سـاعدونـي في كيكـتي

عادي حبيبتي انا كنت زيك والحين صرت محترفه كيك
اول شي تأكدي ان مقاديرك صحيحه
ثاني شي شغلي الفرن من فوق وتحت وخليه فتر وبعدين حطي الكيك علشان يسخن الفرن
واهم شي المقادير مثلا البكنج وباودر مثلا ملعقه حطي ملعقه ممسوحه
اخفقيه فتره الين يتجانس الخليط

نفس مشكلتي انا مليت من كتر مااعمل كيك وما يزبط وصرت استحي من زوجي مع انه مايحب الحلو لكن اعمل لاولادي فصرت اشتري كيك باكيت جاهز واضيف بيض وزيت ومي حسب التعليمات وكل مره ازينه شكل والاولاد كتير ينبسطو

تحترق الكيكه و تكون من داخل مو مستويه لانه درجه حراره الفرن عاليه و الدرجه المثاليه للكيك 180 درجه لمدة تقريبا 45 دقيقه او حسب القالب الكيك لازم يكون رف الفرن في الوسط و تشغلين الفرن من قبل عشان يسخن و تتوزع الحراره بالتساوي داخل الفرن و يتشقق الكيك من فوق بسبب قلت المواد السائله في الكيك و درجه الحراره عاليه .

و عن المقادير الاحسن تكون المقادير في درجه حراره الغرفه و خاصه البيض و بخصوص الخلط الاحسن تستخدمين خلاط الكهربائي اول شي تبتدين بالبيض و بعدين السكر و باقي المقادير و الاحسن تنخلين الطحين و البيكنغ بودر عشان يدخل الهوا في الطحين و اخر شي تضيفينه و لاتخلطين وايد لانه مع كثره الخلط يبطل مفعول البيكنغ البودر .و الاحسن تستخدمي كوب معياري و لا تفتحين باب الفرن الإ بعد تقريبا 25 دقيقه و قبل ما تطلعين الكيك اختبريها بالعود اسنان .


اتمنى اني افدتج و اسف على الإطاله
ادعي لي الله يسهل دراستي

اذا كانت العجينة سايلة مراح تستوي من داخل واذا تشققت من فوق اكيد مكثرة البكنج بودر