سر من أسرارك واحتسبي الأجر 🌱❤️

صباح الخير 🌧️🌱

مزاجي اليوم اكتب موضوع يفيدنا جميعا ممكن نستفيد من اي فكره لو كانت بسيطه واحتسبو الأجر فيما تكتبون ❤️

كل وحده فينا تكتب سر من أسرارها في جوانب الحياه المختلفه عائد عليها بالفائده والنفع 😍..
وطبعا انا ببدا اولا..

مع الاولاد سري هو الدعاء🤲🏼❤️..


ولدي الصغير حتى ثلاث سنوات كان مايقول ولا كلمه تخيلو حتى ماما وبابا 😭
كنت خايفه عليه جدا وزوجي كان رافض نوديه لأي أخصائي يقول طبيعي بس قلبي حارقني، فانكببت ع الدعاء قلت اللهم يامنطقاً عيسى في المهد انطق ولدي..

الدعاء كان كل رمضان وهو بعمر السنتين وسبحان تحقق الدعاء قبل رمضان الثاني باسبوعين اي تقريبا لما أتم الثلاث سنوات بدا ولدي يقول كلمات،
والله قعدت ابكي من الفرحه والان الحمدالله بفضل من الله تحسن ولدي كثير وصار يتكلم بشكل مفهوم جدا يارب لك الحمد ❤️❤️

الدعاء ياامهات🤲🏼❤️


سري الثاني هو شرب الماء 🌧️


جربي اسبوعين او ثلاثه أسابيع تتضلعين من المويا، انا كنت لما اقوم لصلاة الفجر أشرب كاستين كبيره، بعدها انام للساعه عشره الصباح واول ماتقوم من النوم اشرب كاستين برضو..

واشرب اربع كاسات على باقي اليوم..

والله وجهي نور جدا كأني مقشرته ومستخدمه كريمات..
بس نحتاج استمرار 👍🏼❤️


سري الثالث في بيتي🏡..


كنت زمان أهمل شوي في تنظيم البيت النتيجه اكتئاب وضيق نفس وعصبيه..


اتبعت اسلوب وهو اني قبل ماانام انظف البيت كامل وانظمه واكنس ومااخلي في المجلى اي شي بالاضافه لتعطير البيت بالفواحات...


النتيجه اقوم الصباح بنفسيه مرتاحه وراح الضيق والكآبه..


سري في العبادات🌱..


جربو يابنات التسبيح في الصباح بعد الفجر على طول، مع اخذ ورد من القرآن..


والله يومك يمر براحه وسهوله ماتتخيلينها، التسبيح الصباح ووقت الغروب ذُكر في القرآن في أكثر من موضع، ومافي شي يذكره القرآن الا وله هدف ومعنى، فسبحي وقت الفجر ووقت الغروب وشوفي يومك وايجابيتك وراحتك النفسيه..


وانتي تسبحين احتسبيها لوجه الله واخلصي النيه وان شاء بتشوفون الخير الكثير..


يلا يابنات طولت عليكم، اعطونا من أسرارك واحتسبو الأجر حبيباتي 🌱