سر لقيماتي المكوره بطريقه سهله جدا

السلام عليكم
مرحبا صبايااات..

حبيت انزل طريقتي للقيماات دايما بنسأل عليها كيف بتطلع معاي مكوره وبيفكروني استخدمت آله

الخلطه انا مابعتمد مقادير واحد بكب و بس يعني عادي انتي خليك عالمقادير الي انتي دايما تسويها او الجاهز لكن العجينه لا تخليها لا لينه كثير و لا جامده تخليها
وسط بحيث تقدري تشكلي فيها اللقيمات جوى ايدك

المقادير الاساسيه دقيق كويتي نشاء حليب بودره ملح سكر خميره و مويا

بعد ماتخميره ل ساعه

وتكوني سخنتي الزيت ع درجه لا ساخنه جدا و لا واطيه

تجي تغسلي ايدك و تخليها مبلله و تاخذي براحة ايدك كميه بسيطه راح تكون ايدك زي القمع

و تضغطي راحتك بحيث تخلي فتحه بسيطه بين اصبعك الابهام و السبابه يسمح بخروج كميه صغيره من بينهم بتطلع معاك كميه مناسبه مكوره هنا سكري الفتحه كانك تقصي العجينه او تفصليها عن الي جوى
وتكوني مقربه ايدك من الزيت مو من بعيد حتى ما يجي عليك الزيت

هنا شكلهم وهم بلزيت و بعد التحضير و بلعافيه دعواتكم ..