بعطيكم طريقه لعمل دجاج ان شاء الله تعجبكم
اولا بقول لكم طريقه
تنظيف الدجاج
لما يجينى الدجاج اغسل الدجاج وافتحها من النص بس مع الظهر وليس من الصدر زي المعتاد
لان شكل الدجاجه وهى مفروشه فى الصحن يكون اجمل اذا كان القص من الظهر
الصوره تقرب الفكره
ثاني شي وهو الاهم انك اذا مانظفتى الدجاج زين مهما كنتى بارعه فى الطبخ مارح يفيد اهم شي شيلت الزفره
طبعا نوعيه الدجاج مهمه لانها لها دور كبير اشتري كم نوع وجربي واختاري الافضل
الحين بقول لك طريقه سهله لشيله الزفره
اعملي الخلطه التاليه وخليها فى صندوق عندك وكل مره يكون عندك دجاج طلعيها
الخلطه هى(كاس طحين قمح +كاس ملح ناعم+ملعقتين بيكن صوده)
بعد ما تقطعي الدجاج بالطريقه الى ترغبين حطيها فى طشت تحت الصنبور وطبي عليها الماء بغزاره
ثم صفيها من الماء واتركيها فى الطشت وكبي عليها من الخلطه السابقه مع كاس خل وركزي على تحت الجنحان وبين الفخذ والصدر وحتى بين الجلد
واللحم
وبعدين خليها مده نصف ساعه على الاقل الى ساعه
بعدها اغسلي الدجاج من الخلطه ونشفيه فى مصفايه وبعدها كيسيه على كيفك
نجي الحين لطريقه الطبخ
اخذ الدجاجه واغسلها واحطها فى طاوه او قدر تيفال بعد مااحمي القدر زين احط قطع الدجاج
وابتدي اقلب فيه بدون زيت والنار تكون عاليه لانى ماابيها تطلع مويه الدجاج ابيه يتحمر ويتكرمل الجلد
فى هذا الوقت اكون مجهزه خلطه من (بصل مقطع +ثوم (ليس مقطع مضروب بمطرقه لانه اطعم والتجربه خير برهان)
فليفله (حبحر بارد او حار على حسب الرغبه) +ملعقتين بقدونس (ممكن استخدام سيقان البقدونس وليس شرط الورق )
شوي فلفل وملح ملعقه سماق كبير وبهاراتك المعتاده
بعد ماتكون تحمرت معظم الدجاجه نضيف الخلطه السابقه ونحركها علشان تتخلل قطع الدجاج
وبعدها اصب عليها فنجال زيت زيتون واقلبها شوى وعلى طول اقصدر القدر بدون ماء واقصر على النار واخليها قريب الساعه
على نار هاديه بس تاكدي ان الدجاج يطبخ بهدوءوليس خامد
يمكن احد يقول ليش زيت زيتون اقول لانه يشيل اي زفره باقيه فى اللحم والدجاج
بعد الساعه لا تفتحين القصدير مره وحده والدجاج حامي لانه يقلل من ليونته افتحي على جنب القصدير فتحه تكفي فقط خروج المرقه الزايده طلعي المرقه كلها وبحذر حطي ملعقه زبده فى القدر
وسكري عليه الى ان ياتى وقت الغرف شغلي النار على الدجاج وخليه يتحمر بالزبده
وبالهنا تمتعي باطعم دجاج
الصور من النت والموضوع تجربه شخصيه والنقل مسموح
دمتم بصحه وسعاده يارب