والله حيرتوني ...

اصابعك مو مثل بعض الكويت مثل مانتوا عارفين مفتوحة السواق ومولات انا لي قريب هيناك على حسب كلام قريبي ان شباب الكويتي الغالب عندهم صدقات وعلاقات وسوالف مع البنات
بس ممكن سؤال ليش اختارك من كل بنات الكويت ليش مازوج كويتية ممكن تقولي النصيب ممكن
على العموم الله يوفقك بس تأكدي منه قبل كل شي قبل مايطيح الفاس براس

حبيبتي معليش اصابع ايدك مو سوا حتي السعودي والأمارتي والقطري والعماني والبحريني ( نسيت احد بعد من الخليج ) لهم علاقات وهذا يعتمد علي تربية الريال نفسه واخلاقه وبعدين احنا وين قاعدين كفار مو لأن الكويتي متفتح اشويه معناته له علاقات وحتي لو له علاقه قبل الزواج اغلبهم لما ينوي الزواج يقطع علاقاته ويستقر ( والغالبيه علاقاته قبل الزواج طيش شباب في منهم الي يتماده وفي الي تقتصر علاقته علي مجرد سوالف بسيطه ) وفي الدين الي يستحرم هالأمور وماله علاقات
وبعدين اختي اقري مواضيع العضوات كل خيانه واهانه واغلبهم سعوديات تري حبيبتي شخصية المره الكويتيه تختلف عن السعوديه وغيرهم بحكم البيئه حتي بالكويت نتختلف عن بعض في اهل للحين من بعض القبايل المره ما تسوق واخوانها يتحكمون فيها وبعد الزواج الزوج يتسلط عليها كل يبيها تصرف علي البيت والعيال وعاد عمره ريال وهو ولا شبئ ( وتري تختلف نظرت الرجل للمرأه بعد حسب اذا كان احضري والا ابدوي ) وفي الي معطينها راحتها من تسوق وتزور صديقاتها وتطلع مطاعم والا سينمات بس محترمه وحافظه سمع اهلها انا اسوق واطلع مع صديقاتي واشتغل ولي معاشي المستقل وافتر مع بنتي بمولات ومتزوجه والحمدالله وزوجي ابدوي واهلي حضر واختي ماخذه احضري بس يا حافظ حده قثيث ( علي كل شيئ بحاسبها ) عكس زوجي البدوي مسكين ابكل شي يشاركني وما ياخذ قرار الي امشاورني
يعني انتي وحظك بس استغربت لما تقولين ابوه يضربه غريب في شاب بهالعمر يطقه ابوه عمري ما شفت هالشيئ وممكن اهو محترم كبر سن ابوه وانتي تقولين انه ملتزم فعلشان جذي يطوف لأبوه مو معناته ضعف بالشخصيه بالعكس
بس اغلب شبابنا الحمدالله تفتحهم معقول ويعرفون يعاملون المره لأن اهلنا ربوهم علي هالشيئ وشايف البنات بكل مكان فمو مشفوق والا مار ابتجارب بالعكس فاهم الدنيا عدل مدل
بس للأمانه اغلب رياييلنا حطين الحمل علي حريمهم ومريح عمره للأسف لأن احنا تعودنا من امهاتنا هالشبئ
والله يوفقج أختي وصلي استخاره و**** الله يكتبلج الي فيه الخير مع زوجج ويكون صالح ويسعدك
واذا علي اهله كلنا مرينا ابتجارب مع اهل ازواجنا بس المره الشاطره اهيه الي اتعرف تتعامل معاهم

مشكورين مشكورين بارك الله فيكم ...

والله يحنن قلب ابوه عليه ...

أما من ناحية النصيب وكيف جا يخطبني فمعليش ماودي اجاوب على هالسؤال ...