سر الثقة بالنفس يا قموراتي 🙈🌸

صباحكم/ مساكم عسل وسكر ي حلوين 🙈🌸 ههههههه حسب شو التوقيت عندكم
طبعا انا جديده هون وحابه افيدكم واستفيد منكم
اول شي انا شوق ... بدرس هندسة من الاردن وعمري 22 عام من العطاء 😂😂😜 ف اليووووووم حابه احكيلكم عن سر خطييييير ازا عملتو يابنات بحلفلكم بالله انه رح تجيبي راس زوجك او خطيبك ويكون الك حضور مش طبيعي بأي مكان بتدخلي عليه 😌
طيب مستعدين هههههههه 😂 ؟
هههههه بدي حماس عشان احكي 😂
السر يا جماعة هو الثقةة الثقــــه بالنفس
طبعا رح تحكولي كيف يا شوق واحنا اصلا واثقين ومن لهحكي
طيب خليني افهمكم من تجربتي
انا كنت بفترة من حياتي شايفه حالي ومو مسدقه زي مابحكو ثقتي بالعلالي 😂 مرت علي فترة سنتين دخلت بحالة مزريه لظرف معين خلتني افقد الثقه بنفسي يعني ما بتتخيلو اديش كنت ضعيفه وما بطلع من البيت وبكره شكلي ومش متقبليتو ابدا ابدا
ولو كنت لابسه افخم فستان واحلى ميك اب وكزا ع الفاضي
بيوم حكيت خلااااص بكفي لهون شخصيتي صارت معدومه بالجامعه بالبيت بين العيله والاهل
فقررت اتعلم شوي شوي شو يلي ناقصني وشو لازم اغير
وهيني بحكيلكم يبنات اهم شي تحطي نية صادقه بينك وبين حالك انك بدك تتغيري هاا 👌🏻
ف طبعا ما خليت مصدر وكتب وفيديوهات
هلا يجماعة والله ما بتسدقو
انا لما بمشي بالشارع او بدخل بمكان الناس بس بتطلع علي يعني ما بتتخيلو صااااااااااافنين 😂😂😌
وانا طبعا ما عم بتفاخر انا بحكيلكم اديش تأثير الثقه بالنفس قوي 👌🏻💯
طبعا الحمدلله الحمدلله كانت جوانب حياتي ال 7 مضروبه .. جانب الاهل والعيله والجانب الصحي والجانب الاجتماعي ... بشرحلكم عنها المرات الجايه
بس مع التغيير والله لو بحلفلكم ما بتسدقووووو صبايا
كل حياتي امورها فله فله بيرفكتو هههههه 👌🏻😘
عاطفيا صحيا اجتماعيا نفسيا
كلو يا صار متل مابدي يا اما عم بتغير بشكل تدريجي خراااااافي
يعني يا بنات تخيلو حتى بابا مبسوووط مني
بحكي لماما والله شوق قويه 🤣🤣🤣
حتى عندو كلامي مستجاب
يييي ولو احكيلكم عن اي طلب او حلم بتمناه بتحقق مافي اسبوع اسبوعين بس بطلب اشي من ربنا ولا بتمنى اشي ... كل الاموربتتيسر لحالها
طبعا هاد قانون الجذب بشتغل عليه بحكيلكم عنه مرات جاي ان شاء الله 🥰
هلا خلينا بالمهم
كيف نكون واثقين بحالنا يا شوق
اااه اسمعو هلا كل حدا فينا فيه حواليه هالة ما بشوفها
هلا هاي الهاله بتبين المشاعر يلي جواتنا
كيف يعني
يعني بتعكس المشاعر اللي جواتك
لنفرض انتي بمكان ومن جواتك حاسه بشعور انو فستانك مو حلوو
هاد الشعور رح يبين للناس وتلقائيا رح يشوفوكي ضعيفه واحنا مابدنا هالشي 🤦🏻‍♀️ رح تحكولي يا شوق طب ازا فعلا شكلنا مو حلو كيف بدنا نوثق بحالنا ... اسمعو اعطيكم مثال .. مو احيانا بتشوفي بنت لنحكي جمالها عادي مقبول بس زوجها شايفها ومو مسدق ؟
او حتى بس بتمشي بتحكو هاي برستيج والكل بخاف منها ؟؟؟
اييييون بزبط هاد هو الثقه بالنفس 😌😌👌🏻
طبعا كتبت كتير وبما انه هاد اول موضوع الي رح اختصر الحكي
ف الثقه بالنفس بتيجي من التدريب والتعليم يعني شي ممكن تكتسبيه وتتعلميه
رح ياخد منك شوية وقت وخطوات بحكيلكم عنها المره الجايه
بس لهلا رح اعطيكي نصيحه صغيره هلقد 🤣🤏🏻
Fake it till you make it
يعني تصنعي انك واثقه بحالك لحتى تصيري عن حق بتوثقي بحالك وشايفه حالك كويييين يا ملكات انتو 😌😍👑

بحبكم كتييير وان شاء الله تكونو استفدتو لو شوي صغيره 😂 وتعرفتو علي
ازا عجبكم الموضوع احكولي عشان اكمللكم الموضوع ♥️♥️
ممنوع السرقه 😜😂😂