السلام عليكم
قاعدة اكتب لكم وانا نار باحشائي بسسب زوجي وحركاته
انا كتبت لكم قبل شهر عن خيانته الاولى ولقيت منكم ردود حلوة
بس ماظبطت وقررت اكلم البنت الي يكلمه وكلمتها وكانت محترمة بكلامها معاي وقالت لي (انا ماعندي كلام بس اذا هو زوجك كلميه
وشوفي اشلون تعرف علي وتصبحي على خير اختي) وكلمته وبعد طلوع الروح اعترف انها مجرد تسلية وقال انه راح يتركها وصحيح تركها و بعد كم يوم لقيت داق عليها 8 مرات سكت وما قلت له والفت قصة الحمدلله ظبطت معاي 100% وهي اني قلت له هذيك البنت دقت علي وقالت انك دقيت عليها وقلت لها انك ما تستغني عنها
وقالي كذابة هي رنة علي وكنت اشوف شنو تبي وصج كلامه وراني مسجات منها وان وثقت عليه وبعدشهر
لقيته متعرف على وحدة عايشة بالدمام بس هي مو سعودية من جنسية عربية وبينهم غرام وحب وتبادل صور بينهم وقال لها ابي صور لك
يكون صدرك او بطنك باين
ان لما قراتها ظلمت فيني الدنيا
وقلت ما اساله واراقبه من بعيد وخلال هذي الفترة جاتنا هدية حجز لبرج زمزم بمكة من صديق زوجي
وكنا مقررين نسافر مكة جدة<< لاني تربيت بجدة احبببها
وصار يقول لي انا ما عندي ميزانيه اسافر
ولقيت مسج راسل لها انا جاي الصيف جدة جهزي لنا برنامج لما اجي
جدة وصارحته وصارت بينا مشكلة وضربني وامه درت بالموضوع كله ماخبيت عليها شي
وبعد فترة قال لي انا قلت حق فلان صديقي ان عندي حجز لفندق ايشرايك انت تدفع التذاكر وانا عندي الفندق
انا صدقت لان زوجي شوي لسانة مفلوت
وان ربطت بين سالفة المسج وسالفة ماعندي ميزانية
وانه يبي يسافر لوحده مع صديقه
بس انا قلت له اذا انت عطيت حق الرجال كلمة انا ماراح اصغرك قدامه وسافر معاه انت لان بعد ماعندك ميزانية
وما حسسته اني شاكة انه رايح لها
ايشرايكم اصر اسافر ولا اخلية واتوكل على الله
ردو الله يخليكم
ترى انا عندي نفس الموضوع بمنتدى تاني
طيبتي سبب مأساتي @tybty_sbb_masaty
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ادعي له بالثلث الاخير الجئي الى ربك واتركيه
اذا سافر استودعيه الله