بصراحه كنت متردده أكتب هالموضوع لاني قبل كتبته ومالقيت ردود حلوه
والمشاهدات أكثر من الردود
غير اللي تنصح وتحذر
مع أن خلطتي مافيها شي مضر
بس أتوكلت على الله وقلت خليني أنزلها مره ثانيه
خصوصا أن الاجازه قربت وكثير محتاجينها وكثير يعرفوها بس مترددين
والله يابنات أن هالخلطه فادتني كثير
وهالمنتدى أستفدت منه وحابه أفيدكم
أتمنى بس منكم تدعولي وترفعو الموضوع وبدون تجريح واللي يناسبني ممكن يناسب غيري وممكن لا
بس أنا كاتبه تجربتي وبالتفصيل الممل" والله شاهد علي"
اللي مافادتها ترى البشرات تختلف لاتجي وحده تدعي علي
الخلطه:
(الدوكين فور / رتين أي / الكوم / أفالون)
تخلط. كلها وبنفس المقادير .وتوضع في الثلاجه
وممكن أذاحابه ماتخلطيها
تستخدم في الليل وتغسلي وجهك بأي صابونه تناسبك
توضع في أي مكان بالجسم
انا أحطه بس في وجهي لان جسمي فاتح
بس أخواتي يحطوها في الابط والمناطق الحساسه وفتحتهم
لوني حنطي فاتح ومع الخلطه صرت بيضا
نوع بشرتي دهنيه تقشرت أول 3 أيام وبعدين عادي
والله ان بشرتي صارت بيضا وكلها نضاره على لمعه الكل يسألني وش حاطه "ماشاء الله"
ملاحظه: ماتنفع للحامل
تستخدم شهرين متواصله بس لازم وضروري تتركيها
بالتدريج
بالتدريج
بالتدريج
أنا أتركها فتره وأرجعلها والحمدلله مايتغير لوني الاشي بسيط
سعرها كامله ب 120 ريال
أنا كتبتها لكم بالتفصيل عشان لحد يسألني ووضحت كل شي
لان أخاف أنشغل وما أقدر أرد عالكل
أتمنى يابنات بس الاقي دعوه حلوه
والله أني مره محتاجه لدعواتكم ومحتاجه رد حلو يفرح قلبي حدي مهمومه وضايقه فيني الدنيا الله كريم
وهذي الصور
