سعيدان وعليان

السلام عليكم ورحمة الله وبركاته
شر البلية مايضحك
.
عندي اخواني الي اصغر مني ثنين واحد عمره 26 والثاني عمره 23 الكبير له سنه متوظف في ارامكو والصغير اخر سنه بالجامعه
.....
متنافسين على بنت عمتي وكلهم خاقين عندها وكل واحد يقول لأمي اخطبيها لي وامي مأجله ذا الموضوع البنت توها داخله العشرين وتدرس
..
اجلس اضحك احيانا إذا تقابلو من كلامهم في بعض وهواشهم ذا المهبل الي يقول عمرها اقرب لعمري انت عود وش تبي فيك والي يقول ماراح تقبل فيك انت وريحة فمك والي يقول مصورك مقطع فيديو يومنك ترقص فوق السياره وبرسله لعمتي عشان تعرفك على حقيقتك وانا بس اتسمع وضحك من ذا الغيره
...
انا كنت من زمان احسبهم يتتريقون اثريهم من جدهم كلن متوهم انه يحبها
..
الحين الاكبر يتصل ويقول كلميها ولحد يدري اهم شي احجزها والزواج لو بعد سنتين وامدحيني عندها
.
هي كانت تجي عندنا وخابرينها اخواني ماتغطت الا بسن 13
وكل يوم يرسلي ويقول كلمتيها افا والله ماينشد فيك الضهر ... و لو كلمتها بيزعل الخبل الثاني
..
أما الصغير بس يشكل بذا القلوب وحرفها على كل ورقه الله لاتبلانا
..
وصرت مانديهم الا سعيدان وعليان ويزعلون بس ماعلي منهم
.
مايصدقون بالمرسال وبزياره لعمتي وبقية عماتي ساحبين عليهم
..
جلست مع امي قلت بنخطبها للاكبر وقالت بنصبر سنه ونشوف عشان مايحقدون على بعض