سمو العنود @smo_alaanod
عضوة فعالة
سر دعا ( رب اني لما انزلت الي من خير فقير )
ازيكو يا احلى فتوكات
حبيت انهاردة احكي عن تجربتي اللي بدأت من هنا من فتكات سبحان الله المنتدى دة له تأثير كبير في حياتي ربنا يجازيكو كل الخير والحمد لله كله تأثير ايجابي
حكايتي بدأت لما قريت موضوع لفتوكة ربنا يكرمها يا رب ويجازيها الفردوس الاعلى كانت كاتبة موضوع عن دعاء (رَبّ إِنِّي لِمَا أَنْزَلْت إِلَيَّ مِنْ خَيْر فَقِير) وانها كانت بتداوم عليه مع الاستغفار وربنا كرمها بالزواج فقولت لنفسي انا هعمل كدة واتوكل على الله مع العلم ان كان في ظروف صعبة جدا في حياتي واسرتي يمكن كان معاها شبه مستحيل ان اتجوز والله زي ما بقولكو كدة لدرجة ان في ناس كتير مقربين لينا كانوا على معرفة بالمشاكل اللي في اسرتي وكانوا فاقدين الامل اني ممكن اتجوز في يوم من الايام.
عشان مش اطول عليكو في الكلام انا كنت عزمت النية على المداومة على الاستغفار والدعاء بالدعاء الجميل دة ((رَبّ إِنِّي لِمَا أَنْزَلْت إِلَيَّ مِنْ خَيْر فَقِير)) عشان ربنا يرزقني بالزوج الصالح وكمان كنت بدعي بعدها بالموصفات اللي انا عايزها سبحانك يا رب يا كريم عدى شهرين وجالي عريس ومش هتصدقوا لو قولتلكو اني في خلال تلات شهور كنت اتخطبت واتطتب كتابي واتجوزت وسافرت معاه كمان سبحان الله الكريم والله العظيم كله كان بتساهيل ربنا والامور كانت ميسرة لدرجة اني كنت مش مصدقة نفسي ومفكرة اني بحلم وكل المشاكل المعقدة اتحلت اللي عجزنا عن حلها وناس كتير مقربة لينا بس طبعا ربنا سبحانه يقول كن فيكون
انا عارفة ان في كذا موضوع في المنتدى عن تجارب فتوكات كتير مع الدعاء دة والاستغفار وقصص كتير عن جوازهم بالشكل دة وانا انهاردة بحكي حكايتي مع الدعاء الجميل دة عشان اكد عليكو ان ربنا كريم وان مفيش حاجة مستحيلة ربنا عنده كتير بالمداومة على الاستغفار والدعاء الجميل دة ربنا بيرزقك باللي انتي عايزاه بس خلي عندك ثقة ويقين في ربنا وعلى فكرة مش شرط جواز بس اي حاجة انتي عايزاها ربنا هيرزقك بيها دة ربنا كريم قوي ورحيم قوي بس احنا ندعي ونستغفر
ارجو انكو تكونوا استفدتوا من كلامي وحكايتي وافكركوا بالاستغفار وبالدعاء
نقلا عن العضوة فرشة الوان من فتكات جزاها الله خير
9
40K
يلزم عليك تسجيل الدخول أولًا لكتابة تعليق.
زائرة
•
جزاك الله خير
الصفحة الأخيرة