سعيده بخطبتي ولكن ........؟؟

السلام عليكم ورحمة الله وبركاته

كيفكم حبيبااااتي ربي لايحرمنا امين منكم ومن تعاضدكم وتازركم مع بعض كالجسد الواحد
حبايبي صارلي حدث سعيد وفيه شي مكدر علي بنفس الوقت وحابة افضفض وحابه مؤازرتكم
انا ويارب لك الحمد انخطبت رسمي ماشالله تبارك الرحمن ولبست دبلة الخطوبه قبل كم يوم تقريبا
طبعا الموضوع تقريبا اخذ شهرين والحين تم على خير عقبالكم كلكلم حبايبي وتراكم معزومين من الحين على الفرح ان شالله
نجي للمهم <<<<:f226:
طبعا قبل مايجي خطيبي الحالي اتقدمولي اكثر من عائله لكن سبحان الله مايصير نصيب اما لانهم اجانب لانه ابويا مايقبل الا سعودين عشان حوسة الامر تو مانتفق في الشروط او مانرتاح او متزوج او غيره الين ماجات مره واحده من صديقاتي وقالتلي انه في ناس يبغون عروسه فيها مواصفاتك المهم وكلمت الوالده وكلمتهم الين ما اتفقنا على موعد الشوفه بعد كذا لما جوا اتفاجانا انهم سمر مره لكن سبحان الله ربي سهل موضوع جيتهم بشكل غريب عن باقي العوائل الي جونا حتى الراحه الي حسيناها انا وعيلتي معاهم كان مره غريب لدرجه كاننا نعرفهم من زمان ومره انبسطنا مع بعض واتفقنا على الشوفه وكل شي سبحان الله اتسهل يارب لك الحمد وفي موعد الشوفه مع انه العريس كان مره اسمر لكن حسيت اني مره مرتاحه ومبسوطه خاصة انه يتمتعون باخلاق وذوق وحب للعلم بشكل يفوق الوصف ماشالله يعني جذبني اسلوبهم واخلاقهم وطموحاتهم لدرجه كل زياره لهم لازم يجيبون معاهم هديه ماشالله سواء بقلاوه او ساعه او اي شي مايجون ويدهم فاضيه ويشاورون بكل شي مع اني من النوع الي اشيل بالعاده هم لون البشره لكن هالمره غير مدري ليش بس بس سبحان الله حسيت اني مبسوطه وفرحانه لاخلاقهم وذوقهم وحبهم للاصول وسمعتهم ومشاورتهم وتعاونهم واتفاقنا في شروط التعليم والسكن ووووالتسهيلات الي صارت بعون الله سواء هم او العريس
الين دحين كل شي اوكي وماشالله تبارك الرحمن حلو<<< الله يرضى عليكم اذكروا الله العين حق
نجي للشي الي مضايقني مع اني مرتاحه ومقتنعه فيهم حتى اهلي مره لكن في مشكلتين تواجهنا لما نعلم اي احد حتى اهلي في البدايه لكن اهلي بعدين لما شافوا مدى رقيهم الاخلاقي وذوقهم وترتيبهم واصولهم وعلمهم ماشالله اتغيرت النظره تماما سواء للعريس ولا الاهل
لكن دااائما لما نبغى نبشر اي احد بالخطوبه تخيلوا وش يصير على طول يواجهنا هذا السؤال
العريس اسمر حراااااااااااااااااااام ليش البنت مو ناقصها شي حرام عليكم في عرسان كثير ليش تخطبونها لاسمر والله حسسوني كاني حاخذ مسخ مع انهم ملامحهم حلوه لكن مشكلتهم سمارهم
حتى امي صارت تشيل هم تقول خلاص لو جاني كلام من الناس ليش اخذتوا اسمر انتي قوليلهم انك مرتاحه واتسهلت من الرحمن ورزق مكتوب
غير كذا راتبه حاليا مايتعدى 3000 ريال لكنه طموح مره وناوي يكمل دراسه عشان يترقى
رغم قناعتي التامه فيهم لكن مضايقني الموضوع هذا امي مع انها مبسوطه لكنها تتضايق مره لما يقولوها كذا
حتى يقولونها كاني عامله ذنب كبير وكاني الحسناء واخذت الوحش هذا غير حكاية الراتب الي عامل حكايه ثانيه
هذي كل الحكايه مع اني اترددت اني انزلها هنا كثير لوجود بنات الله يصلحهم يردون ردود تسد النفس وياخذون الموضوع من طرفه لكن انا عارفه انه في ناس عاقلين فاهمين حيرشدوني للشي الصح انتظر تعليقكم دحين خواتي