سـآإعدوني بنتي .. تجمع للي عندهم بـنآت مرآهقـآت =]

حلو اني اول وحده ارد
المراهقه حساسه جدا جدا ومحتاجه لاذاني صاغيه

المراهقة لازم تكون تحت عينك وتخاوينها انتي ملي فراغها خليك انتي صديقتها وصندوق اسرارها
بشرط انها ما تتجاوز حدودها معك .......ولا يكوووووووون تهاوشينها لو ما عجبك سلوك منها ترا تنفر منك وتصير تشكي اسرارها
لصديقاتها ويمكن تطيح في صديقة ما تخاف الله .. وتجرها لامور لا تحمد عقباها
احتويها بالتوجيه لو شفتي منها شي غلط امشي معاها بالاقناااااااااع خلي حججك قويه ومقنعه عشان تثق في رايك

والله يعينا ويعينك

هلا اختي انا زيك عندي بنت وولد مرهاقين
اختي لازم يكون بينكم حوار ونقاش المفروض من ايام الابتدائي معودتها انها اول ما تدخل تتكلم عن كل شي بالمدرسه علشان تتعود على الكلام معك باستمرار وما تخجل
الان اجلسي معها وقولي لها ابيك بموضوع خاص واجلسي انتي وهي وكلميها عن اول ما تجي الدوره وكيف تكون ولازم تعلمك علشان تساعدينها فيه اشياء ما تعرفها وشي هي الممنوعات في الدوره وشي الاشياء اللي لازم تسويها وعن شيلشعر الجسم الافضل الحلاوه اما المناطق هذيك شوفي انتي وش تحبين وعوديها عليه
بس نصيحتي لامز تحتوينها في هالسن وعطيهااا حنان وضميها تراها محتاجه وما تتخيلين كيف يحبون الضم والحنان وشوفيها كيف راح تفرح كل ما ضميتيها
واي سؤال انا حاضره بحكم ان بنتي اكبر من بنتك
الله يصلحهن ويحفضهن يارب

السلام عليكم

من تجربتي مع اختي هي الحين ببثالث متوسط و انا عمري21

خليك قريبه منها و اتكلمي معها يعني عامليها مثل صديقتك انا الحمدالله ماعانيت في مراهقتي لان ماما كانت تعاملني مثل صديقتها عكس اختي الصغيره عانت بحكم الظروف في هذي الفتره يكونوا سريعات التاثر اشبيعها عاطفيا امدحيها كثير اتقربي منها اتذكري معها اللحظات الحلوة مثلا حطي لها في مقلميتها ورقه مكتوب فيها احبك يانور دنيتي صديقتك ماما فلانه او بين ملابسها حطي لها هدايا مفاجئة طلعه تحبها حسسيها مافي احد في الدنيا عندك لازززززم و ضررروي تسلم عليك قبل النوم و احضنيها
احضنيها قبل مايحتضنوها صحباتها و قبل ماتطلع للمدرسه و قولي حبيبتي واثقة انك من المتفوقات و استودعيها دايما لدعي لها بصوت تسمعه اكثري من كلمات حياتي عيوني ترى لها وقع كبير عليها دايما اتكلمي معها عن هواياتها و شاركيها اسمعي لها و انزلي لمستوى تفكيرها و عقلها

بالنسبه للدوره و الشيل علميها كل شيء عن الدوره و كيف تهتم بنظافتها

العرق خليها تستخدم مضاد للرائحة من بزلاين مررره حلو واعملي بحث بقوقل كل البنات يستخدموه

اسفه على الاطااالة و يارب تزفيها و تشيلي عيالها

إن شـآء الله دوؤوم تردين أول وحدهـ ..
آيه صح المرآهقة حسـآسه جدآ ..

شكرآ لمرورك العطر ..