كلامكم صحيح بنات المطبخ العربي عمومآ اكلاته صحية ومتنوعة وما نفخ الناس الا هالأكلات الدخيلة علينا اللي المفروض نقاطعها
ومشكورة صاحبة الموضوع

الف شكر للجميع علي المرور بس علشان تعرفون انه قديمك نديمك لو البيتز والشبس اغراك

ههههههههههههههههههه
يحليلكم حتى الجدات ما سلمو مننا

قبل الجدات يتحركون
واكلهم صحي

مو نفس حالاتنا!!!!!!!

يمكن كثيرين يقولون عليّ مجنونه ..!! و كثيرين يقولون أني معقدة و مكبرتها ..

لكني شفت من المرض كفايتي .. وش فادتني هالحياة المعقدة ...؟؟ الا الضغط و رجفان القلب و النقرس جاني ..... و انا قبل العشرين ..!!


احيان اتمنى لوني ارجع ايام زمان .. ما أعرف من الزينه غير الكحل و الخضاب و العود

و أقوم الصبح أطلع من بيتي الطيني على وجه المزرعه و أتنفس الهوا اللي ريحته بريحة الزرع و الندى

حتى الأكل اعرف من سواه و اعرف من خبزة .. واعرف اسمه !!!


الحمدلله .. ربي قدرني اني انولد بهالزمان ..!!

جاتنا امراض تخوف اولها السمنه و آخرها ... سلاما قولا من رب رحيم .. مانعرف أساميها حتى ..!!


اليابان سوت كذا ورجعت كثير من قراها كذا .. واعتقد صاروا يألفون كتب عن هالموضوع اذكر قريت كتاب .. اللي اذكرة يقولون من الصحه ان البيت فيه مبني بمواد طبيعية ( بيوت اليابانيين مصنوعه من خشب الأرز و أبوابهم من نوع من انواع الورق القوية ) ,,,, و يقولون بعد ما يصلح النوم وجنبك جهاز الكتروني واحد ( وهم اهل الالكترونيات ) و غيره و غيره ..




و عشان تدرون ان جداتنا حياتهم و صحتهم أحسن منا أقولكم هالقصة و تحملوني على طولها ..

وحدة اثق بها قالت لي انها هي و امها كانوا يسولفون و امها تطنزت عليها ليش ماعندها الا خمس عيال بس

قالت لها يمه ترى شوي و آصل مثلك .. انتي جايبه ثمانيه

تدرون الجدة وش ردت ..؟؟ قالت لها يا بنيتي من أول مافيه تطعيم مثل الحين .. ومن أول اللي يجيه الجدري يموت ... هالثمانيه اخيوتك الله يحفظهم هم اللي عاشوا الباقين ماتوا ..

قالت يمه أجل كم جبتي ..؟؟ قالت : جبت 22 بطن .!( يعني حملت 22 مرة ..!!)

لوني ما اعرف هالمرة صدق لأنها من أقاربي و أقدرأسأل عن صحة كلامها .. ولا كان قلت أكبر كذابة ..!!


الحرمة عمرها 57سنة و شعرها اسوووووود و بشرتها صافية و جسمها حلو و ما تعرف الخدم أبدا و صحتها تمام و تعرف تقرا القرآن و ذاكرتها قوية و أسنانها بيضا و عيونها قوية لا تلبس نظارات ولا شي وهي بنفسها تذبح الذبيحه و تطبخها

و ماتت الله يرحمها من خطأ طبي كان الدكتور يحسب ان بها تليف بالكبد وهي مابها الا مغص عادي ...وارتكب غلطه ضيعت عمرها .. الحمدلله بس ..





عاد وروني من راعيات الباشميل و الهمبرجر و المسقعه المليانه زيت للي الحين تقدر تجيب22 مرة ..!! أربع و يجيها فتق بظهرها ..!! بس كل شوي اكلة جديدة من برى و يحسبون انها صحية و هي تجيب المرض ..!! بس ضعيفة تبي ترضي الحموله .. وهم و الجدار اللي وراك واحد :angry2:



خخخخخخخخخخ طلعت كل اللي بقلبي ..!!!:42: يالله عاد حنا تقريبا راحت علينا بأنتبه لعياااااااالي يارب بس اقدر احافظ على صحتهم

والله هالكل اللي من برى سممنا و مرضنا