بسم الله الرحمن الرحيم
اخبار الحوائيات الحلوات هذي الله يطول عماركم الدونات معروف يحبها الكبار قبل الصغار ودايم اذا سويناها بالبيت ياتطلع ناشفه ولا ماتنتفخ مضبوط عندي طريقة اسويها من زمان ما اغيرها في الدونات منتفخه وهشة روووعه كل من ذاقها اخذ طريقتها ..
الطريقة مع الصور .....
مقادرير العجينه ..
6 كاسات دقيق ** 4 حبات بطاط مسلوقه ومخلوطه في الخلاط مع كاسين مويه دافيه ** 4 ملاعق اكل حليب بودره ** نص كاس سكر ** ملعقة طعام ملح ** ملعقتبن اكل خميره ** كاس ونص زيت ** اربع بيضات ..نعجن المقادير السابقة كلها مع بعض ونزيد مويه دافيه حسب الحاجه بصراحه انا ما اقيس كمية المويه الي احتاجها زياده ..
اعجنيها مضبوووووط وخليها اخف من عجينة الفطاير بشوي
شوفي كيف طرية واخف من عجينة الفطاير
بعد ماصارت كذا غطيها بطبقتين من السلوفان ودخليها الفرن لمدة نص ساعة << شغلي الفرن لمدة خمس دقايق وبعد ماتطفيه حطي العجينه داخل الفرن
هذا شكل العجينه بعد ما اختمرت لمدة نص ساعة
اخذ قطع من العجينه واكورها حسب حجم الدونات الي ابيه وسويت بعضها اصابع انتبهي بعد ماتختمر العجينه لا تعجنيها مره ثانيه على طول خذي منها وكوريها ..الي تكوريه رشي عليه طحين وغطيه لاتستخدمي الزيت في المراحل هذي ابد بس طحين
بعد ماتخلصي الكمية كلها خليها ترتاح خمس دقايق ..
بعد ما ارتاحت خذي اصغر ملعقة خشب زي الي بالصور اغرسيها بوسط كورة العجينه بدون ماتحركين الكور من مكانها
حركي الملعقة الخشب بشكل دائري لين تحصلي على الشكل هذا بدون ماتلمسي العجينه ابد كرري نفس الطريقة مع كل الكور ..
بعد ماتخلصي الكمية كلها ابدي بالقلي الي سويتيها اول وحده اقليها الاولي لانها تكون ارتاحت واختمرت مره ثانيه
معليش نسيت اصورها بعد القلي هنا بعد ماغطستها مع الشوكولا الخام المذوبه في حمام بخار لاحظي دونات الاصابع تلمع لاني صورتها والشوكولا مابعد نشفت ما احب استخدم الا الشوكولا الخام لانها تنشف زين بعد ماتحطيها عالدونات وماتوسخ اليدين وقت الاكل
هنا قلبتها في السكر المطحون ..
شكلها من داخل يجنن
يمممممممممممممممممم
مع الكابتشينو ياسلاااااام ... الي تطبقها ترسلي عالخاص اشوفها >> يازين الثقة ههههههههه