صباح الخير اخواتي
وياااااااااارب كلكم بخير وصحة وسلامة
انا اليوم رااااايقة حدي
وقلت بكتب لاخواتي شي يفيدهم مثل مافادني
وافادوني
ووقفوا معاي
المهم
يابنات انا تعرضت لظلم ومشاااااااااااااااااااااااااكل مالي دخل فيها والله اقسم بالله العظيم مادعيت الا شوي شوي اشوف الفرج
الحمدلله لي دعوة مستجابه عند ربي الله لا يحرمني من هالنعمة
طبعا انا مو ملتزمة مرررة ويارب يهديني
وحالي
حال اي بنت
محافظة على صلاتي الحمدلله ومقصرة بالسنن
احيانا اصلي الضحى والليل وبعض النوافل واقرا قران بس مو مدااااومة
بس اختكم تجيها فترات تراجع حساباتها
وتلتزم فترة
المهم
شي واحد فيني ومرااااااااااااااااعيته يابنات والله العظيم احاول قد مااقدر مااخسرة
النية
الرسول صلى الله عليه وسلم يقول (انما الاعمال بالنيات وانما لكل امرئ مانوى)
وفعلا النية الصادقة في هالزمن ناااااااااادرة
زمن كله نفاق ومصالح وخباثة النسوان كثرااااانه
وفيه بنات استغفرالله تتفاخر انها قهرت فلانه وانها فتنت على فلانه
خليك في حالك
ولاتشغلين نفسك في غيرك كثيييييير وعلاقاتك خليها لله
حبيتي البنت قدريها احترميها حافظي على علاقتها قاطعتك من كيفها
خلاص
ادعي ان الله يردكم لبعض
لاتحقديييييييييييييييييييييييييييييييييييين
انتي بتمرين بحياتك بناس اصناف واشكال ولهم اخلاقهم وحالاتهم النفسية
اذا بقاطع فلانه علشان سالفة كيفها الله كفيلها
صح نتضايق من ناس
بس خلاص بعدها انسي كل شي صااار
اذا ظلمك احد
او زعلانه على احد
قبل النوم وانتي بفراشك فكري بعلاقاتكم والاشياء الزينة اللي سواها لك هالشخص
اوكيه جرحك مررررررررة
خلاص قولي يارب انا سامحته لوجهك الكريم وصدقيني ربي بياخذ حقك بس لاتنامين وفي
قلبك شي على احد
والله في وحده تشتكي من مرة اخوها ومعاملتها السيئة لامها وانها تعاندهم وتناحرهم وتقلب اخوهم عليهم
وقالت خلاص بنعاملها بالمثل
قلت لحظة
بتنزلين لمستواها يعني
احنا نكره اسلوبها معنا نروح نصير مثلها ؟!!!!!!!!!!
وش هالتناقض
عاملوها بالحسنى وباخلاقكم صدقوني بتندم على كل شي
وبتشوفون
والله الانسااان مااااااااااااايندم على شي زين في حياته ولا على طيبة يندم على الشينه >>> مصطلحات امي :)
المهم
تقول بعد فترة تحملناها على رغم كل اللي تسوية وكذا اخر شي جتهم مرة تصيح من ولدهم ودخلت خواته بالسالفة وتشتكي لهم
سبحان الله
واصلحوا الامور وانحلت مشكلتها والحين صديقتي تقول والله خلاص لو تسوي كل شي مابرد ربي بياخذ حقي
ويهديها
قصصي انا مع الدعاء
مرة كنا انا وزوجي انتهى عقد شقتنا وندور شقه ثانية لانها ماأعجبتنا صغييييرة واخذ اسبوعين يدور يقول غاااااااليه الشقق ومو حلوة وعقدنا انتهى وتوهقنا
المهم
كنت اصلي مرة وكان زوجي بينام وقال
لاتنسيني من دعواتك
والله يابنات دعيت ودعيت ورحت نمت وجا من الدوام منبهر ويطالعني
قلت خير ان شاء الله
قال وش ابشرك فيه ؟ قلت خير ان شاء الله
قال نزلنا سكن من الحكومه ؟!!!!!
ويقول الربع يقولون سبحان الله امك داعية لك مااااااااايدرووووون
عارفين سكن الحكومة كبيييييير ويجنن وببلاش كل شي المي الكهربا والايجار
الحمدلله يارب الحين انا فيه
تبون بعد
مرة كنا بالسوق للأثاث ومعاي شنطتي فيها الفين ريال بس مو اهنيه المشكله
جوالي
جدييييييييييييييد
فيه صور خاصة لي ومقاطع لي مع عيال خواتي ومكياج تعرفون حركات البنات
المهم جلست اجرب احد الجلسات وقمت مع زوجي ونسيت الشنطة
وطلعنا من السوق لسوق ثاني واااااخر شي تذكرت الشنطة
وصحت
وقال زوجي وشفيك
قلت شنطتي ؟؟؟؟!!!!!!!!!!!
ورحنا ندور بالسوق هذاااا الين تكسرت رجولي وقال خلاص ماراح تلقينها
فلوس وجوال جدييييييييييد وعند بنغاليه
قلت مستحيل
اهم شي جوالي وقالي ليش ؟؟؟
تكلمي فيه صور لك ؟؟؟!!!!!:o
وقلت مقاطع بعد والله كان بيعطيني كف بس رجع ايده وعصب حيييييييييل
ورجعنا للسوق الاول كبيييييييييييييير
وانا اقعد ادعي
ياودود ياودود ياذا العرش المجيد
قلت الدعا لثالث مرة والا فيه هندي مايعرف يتكلم جديد واشرح له ويأشر لي على المحل اللي بجنبه
وربي يابنات
هندي مغطيها بمكانها يقول علشان لايشوف نفر
ههههههه
ومن الفرحة عطيته 200 ريال
وفيه كثييييييييييييييييييييييييير
وكثييييييييييير
ومرة وحده ظلمتني وكذبت علي وانا جالسة والناس مصدقينها لانها قدامي تقول
وانا انكر واقول ماقلت مو صحيح
والله خنقتني العبرة
وطلعت واقول حسبي الله ونعم الوكيل وسمعتني
بعد فترة
سمعت صارت لها مشاااااااااااااااااكل
وتواجهنا وانا عادي معاها بس يعلم الله ماتدري وين تحطني وهالحين تحبني حيل وماترضى علي
وثاني مرة تخالفنا على ساااالفة عادية عاااااادية
ودقت علي
تخيلوا
تقول طيوب زعلانه علي ؟
قلت ليش ؟ :confused-
قلت على كذا وكذا قلت لا ياقلبي عادي ماقلتي شي
قالت تكفين لاتحطين بقلبك علي ترا والله مااتحمل زعلك اماااااانه سامحيني حتى لو كنتي من داخل زعلاااااانه والله صارت لي اشياء
خلتني اعرف قدرك
وانا :(
قلت ياقلبي مسموحة واحنا خوااااات
وزووووجي ههههههه:arb:
مرة زهقني بس معصب علي ولا يكلمني ولا يقعد معاي وانا بغربة
جته فترة قلب علي واحس يكرهني ويعاندني
ويدور المشاكل علي لاني مطنشه
اقول ماينلام يزهق من البيت ويطلع وعند اهلي اعذر له
واقول يطلعني ومستانسة حييييل والله العالم
ومرة كنت مريضة حييييل سخونه مع الدورة وعارفين كيف النفسية
وكان مايسأل عني
حتى انام لحالي علشان مابي المكيف ماجاني وقالي وش فيك وكذا وسكت عنه
طبعا هذا كله بدووون سبب !!!!!!
المهم سوا مشكله وعصب علي وقلت يااااارب سلط عليه احد يسوي فيه مثل مايسوي فيني :(
وهو يسمع
بعد ثلاث ايام نقلوه من كتيبته اللي مرتاح فيها الى كتيبة ثانية ورائدهم متشدد حييييل واخلاقة زفت وهو شويه ويصيح واصدقاءة يقولون دور واسطه هذا ماينقعد عنده
ودايم مشاااااااكل هو واياه ويقول اباخذ دوووورة علشان ماداوم عنده
كله من دعاويك علي ومعصب حيييل والله مت من الضحك على شكله
عاد كسر خاطري حيييييل وقلت الله يفرجها
وهذا موقف ثاني
وحده من زوجات حمواني ماادري ليش ماتعطيني وجه ههههه
سبحان الله مااواجها كثير بس حيييييل ماتعبرني واسولف معاها وعادي واضحكها بكسر الحاجز اللي بيننا >>> على بالي مستحية
المهم لاحظت هي متعمده وكذا تركتها
وانتوا عارفين انا متاخرة بالحمل عشر سنوات لما حملت توها حللت وجتنا طبعا باركنا لها وقعدت وتسولف وكذا واذا سولفت تقاطعني وتسولف مع خالتي عن الحمل وكذا انا ماحز بخاطري سواتها هذي
كثر جلستها والله يابنات معطيتني ظهرها وهي جالسة بجنبي الله يسامحها ولا كاني موجوده
انا سكت
وكنت انطر زوجي نبي نسافر مجهزه شناطي
المهم جا زوجي وقال يالله مشينا
ركبنا وتوسطنا الطريق ودق جوال زوجي ترن ترن
رد الا امه تقول ابشرك فلانه حامل وهي توها متزوجه
قال مبروك وهو منحرج
انا سكت ماسألته منو وليش لا والله سكت عادي
بس حنا عندنا عيب نبشر الرجال بالحمل اما الولاده عادي
وجلست شهر
ورجعنا لاهله ولا المرة ماتكلمني بالمررررررة وانا مستغربه
وقالت لي حماتي الثانية انها سقطت انصدمت حيييييييييل لاني دايما اكلم خالتي واسلم عليها وأسألها عنهم ماقالت لي
ويعلم الله مافي بقلبي شي عليها لا والله ماكرهتها ولا شي بس صج معاملتها لي غريبة
دع الخلق للخالق
ولاتتعبون نفوسكم بالتفكير تضايقتي اذكري الله وانسي خلاااااص
وتعبت
سبحان الله بس الحمل ماحملت وانا وااااااثقة مدام دعواتي تستجاب الا الحمل
خيرررررررررررة وربي ناوي لي الخير وانا عندي حسن ظن في ربي
الحمدلله
واخيرا
ان شاء وسعت صدوركم يارب
وتذكروا
لا يغير الله مابقوم حتى يغيروا مابأنفسهم
طيبتي خدعتني @tybty_khdaatny
عضوة نشيطة
يلزم عليك تسجيل الدخول أولًا لكتابة تعليق.
ماشاء الله تبارك الله الله يوفقك يارب وفعلا النيه الطيبه نادر الله يثبتك ولاتنسينا من دعائك لي ولزوجي واولاديماشاء الله تبارك الله الله يوفقك يارب وفعلا النيه الطيبه نادر الله يثبتك ولاتنسينا من دعائك لي...
الله يخليهم لك
ويرزقك برهم ياااارب
ويرزقك برهم ياااارب
آذكــآر
•
خشيت جو مع سواليفك
ربي يسعدك ياكريم وعلى بلسم كلامك
وربي تبشرينــآ بكل خيــر..
واقري سوره البقره والاستغفار خليك ملازمتـــه..
ولك دعوواتي يالطيبه
لاإله إلا انت سبحانك اني كنت من الظالمين
ربي يسعدك ياكريم وعلى بلسم كلامك
وربي تبشرينــآ بكل خيــر..
واقري سوره البقره والاستغفار خليك ملازمتـــه..
ولك دعوواتي يالطيبه
لاإله إلا انت سبحانك اني كنت من الظالمين
جزاك الله خير حبيبتي والله أني محتاجه من يدعمني ويقوي عزيمتي تكفين ادعي ان الله يفرج كربتي ويسر امري
الصفحة الأخيرة
وفعلا النيه الطيبه نادر الله يثبتك
ولاتنسينا من دعائك لي ولزوجي واولادي