السلام عليكم ورحمة الله وبركاته
كيفكم ياعسولات
في البدايه اشكر المشرفات على الدعوه وهذا شرف لي
بالنسبه لموضوعي هو عن حب الشباب اللي اكثرنا عناني منه ومن المشاكل اللي تجي من وراه من الاثار والحفر واللون الغامق وبنزل الصوره ويارب ويارب تضبط هالمره وماتفشلني مثل دايمواروح ادور صور بالمنتديات وانسخها قولوا امين :(
مدة العلاج: الحبوب شهر الاثار تقريبا خلال اسبوعين
نوع الكريمات: طبيه
المشكله: حب شباب عميييييييق + اللون الغامق من اثار حب الشباب + حفر خفيفه على الخدين
اسماء الكريمات:اكيراتين لحب الشباب من شركة جمجوم+كيناكومب
الصابونه المستخدمه: الكبريت
سعر الطلبات:كينا كومب 18+اكيراتين18+صابونة الكبريت 5 او 10 ناسيه بالضبط بس اهم شي ماتزيد عن 10
060520111506
انا عانيت من الحبوب في البدايه لما كانت تطلع حبه حبتين كنت عادي امسح وجهي بمر وبماي ورد لكن جتني فتره الحبوب زادت عن معدلها الطبيعي يعني ماصارت حبوب وجهي متروس وصرت بهم الحبوب وبهم النفسيه اللي صارت زفت الله يكرمكم كل ماقابلت احد قال وجهك شفيه لانهاكانت ملفته لنظر وصرت دايم انزل الشعر على وجهي عشان يخفف شوي من المنظر
لا وكله كوم وهاللي يصنفون حالتك سبحان الله بقدرة قادر حسيت ان كل اللي اقابلهم دكاتره واطباء اللي يقول دمامل واللي يقول لا هذي مب حبوب هذا مودري شنو كل شوي مطلعلي اسم ومرض بسم الله علي:eek:
المهم رحت بالبدايه لمستشفى حكومي صرفوا لي اكراتين قلت ايه ماعندهم سالفه تعرفون البطره الزايده ونقول مستشفى حكومي ماعنده سالفه المهم رديت البيت وسويت بحث بالشيخ قوقل وحصلت الاغلبيه يمدحون لكن يقلون علاج مؤقت يعني اذا تركتيه يرجع حب الشباب مثل اول وبصراحه تحطمت بقوه وزعلت وقطيت الكريم بالدرج ولااستخدمته وعقب فتره انتصر علي شيطاني:30:و رميته الله لايعاقبني المهم كنت اروح لهالصدليات واخذ من هالغسولات والكريمات ولافيه فايده رحت لمستوصفات وعيادات خاصه ولافيه امل نفس الشي استنزاف فلوس على الفاضي المهم رحت بالاخير لمستفى ثاني حكومي وسبحان الله صرفوا لي نفس الكريم اللي صرفته لي الدكتوره ولا استخدمته ((اكيراتين )) ورديت البيت وهالمره كنت اقوى من شيطاني:42:
المهم صرفلي الدكتور هالكريم وقال استخدميه على الحبه فقط وحطه قبل النوم بفتره يعني حق ساعتين وجذي عشان ماتنامين وتتقلبين ويسيح على باقي وجهك ويقشر المناطق اللي مافيها شي قلت ابشر طال عمرك *_*
وعطاني حبوب نسيت اسمها والله وقال اكليها مرتين باليوم يوميا طول ماانا مستمره على الكريم المهم جلست تقريبا اسبوعين الا شوي على هالكريم والط بهالحبوب ورديت له مره ثانيه لانه معطينيني موعد وقال هالمره بغير الكريم بعطيك اقوى وتراه بيحرقك اكثر هو نفس اكيراتين لكن نوع ثاني اقوى ((للامانه يابنات نسيت حاليا اي واحد عطاني استخدمته بالبدايه بس انتم اذا رحتوا لصيدليه جيبوا الاثنين واللي قوة تركيزه اقل استخدموه بالبدايه ثم استخدموا الاقوى لان واحد لونه اخضر والثاني لونه يعطيك لون بنفسجي على ازرق ملكي))
ومو مثل تجارب البنات اللي قالوا تركناه ورجعت لا الحمدلله ناسبني تركته ولا رجعت والحين عندي بالبيت استخدمته لماتطلع حبه منيه والامناك وطبعا استخدمه مرتين باليوم
المهم يابنات الحمد لله خلال اقل من شهر الحبوب راحت تماما لكن بقى مشكلة الاثار في بعض المناطق والحفر
وكنت كل مره اروح لدكتور اقوله الاثار ابيها تروح ويقولي يابنتي خلينا بالحبوب دلؤتي بعدين نشوف مشكلة الاثار :22:
والقهر ومن قرادة الحظ انه راح لمصر الله يستر عليه وينصرهم راح وماعطاني شي للاثار تهي تهي
المهم انا كنت قبل شاريه كريم كيناكومب
واستخدمته فتره وتركته وبيوم من الايام كانت الاميره الحسناء السمراء واقفه امام المرآه ===>>بنت تكلمي عدل لااعطيك راشدي:angry2:
لا اسفه خلاص@_@ لا بجد بيوم كنت واقفه عند المرايه واناظر بوجهي واشوف هالكريم قدامي قلت خليني احطه والله حاطته جذي من زود الفضاوه لانه من فتره شاريته استخدمته يمكن مرتين او ثلاث بالكثير وتركته المهم ثاني يوم اناظر الا كني شفت الحفر خفت شوي بسيييييييييييط انا ماجاء في بالي الا كيناكومب لاني ماحطيت غيره قلت يابنت حطيه بعد اليومين وحطيته على الحفر اللي بالخد وعلى اثار الحبوب والحمد لله خفت بعد فتره تحست قلت يابنت لطي خشتك كلها لاني لاحظت انه يوحد اللون عقب الحبوب صارت مناطق بوجهي اغمق من مناطق ثانيه والحمد لله يابنات السر بموضوعي الاهم هو كينا كومب لان نحصل كريمات للعلاج بعد جهد جهيد لكن الاثار تطفش احس انهم ماينزلون لها اشياء كثير لا والاغلب اللي نحصله منتجات تجاريه وتراه حق اطفال والحين الحمد لله بشرتي ماشاء الله تبارك الله تحسنت بقووووووووووووووووووووووه الحمد لله:icon28: وكنت استخدمه مرتين باليوم
طبعا الصابونه اللي استخدمتها الكبريت لانها حلوه لحب الشباب تجففها وطبعا لاتنسون المرطب حطوا كريم 21 او اي مرطب مرتاحه له للامانه مو مستمره انا على مرطب المهم يكون قوي لانه الكبريت حيل تجفف البشره واحد واستخدمها مره باليوم
طبعا بالكريمات اول حاجه استخدمي اكراتين واذا راحت الحبوب وعالجتيها ابدي بالكيناكومب
مايستفاد من الموضوع:)
*لاتمشين على تجارب غيرك دايم خصوصا لما مايكون لك خيار ثاني
*لاتحقرين مستشفيات حكومتنا الرشيده ^_^
*لاتقطين شي شرتيه مهما كان دام انه مب منتهي الصلاحيه خلاص خليه يمكن تحتاجينه بوقت ثاني مثل كيناكومب
*اذا طلعلك حبوب وجتلك وحده ملقوفه وتسئل سؤال مال اووومه داعي وقالت فلانه شنو هالحبوب اللي بوجهك استخفي دمك وكوني اسمج منها ومن سؤالها وقولي فاتحه صيدليه بوجهي ودك تشترين حبوب :42:
* لاتنسون تدعون لي ولاتدعون علي هههههه
سبحان الله والحمد لله ولا الله الا الله والله اكبر....
سبحانك اللهم وبحمدك لا اله الا انت استغفرك واتوب اليك....
ربي يسعدك
انااا من اشد المعانين من حب الشبااب
الله يعين
حالياا قاعده اسووي جلسات تقشير
ربي يسر اموووورك