سعيده بحياتك .. تفضلي شاركينا

السلام عليكم ورحمة الله وبركاته
انا الحمدلله مبسوطه في حياتي رغم يتخللها بعض المشاكل ﻻكن الحمدلله نحلها
زوجي انسان عصبي ورومنسي في نفس الوقت
ما كنت افهمه في البدايه بس صرت وقت عصبيته اسمع له وﻻ اناقشه واقول ابشر ولما يهدى اناقشه ويغير من اسلوبه
يقولون السعودين مو رومنسين بلعكس
انا زوجي يقول الشعر فيه ويحطها في غلاف مع ورود عاد ادعوا لي بالتوفيق
اللى مقلات ع الزواج الله يوفقكنه وخذي قلم وورقه واكتبي اﻻشياء التى يزعل زوجك منها واكتبيها وتجنبيها او بتفاهم وقت الهدوء

الله يجزاك خير
موضوع مهم 
لان قسم اسره سعيدة يذكر فيها السلبيات
اكثرر من الإيجابيات 
وأنا ولله الحمد والمنه أعيش حياة سعيدة جداً
والسعادة الحقيقة هو راض الله سبحانه وتعالى
واذا كان همك الله فان الله عز وجل سوف يغدق عليك من النعم ما لا تحصى 
ويصب عليك الخير والرزق صباً
في بداية زوجي كنت مثل غيري فاهمه الزواج خطاء
يعني ألغيت ذاتي وحطيته محور تفكيري
وكل اهتمامي وخليته على راسي
فان صدمت بالنتائج السلبية وعدم المبالات
فاتعلمت وغيرت أسلوبي واهتممت بنفسي
ونزلته عن راسي
علشان يشوفني لانه فوق راسي ما يشوفني
بالعربي حبيت نفسي وعطيتها كامل حقوقها
وحذفة من القائمة أحس وأشعر
وتوسل الحب 
والحب ما ينوخذ بالكلام بل بالفعل والتصرفات
اللي تجيبه على خشنه
والحين يحبني ويموت في ويغدق علي بالهدايا
مع أني موظفه وعندي فلوس ولله الحمد  

الحمٌـــــــــــد للـــــــه ،،،،،

رغم بعض الالام والهموم لكن الرضا والقناعه بما كتبه الله لنا هو سر السعاده الحقيقيه.

الزوج هو مصدر للحب فلا تجعليه مصدر لكل مصادرك ،،،حتى تنعمي بالسعاده.

رغم ذلك لا تثق كثيرا في اي شخص فتندم كثيراً.

انا سعيدة الحمد لله
رغم انو حياتي مأسأة الحمد لله
زوجي طيب يمكن ماابالغ لوقلت ملاك ولا فيه مشاكل مع اهل زوجي لاني رسميةمعاهم
عمري كبير وزووجي فيه ضعف جنسي حاااد واناتقريبا عذرا بعد سنةونص زواج
يمكن خرجت عن الموضوع وقلت السلبيات بس بوضح برغم كل هذي السلبيات
انا سعيدة والحمدلله
لاني معلقة قلبي بارحم الراحمين وعارفة ان الفرج قريب
اهم شي الرضا اهم ششي الرضا واحمدي الله على كل النعم صغيرهاا وكبيرها
واعلمي انك تحت رحمة رب كريم قريب يجيب دعواك ويسمع شكواك بس الحي بالدعاء وانتظري الفرج وخلي عندك حسن ظن بالله
يااارحم الراحمين ...والله اني سعيدة باللي عندي ..ويارب لاتذرني فردا وانت خير الوارثين

انا اقول كل وحده مبسوطه ف حياتها تسكت لاتجيها عين و تصيرلها مشاكل

فيه بعض الناس مافيها خير على طول تحسد اعوذ بالله

اي وحده مبسوطة الله يديم عليها سعادتها و اي وحده معها مشاكل الله يكون ب عونها ويفرج همها عاجلا غير اجل