السلام عليكم
كيفكم حبايب قلبي
حبيت افيدكم اليوم ببرنامج للشعر التالف مثل ماكنت استفيد منكم
اولا كان عندي شعر تالف لعبت فيه لعب من صبغات الى عشبة الفرد الى حنا الى قصات المهم اني اعدمته كانت تتفاعل الصبغات مع الحنا فانعدم وتلف وصارت كل شعره طايرة وحدها وكثر التساقط بشكل مخيف المهم وصل لمرحلة سيئه
فقررت اهتموفيه طبعا كنت ابغى اوقف التساقط واطوله وارجع له حيويته اما النعومه فعادي لان شعري مو خشن كان وسط مموج وفيه نفشه طبعا
المهم قلبت وقريت عن الخلطات والزيوت وكذا وقررت ارجع لخلطاتي ايام المتوسط والثانوي فاشتريت زيت الكمال عاد ارتفع سعره عن اول وكمان بدات في خلطة الجرجير وكانت النتيجة روعه
طبعا طريقتي
ثلاث مرات او مرتين في الاسبوع ادهن شعري بزيت الكمال طبعا من صلاة العشاء ولا اغسله الا اليوم الثاني بعد صلاة الظهر
ويوم واحد في الاسبوع اخلط جرجير
مع حبة بيضه
مع شوي زيت زيتون من الاصلي
واحطه ماسك لشعري من ساعتين الى ثلاث ساعات
طبعا ما اطول عليكم كانت النتيجه مبهرة لي وللي حولي اقسم لكم بالله انه خف التساقط الى ماصار يطيح الا شعرة وحده وزادت لمعة شعري وطال والاهم من ذلك انه صار مفرود وكانه مستشور سيراميك او كاني مسوية كيراتين صار ناعم مره وحيوي وراحت النفشة وصارت نفس الشعرة سميكة يعني بالقوة اقطع الشعرة الحمد لله قولوا ماشاء الله
حبيت افيدكم وان شاء الله انا في خدمتكم عن استفساراتكم واعذروني على الاطاله
واللي يعجبها موضوعي وتستفيد منه تدعي لي ان الله يفرج كربتي وهمومي ويجمعني بولدي
والسلام عليكم ورحمة الله ملاحظة بخري شعرك واسخدمي المخمرية عشان ريحة البيض
وممكن تستبدلين البيض بالزبادي علبة وحدة بالتناوب بينهم او تستغنينةعن البيض بالزبادي اختي حطت زبادي وانا حطيت بيض