سر البياض المفاجيء

كثير بنات يبحثون عن البياض واغلبهم تجرب منتجات كثيره وتدفع مبالغ وتعبي غرفتها منتجات كثيره من الصيدليه والعطار
ولمن ماتحصل نتيجه ترمي كل هالاشياء وتفقد الامل وتبحث هنا وهناك وتسأل فلانه وعلانه عن سبب تغيرها المفاجيء ولكن الصدمه الي دايم تتكرر مع اغلب البنات ان الجواب سر والمفروض محد يعرفه عشان لاتعطينها عين وتحسدينها عليه وهي مبسوطه وكاشخه وتتدلع وتتغنج امامك بهدف انها لازم تكون اجمل واحلى منك
المهم قد يكون السر امامك ولكنك لم تنتبهي له
انا من فضاوتي كتبت لكم الجواب وتاكدي ان مافي غير هالحلين وهم
لمن تشوفين بنت صارت بيضاء جدا جدا وانقلبت للون ناصع وبياض حلو اكيد سرها احد هذي الاشياء الي راح اذكرها لكم
اولا : اما كريمات تحتوي على كرتزون وكريمات تبييض من الصيدليه مع صابونه او صابونيه تفتيح >>> طبعا هالوصفه مضره تسبب ترقق البشره وماتقدرين تستمرين عليها طول عمرك وتعتبر مؤقته
ثانيا : وهو سر اغلب البنات والممثلات
في بنت هنا بالمنتدى ذكرت لكم السر وارجع اكرره لكم وانتم ابحثوا جيدا بانفسكم عنه
وهو ( كريمات تحتوي على الجلوتاثيون والاربوتين وصوابين الجلوتاثيون )
طبعا هذي المنتجات تحتاج منكم صبر وطول بال واستمرار وراح توصلون لبياض ناصع بإذن الله وهالمواد المبيضه غير ضاره ابدا
واغلب التاجرات الي يسون خلطات تبييض وتعمل لك كورسات وبوكسات بياض تحتوي على هذه المواد لانها آمنه
ايضا احب اقولكم اذا تبين تحافظين على النتيجه لزوم تستمري على هالمنتجات طول عمرك لان مافي شيء يخليك بيضاء للابد
يعني سوي لك برنامج ونظام تستمري عليه طول عمرك ولو قطعتيه راح يرجع لونك القديم الي كنتي عليه
هذا مختصر الموضوع كله والي تبي تسال عن كريمات ولوشنات تحتوي على هالمواد راح تحصلها في اغلب مواقع الانترنت للتسوق واسعارها حلوه بامكانك تشتري وتخلطي وتدهني منها وخصوصا المنتجات التايلندية
لان اغلب منتجاتهم تحتوي على هذه المواد وكلنا نشوف كيف التايلنديات شديدين السمار وبعد استعمال المنتجات صاروا شديدين البياض
هذا هو السر كشفته لكم واتمنى تبحثون اكثر واكثر وان شاء الله في بنات هنا معهم خبره في هذا الخصوص عشان تعطينا فكره عنه ونتعمق فيه اكثر واكثر
ايضا راح اذكر لكم ان حبوب التبييض هي ماتبييض فقط تعطي نضاره وبسرعه تروح وايضا ابر البياض خسارة فلوس وان كل مافي الامر هو كريمات ولوشنات وصوابين
واسالكم الدعاء لي ولكل من يحتاج الدعاء