om_3li1
•
سبحان الله نفس انا كنت نفس حالتك لكن انا حددت موعد العمليه وكنت مجهزه الشنطه وعمليتي كانت الساعه سبع الصبح ونشيت من النوم الساعه خمس كنت خايفه بس قلت اتوكل علي الله وفجاه الا اشوف ابو الشباب يقولي نامي اقوله ماشي وقت يقولي مارديتي اتصلت امس وكنسلت كل شي قعدت اصيح سويت فيلم هندي واخيري رجعت لرجيم ويوم اروح مطعم في اليوم المفتوح اخر الاسبوع اقوله جزاك الله خير ولا كنت انحرمت من لذه الاكل والحمد الله والحين ماشيه ع دايت
بس يا اختى معلومة حبيت اعرفها لك ان بعد العملية بتعملى دايت جاااامد جدا يعنى كذا وحدة عندى فى الشغل عملوها عند نفس الدكتور المشهور هم فعلا اتغيروا جذريا بس و الله عملية غالية جدا ب 45000 جنية و بعدها بتكون المعدة حساسة جدا صاحبتى الانتيم عملتها و خلال سنة نزل وزنها من 105 الى 55 بس بعد العملية قعدت 5 ايام صايمة تماما وبعد العملية 10 ايام سوائل بس علبة عصير بيور صغيرة او الوجبة فنجان لبن صغير و بعدين اسبوعين الاكل مقدار فنجان فى الوجبة شوربة خضار مطبوخة و مضروبة فى الخلاط طيب بالعقل لو فية ارادة لتحمل الدااااايت دة كله طب ما تعملى دايت و اما توصلى للنتيجة الحلوة باذن الله هاتى اللى نفسك فيه بفلوس العملية
حاجة كمان كل اللى اعرفهم عملوها معرفش لية بعد سنة لازم كل وحدة فيهم يحصل اى دروب مرتبط بالعملية صاحبتى من يوم وقفة عيد الاضحى و هى بتعانى من قئ مستمر لو شربت شوية مية تجرى ترجع و دخلت فى دوامة رهيبة من التشخيصات الخاطئة لدرجة اتشخصت حالتها بالمرارة و عملتها عند نفس الدكتور بتاع عملية المعدة و برضة حالتها لم تتحسن شهرين كاملين و لا حتى شربة ماء بتلحق تنزل معدتها و بعدين الدكتور قرر لها منظار معدة و والله العظيم و الله و الله لقى بقايا اكل متكورة على بعضها و اخدة شكل الكرة و حجم الطماطة الصغيرة سادة فتحة المعدة تماما و شالها اثناء المنظار و خلال الشهرين دول تحولت لهيكل عظمى و شعرها اتبهدل اللى اقصده انى انقل لك صورة كاملة عن الجراحة لان كل الناس بتشوف الرشاقة اللى بيوصلوا لها و لكن المحاذير و المعاناة محد بيدرى عنها لانك بتحولى نفسك لشخص عنده مشكلة صديقتى كانت بتبكى على نعمة الاكل اللى حرمت نفسها منها يااااا رب يا اختى ينحفك بصحة و عافية و يغنيك من فضله عن الاحتياج لبشر و يصلح ما بينك و بين زوجك و على فكرة العمليات دى غالبا بيصاحبها هزات نفسية عنيفة كفاك الله و وقاكى
الصفحة الأخيرة