نبتة مثمرة :

اممممم اقول والا مااقول والله محتارة .. اخاف اقول تلوموني واخاف مااقول تقولون انانية (عاد من زين السر) بس قبل مااقول اتمنى مااحد يجرب يستفيد منه لأني مومسؤلة اذا رجعك زوجك بيت اهلك هههههههه الا هل بلغت اللهم فاشهد ... ادري طولت بس خلاص بقولكم الله يسلمكم انا كنت اخاف من زوجي خوف اعمى وبدون سبب مع انه طيب جدا بس ماادري ليه وكنت اي شي يطلبة مايسمع كلمة لا على لساني ابدا كله حاضر حاضر كأني قدام مدير حتى لوعلى حساب رغبتي واستمريت على هذا الحال 3سنوات وصارت مشكلة وزعلت منه وتغيرت نفسيتي عليه وصرت مومثل اول معاه وهو الظاهر صبر سنتين وتغير وصار بدل الطيبة يدور المشاكل على التافه وبصراحة معاه حق انا مصختها شوية المهم يوم من الأيام زعل ومد يده لأول مرة وقدام بناتي الصغار انا هنا خلاص انعميت وماعرفت ايش اسوي بس من قوة الموقف رجعت الكف بنفس الوقت لأشعوريا والله يسامحني بس ويغفرلي لأنه موقصدي تصدقون عاد النكتة الي بقولكم عليها مامرت نص ساعة الي ويجي يضحك ويعتذر .. ويقول اعجبتيني يوم اخذت حقك بنفسك واثبت انك قوية كذا انا بطمن على مستقبل عيالي (من وقتها راااح الخوف واستغليت الموقف لصالحي) وصار معاية احسن من اول لدرجة احيانا انام وهو صاحي ينوم الصغير اويقعد مع الصغار ويقولي روحي ارتاحي حتى الأكل يقول لاتعبين نفسك وتسوين اجيب من برا واذا نفسه في شي واكتشفت يقول حسيت انك تعبانه وماودي ازيدك تعب ومايقدر ياكل شي لحاله ابدا حتى لوعزموه اصحابه يرجع ياكل بالبيت واذا غبت عن البيت قال انا خلاص ضعت واذا زعل يروح ويرجع يعتذر ولو كنت انا غلطانةويقول انت مسوية لي سحر خلاص الحين تعود على كذا ولوعلى حساب نفسه مع اني ودي اغير فيه عوايد بس مافي فايدة حتى ضيوفه يخليهم ويجي المطبخ ماصارت والسبب الكف ذا الله لايعيده والله صرت اشوفه يحسب حسابي في اي شي يفكر فيه وكل شي يقوله حتى لوتافه واذكر زمان والحين واقول سبحان مغير الأحوال وحزنانه علية وكم مرة اقوله يتغير شويه بس مايطاوعني يالله هذا انا قلت السر وبزيادة ولاتلومني لأني طولت وقلت قصة حياتي

اممممم اقول والا مااقول والله محتارة .. اخاف اقول تلوموني واخاف مااقول تقولون انانية (عاد من زين...