سر جمال شعري بعد معانات لسنوات طويله صورة شعري بالداخل

البرنامج يتكون من زيت وحنا ضروري تلتزمون فيه بدون زياده او نقصان للعلم البرنامج شوي مكلف بس فعلن نتايجه سحر انا اخلي بنات خالاتي وعمي يدفعون معاي واسويه لنا عشان مايكلفني نبدا بسم الله
.
.
مكونات الزيت ❤️
..
زيت الإبراهيمي الهندي -زيت النخيل الاحمر -زيت ويلد قروث الافريقي -زيت الخردل الباكستاني -زيت الجرجير الباكستاني -زيت الخروع الافريقي -زيت الصبار الباكستاني -زيت السمسم -زيت الأرقان المغربي ضروري يكون اصلي ماينفع تاخذينه من العطارين -زيت جوز الهند انا اسويه بنفسي يهبل افضل من الجاهز تلاقون طريقته فاليوتوب -زيت كوماريكا السيرلانكي عجيب ذا الزيت صديقتي تجيبه لي عن طريق شغالتهم يطول وينعم اذا مالقيتوه ممكن تحذفونه -زيت البابايا -زيت القرع -زيت البندق -خلاصة البايوتين -زيت الشيا-زيت اللبان الذكر -زيت الصويا -زيت الميكاديميا-اثمد ممتاز لتنبيت
..
الاعشاب مع الزيت ❤️
قراص -ذيل الحصان -شيكاكاي -ابراهيمي -شعير محموس - -املا -قشر رمان -زعتر بري -نواة التمر محموسه -نيم -ورق التوت -ورق الزيتون -عشبة الزاز المغربيه -قهوه عربيه -بذور السفرجل
..
الطريقه ❤️
تخلطين مقدار فنجال من كل الزيوت + ملعقتين من كل الاعشاب مطحونه + 10 نقاط خلاصة البايوتين انقعيها اسبوع وبعدها أبدي استخدميها 3 مرات فالاسبوع لمده 4 ساعات واغسلي شعرك بالشامبو اللي يناسبك لاتخافون راح انزلكم كل شيء استخدمه لحد يرد بنزلكم طريقة الحنا

مكونات الحنا جدا سهله نحتاج حاجتين فقط
الحنا اليمني الاصلي ضروري تكون اصليه
والسر الثاني هذي العشبه خيال يابنات هي مشهوره عند اهل الجنوب فقط ماتنباع عند العطارين العشبه تفرد وتكثف واطول الشعر وتوقف التساقط اسمها القشفه يسوونها الحريم الكبار العشبه كثير يغشون فيها بسبب صعوبة طريقتها خذوها من الحريم الكبار الثقه انا تسويها لي خالة صديقتي
الطريقه
تعجنون الحنا بماء دافي ثم تضيفون لها القشفه ملعقتين وترا ريحتها تجنن 😍 وتخلينها على شعرك خمس ساعات مره او مرتين فالاسبوع
.
.
.
.
هاذا البرنامج يابنات كامل بقولكم فوايده اللي لاحظتها علي وعلى قريباتي
1 التساقط يوقف
2 من الشهر الاول بتلاحظين الشعر ينبت
3 خلال ثلاث شهور يطول بشكل ملحوظ حتى لو شعرك مايطول وهالشيء مشاء الله على نفسي شفته ماعمره وصل شعري لذا الطول
4 يعالج التلف والشعر المحروق والمتقصف
يفرد الشعر ويكثف بس استمرو وادعولي اذا استفدتو ان شاء الله انزلكم الفيتامينات والشامبو اللي استخدمه وبرنامجي اليومي

اما شريت حنا الشعر الطببعيه من عشبه . وباقي للان ما جربته لان لازم يجلس ع الشعر ٢٤ ساعه وبعدها تغسلينه وتحطين زيت ساعتين وبعدها تغسلينه فاستثقلت الشغلة . الله ييسرلي واسويه

ماشاءالله تبارك الله لكن احسه مكلف جدا وصعب كم كلفتك الزيوت ومن وين وعشبه الزاز من وين جبتيها

المكونات صح صعبه وتكلف بس النتايج روعه على كثر ماجربت خلطات مجاب معاي نتيجه غير هذي وعشبة الزاز اخذها من التاجرات المغربيات