السلام عليكم ورحمة الله وبركاته..
لو أبيعك كل الاشياء الي في العنوان مقابل ريالين توافق؟؟ خلاص انا اضمنها لك (والله العظيم) بشرط قرائة مــوضوعي للاخــير فــقط ..؟؟ وهذا شي انا مطبقته..
مايخفى عليكم فضـل الصدقه أكيد واجرها..
كفايه قال العـزيز الحكيـم : "الذين ينفقون أموالهم ثم لا يتبعون ما أنفقوا منا ولا أذى فلهم أجرهم عند ربهم ولا خوف عليهم ولا هم يحزنون"
يا الله وعــدنا وهو لايخلف الميعاد بأنا لاخوف علينا ولا نحـزن .. وش نبي اكـثر من كذا ؟؟.!!!
وكل هـذا مقابل شيء بسيـط يمكن مايتجاوز الريلات.. المهم نـتصدق دااائم وبشكل يــومي..
والامـر سـهل ســهل جداً/ حـطي في شــنطتك مــئة ريال او مـئتين(حـسب ميزانيتك)كــل شهر مصروفه عـشرات او خــمسات او ان بغيتي ريالات ..
وخليها طوال الشهر كــل ماطلعـتي للسوق .. المــستشفى .. الحديقه..أي مكان عام وشفتي عـامل النظافه الا الفلوس معك جاهزه طلعي خمسه او عشره واعطيه اياها..
والله العــظيم انه يفــرح فيها وتسوى عـندي الشيء الكـثير مادياً ومعنوياً ..
انــتي اساساً ترتاحـين نفسـياً وتحـسين انك انجـزتي شــي ينفعك للدنيا ولاخره >> في الاخره لايخفى عليكم اجـرها وسبحان الله يضعفها مئات المئات فما احوجنا لاجرها اذا ودعنا الدنيا وتركنا مافيها من فلوس وملابس وكل شي بل والله ان في هالحاله رح نتمنى نــرجع للدنيا عـشان نتصدق ونعمل غـير ولكــن مــستحيل .. لذالك من اليوم أبدي طــبقي هذا الشي حتى لاتتحسرين بكرى
اما نفعها في الدنـيا :
- يبارك الله لك في الرزق ..
- يدفع عنك البلى والمصائب..
- يعـوضك الله بأفضل من الي دفعتيه..
- الراحه النفسيه >>واركز على هـذي النقطه والله تحـسين انك مرتحاه نفسياً ومبسوطه وسويتي شي في هذا اليوم..
والغريب ان هـذا الشعور يسمتر جدياً معك لفتره يعني انا طلعت قبل اسبوع وعطيت عامل النظافه مبلغ بسيط ماتتخيلون فرحته وتعابير وجهه وهويشكر ويدعي لي .. وكنت اول مره افكر في هالشي واطبقه والله العظيم لليوم أحس اني مبسوطه وادخلت السرور على قلب غـيري .. أحس اني ارتحت وودي كل يوم اعــيد نفس الحركه ..
لــيش ركزت على عامل النظافه بالذات ...؟؟؟
لانــــه راتبه قــليل جداً جداً جداً يعني يمكن ســعر بلوزه او فستان نشتريه (الله لا يعاقبنا)..
لانــــه ماجا لها الشغله وهالمكان الا لانه مــحتاج ووراه عائله او ام واب جاء وتغرب عشان يصرف عليهم..
لانـــه واقف على رجوله أكتر من تسع ساعات في اليوم تحت الشمس الحاره الي تحرق الحديد حرق فما بالك الاجساد ..أو في عز البرد المجمد عـشان مبلغ بسيط >>فما اروعنا لو ساعدنا بزيادة هذا المبلغ وزيادة حسناتنا واعمال الخـير الي بتكون أنيسنا الوحيد في القبر
لانــــه مــتوفر في كل مكان فمايحتاج تدورين على احد محتاج عشان تعطينه كل يوم او تقولين ماحـصلت احد فقير.. عامل النظافه او عاملة النظافه في كل مكان خـاصه الاسواق الي ندفع فيها ألاف ومانفكر ندفع 5 ريال صدقه..
لانــــه قـد يكون غــير مــسلم ويمكن بسبب هــذي الصدقه يدخل الاسلام وتكونين كـسبتي اجر عظيم (اجر الصدقه + اجــر وسبب دخــول شخص الاسـلام) وقد سمعت من الشيخ العريفي قصة رجل مسلم كل يوم وهو في طريقه للمسجد يمر على عامل النظافه ويعطيه مبلغ تافه وهكذا .. وفي يوم من الايام جائه العامل وقال له اني اريد الدخول للاسلام واريد ان تدلني على الطريقه او مكتب يتكفل بـي ويعلمني .. تعجب الرجل ولما سأله عن الاسلام او ان احد دعاه للاسلام او اهداه كــتاب قال لااااااااااااا .. وقاله انه أحب الاسلام واعجــبه من خلال تصرف هذا الرجل وتصدقه عليه كل يوم وهو لايعرفه ولايمت له بصله انما دينه الاسلامي هو السبب في تصرفه هذا لذالك احب الاسلام واعتنقه..
واخــيراً ..
- أبـــي من الــيوم .. من اليوم نبداء نطبق هالشــي ولا تقولين ماعندي او انا أبي من يتصدق علي لااااااا اي شيء بسـيط تملكينه لو كل يوم ريال 30 ريال بالشهر تخصصين المهم أن تبدين من اليوم وربي بيعوضك وقليل مستمر خير من كثير منقطع
- الي بتسوف ولا تقول بكرى او بعدين تــكــفين تــكفين تــكفين أبدي من اليوم الواحد مايضمن عــمره والموت الفجئه منتشر وكل يوم نسمع فلان مات وهو في كامل صحته.. وأبليس شاطر بيقول لك بكرى بعد شهـر لحد ماتنســين وتبرد عزيمتك..
- أبيكــم تبدون تطبقون هالــشي وتنشرونه وتعودون الي حولكم عليه والله انه شيء مفيد وايجابي في الدنيا والاخره ويحقق لك السعاده والراحه النفسيه ويزيل عنك الهموم بأذن الله ..
يلاااااااااا أبي اشــوف من خلال موضوعي نـــاس قويه ايجابيه تقوى ابليس وتقوى حب الماده وتقـوى عجزها وكـسلها وضعف همتها و(تشتري الاخره والدنيا) بالصدقه وتقــول انا بديــت من اليوم (أبـي قول وفــعــل)
ختاماً ..
أنـــشر مــوضوعي وما أسهل من النشر نـسخ ولصق ربما يكون شفيع لي ولك يوم القيامه او سبب في دخولنا الجـنه (الدال على الخير كفاعله)
أريــــد ان اكــتب شيً يفيدني يوم اكون تحــت الارض .. فلا تتردد بمساعدتي بـــنشره
سعاده+راحه نفسيه+مكسب مادي+توسعة الرزق+مضاعفة الاجر+مساعدة الغير = 2 او 5 ريال يومياً
40
3K
يلزم عليك تسجيل الدخول أولًا لكتابة تعليق.
تساليني عن غلاك
•
موافقه ...جزاك الله عنا كل خير.
^
^
^
لااااااا تكفون ما ابي ذا الجمله أبي ناس تبدى تطبق عشان نشجع بعض ونسوي حــمله ونشجع الكل ويسوون مثلنا ونكسب اجرهم بكذا
تكفون أبي ردود مشجعه وناس تطبق معي ؟؟؟؟؟؟
^
^
لااااااا تكفون ما ابي ذا الجمله أبي ناس تبدى تطبق عشان نشجع بعض ونسوي حــمله ونشجع الكل ويسوون مثلنا ونكسب اجرهم بكذا
تكفون أبي ردود مشجعه وناس تطبق معي ؟؟؟؟؟؟
الصفحة الأخيرة