احس فيه وشايله هم ولا ادري طريقتي وافكاري صحيحه او لا ياليت اصحاب الخبره ما يبخلون علينا ويفيدونا باسرع وقت قبل نخلص :) اتمنى اني افدتك وافدت الجميع وانا انتظر افكاركم وارائكم واعتذر على الاطاله

ياهلا وغلا باخيتي بنت ابوها انا زيك ونفس مشكلتك توني بديت اجهز كلن خوفني قالو لي ترى كل ما تاخرتي...