حبيبتي وسام ممكن تكتبيلي عنوان المحل بالكامل وسعر الزيوت ورقم المحل ما عليج امر اختي

اهلين حبيبتي عفريتة :27:
ياربي يخليكي ياعسل
عشان اكون امينة معاكي انا بصراحة ما كان عندي فكرة عن الزيوت الطبيعية كتير بس من بعد ما جربتها بدأ عالم الزيوت العطرية يشدني كتير و صرت أقرا عنها و اسوي بحث في المواقع و لقيت حاجات حلوة
عندك مثلا العرعر ينشط الدوره الدموية وينقي الدم
خشب الصندل مطهر قوي وينفع ايضا في التخلص من الخمول
المسك يساعد على توازن انفعالات الجسم والنفس وتقدري تاخدي نسب متساوية من المسك والصندل ايضا لعلاج الصداع وهذي انا جربتها مجرد نقط بسيطة على الصدغين و الجبين و تدليك خفيف واسترخاء .. نتجية خيالية في اقل من ربع ساعة تلاقي نفسك في حالة رائعة
اكليل الجبل لآلام العضلات و ينشط الدورة الدموية و ممكن تاخدي نقطتين مع الشامبو و تغسلي شعرك عشان ينشط الدورة الدموية في فروة الراس وبالتالي النتيجة تظهر على الشعر ..
زيت الورد ينفع في علاج البشرة الجافة تضاف نقاط على الماسك المناسب للبشرة الجافة مثلا و يوضع بطريقة عادية على البشرة ..
اللافاندر او الخزامى ممتاز لحالات الأرق والإجهاد بس ينصح بعدم استعماله بكثرة لأنه يؤثر على الذاكرة و يضعفها ..
وعلى فكرة انتبهي لنوعية زيت الخزامى لازم يكون لونها اخضر... لو لونه ابيض لا تاخديه لأنه مش خزامى خالصة تمام...
المسك بالمثل لازم يكون لونه أبيض ولو شفتي لونه مايل للاصفر لا تاخديه ..
انا شخصيا استخدم زيت اللافاندر او الخزامي على فترات متباعدة اضيف نقاط لحوض الاستحمام و استرخي لمدة نص ساعة بالكثير ... رااااااائع جدا للإجهاد وحالات القلق والاحباط .... باختصار يحسن نفسيتك بشكل ملحوظ .. وممكن يستخدم لعمل مساج للعضلات بس طبعا لازم وحدة اخصائية في المساج تسويه ..:27:


عزيزتي السّــلم .. تسلمي لي حبيبتي
بالنسبة لمكان وجود هذي الزيوت في الامارات ماعندي فكرة بصراحة بس جربي شوفي محلات العناية بالجسم زي بودي شوب ونكتار .. مع اني اخاف تكون الزيوت ماهي طبيعية 100% والله اعلم

واي سؤال انا حاضرة عيوني ويارب اكون افدتك ياعفريتة انتي و السّــلم ويارب دايما تكونوا أجمل و أجمل :26:

honey_lipes عيوني الف شكر ياغالية :26:
================
مسقطية عيوني وجودك اروع ياذوق تسلمي لي :26:
يارب تلاقي الزيوت الصحيحة في محلات العناية بالجسم
بس زي ماقلت للأخوات الخوف انها تكون مغشوشة
لأن غالبا الناس ماعندها خبرة في اشكال الزيوت الأصلية .. فحكاية الغشش واردة بصراحة خصوصا ان الزيوت الأصلية سعرها عالي شوية .. فرصة يضحكوا على الناس الله يستر علينا منهم
عموما اتمنى تلاقي الزيوت و تستفيدي منها عزيزتي الغالية :27:
======================
السّـــلم حبيبتي انا فاكرة ان المحل كان في منطقة الهرم بس فين بالضبط ما ادري
و للاسف ماعندي رقمهم بس لو سألتي اي احد في منطقة الهرم قريب من مسرح عادل امام عن معرض صناعة الزجاج والزيوت العطرية الطبيعية اكيد حيدلوكي عليه لانه معروف وانا اللي دلني عليه سواق تبع شركة تأجير سيارات في هيلتون رمسيس .. والله لولا الله ثم السواق اللي كنا معانا ماكان عرفت عن المكان دا حاجة بالمرة ..
ياريت كنت اقدر افيدك اكتر وعموما انا بدور في الأوراق عندي يمكن الاقي الفاتورة تبع المعرض لأنه قال لي لو مانفعتك الزيوت رجعيها حتى لو باقي منها ربع القزازة وانا ارجع لك فلوسك ..يمكن الاقي الفاتورة قولي يارب :27:

======


أختكم / وســـــام:26:

وسام انا اعرف انو الصندل الاصلي يكون من حضرموت وانا الحمدلله عندي

اهلين عديلة نورتيني:27:
ما ادري والله بس اللي اعرفه انه الصندل الاصلي بيجي من الهند على ما أعتقد :27:
عموما لو كان عندك زيييت الصندل الأصلي بدون اضافات عطور اخرى زي دهن العود .. كويس خير وبركة .. حاولي تدبري زيت عنبر واخلطيهم بنسب متساوية بالضبط و توكلي على الله وجربي المساج و ادعي لي:26: