س:طريقة مبتكره لتغليف هديه؟ باستخدام مشابك الغسيل الصغيرة

ممكن بعد التغليف
تلفيها بشرايط بشكل X
و تحطي الملاقط عليهم
يعني نتل هالفكرة لكن بملاقط

ممكن هذي الطريقه
لكن أبغى يكون الشكل مومثل التغليف العادي يكون فيه حركه يعني بعد ماغلف الهديه بالورق احط المشابك مع حاجه ثانيه تناسب معها وتكون النتيجه مبهره.

مرحبا الغالية

يعتمد..
شو مناسبة الهدية لاختيار الألوان المناسبة و الخامات المناسبة
و استخدام الملاقط بأحلى شكل..


و أعتقد أن الخامة المناسبة هي المخمل أو ورق الهدايا السادة مو المشجر عشان ما تختفي الملاقط.. وإذا الملاقط ألوانها زاهية تقدرين تستخدمين ورق هدايا برتقالي و باستخدام الأوراق الملونة تقصين شكل ملابس و تحطين خيط رفيع فوقهم و تضيفين الملابس..يعني شكل حبل ملابس الغسيل..
و حاسة مثلج أن المشابك بتعطي رونق جميل للهدية

و لو قدرتي حطي لنا الشكل النهائي للهدية ..متشوقين نشوفها

و بالتوفيق
و حبيت أسألج عزيزتي
من وين شريتي هالملاقط..؟
حابة أشتري مثلهم

عادة تستخدم تلك الملاقط أو المشابك

كحامل للكرت أو البطاقة الخاصة
بالهدية ..
ومجاري الدمع زودتنا بأفكار حلوة
وممكن تضيفين للمشابك اكسسوارات مثل /
خرز ، ورود بلاستيكية ، مكسرات ......الخ


يعني تبتكرين أشكال منها ... وتستخدم بعدها لتزيين الهدية من الخارج

ويعتمد تزيينها على محتوى الهدية ..
وممكن تشكلين من المشابك نفسها الحروف الأولى من اسم المهدى إليه
وتثبتينها على الهدية بعد تغليفها ..
سأبحث عن صور مناسبة وأعود بإذن الله .

مجاري الدمع
تجدينهم في محلات الكلف وبيع أدوات الخياطة ، كذلك في محلات تغليف الهدايا
وأحيانا في المكتبات المتخصصة بالأشغال اليدوية

الصورة التالية أوحت لي بفكرة

إنك تثبتين المشابك على شريط الريبون الذي تنوين استخدامه
في التغليف .. تثبتين عدد 2 - 3 على مسافات متقاربة وتستخدمين واحد منهم
كحامل للكرت والباقي للزينة .
على فكرة ، الأفكار تتوالد عندك تلقائيا أثناء التغليف .. بس توكل على الله
وضع أمامك العدة كلها ... وبإذن الله راح تبتكرين لمسات لم تخطر على بالك .
ننتظر تغليفاتك بفارغ الصبر