اختى اليمون ثم اليمون واللة زين للبشرة والابط والركب اقطعى اليمون بالنصف واغسلى المنطقة عدل ثم ادعكيها باليمون واتركية لما بنشف ثم اغسلية بماء بارد

السلام عليكم

- بالنسبة للهالات السوداء , في موضوع كامل كتبته عن هالمشكلة وفيه الحلول وأفضل المستحضرات , والله لو مب طويل كنت رجعت كتبته هني بس ما أبغي أطول عليج .. الأفضل انج تشوفينه بنفسج .. هذا الرابط :

موضوع شامل لعلاج مشكلات العين (الهالات-التجاعيد)

- بالنسبة لحبوب الوجه , حبيبتي دام عندج فترة طويلة ممكن تروحين لدكتورة جلد علشان تسوف نوع بشرتج والعلاج المناسب لها , لأن ممكن استخدامج لأي مستحضر يزيد الحبوب اللي في وجهج .. لأن اللي يناسب غيرج ممكن مايناسبج ..

مع ذلك بقولج عن تجربتي الخاصة , أنا كنت أتعالج من الحبوب وآثارها والحمدلله انتهى العلاج ووجهي صار صافي .. بس نوع الأكل وايد يأثر على بشرتي , أنا أموت في الأكلات الحارة وكل ماآكل شي حار تطلع لي حبه غير تأثير الجو الحار والغبار
في الفترة الأخير كنوع من التغيير واللقافه :D بديت استخدم صابونة (سيبا ميد)
الخاصة للحب الشباب , الصراحه روووعه وجهي صار صافي الحمدلله وكل يوم أدهن وجهي بزيت اللوز العادي

- بالنسبة لأثار الحرار , الدكتورة وصفت لي هالكريم وبدون مبالغة في تقريبا 3-4 أسابيع جميع البقع والآثار اللي في وجهي اختفت , اسمه
اسم الكريم = URIAGE
DEPIDERM
skin depigmenting care

- بالنسبة للأكواع والركب , سوي سكرب مرتين في الأسبوع , اخذي سكرب من ماركة st.ives ( مقشرات هالماركة أنا أشوفها أفضل من غيرها ) المهم اخلطي مع المقشر شوية ملح وسكر خشن وقليل من الليمون وافركي عدل بحركات دائرية .. وفي سائل تنظيف اسمه ( اسكينول ) حطي كميه منه في فوطة بيضا صغيرة وافركي فيها الكوع والركبة عدل كل يوم , نفع معاي مع صديقاتي جربيه ان شاء الله بعد ينفعج , لأنه ينظف المنطقة وبالتالي تستعيد لونها الطبيعي
ورطبي المنطقة باستمرار بالمرطب اللي ترتاحين له , الجليسوليد ممتاز

- بالنسبة للأبط , بقولج شي مهم حبيبتي دام الأبط نظيف ومافيه شعر ولا ريحه ( الله يعزج ) كوني واثقه من نفسج ولا يهمج اللون لأن هذي خلقة ربج .. بس علشان تحرصين أن لونه يكون قريب من لون الجسم .. كل ليلة قبل لا تستحمين , افركي الابط بليمونة وخليها على الأقل ساعتين وبعدين غسلي جسمج واذا خلصتي حطي بودرة بيبي جونسون .. دايما شلي شعر هالمنطقة بالحلاوة لأنها تزيل الجلد الميت وتبييض .. وأنا شخصيا استخدم سكرب st.ives في هالمنطقة

- بالنسبة للوجه , انتي قلتي فيه حبوب فامتنعي انج اتحطين أي شي عليه وخصوصا الليمون لأنه ممكن يسبب تهيج للبشرة , لازم تستخدمين كريمين للنهار والليل , اختاري الشي اللي يناسب بشرتج , أنا شخصيا استخدم كريم نيفيا للترطيب نهارا والتجديد ليلا.. وبالنسبة لواقي الشمس , استخدمي من ماركو روك roc طبي وماعليه كلام

- أخر شي , كريمات الجسم : لوشن مطري للجسم من همالايا , لوشن فازلين ( يجي بألوان ) كلهم حلوين الصراحه
المعطرات .. في البودي شوب تتوافر كريمات كثيرة معطرة بنكهة الفواكة , وفي بخاخ للجسم براوئح مختلفة تستخدمينها بعد الاستحمام حلوة
أما معطرات الفم , بتحصلين في الصيدليات والجمعيات أنواع كثيرة , أنا انصحج باستخدام ( اكوا فريش ) حلوووووو

خخخخخ كتبت وايد , بس حبيت أجاوب على كل سؤال .. ان شاء الله تستفيدين

مرحبا اتي بشرى
انا بقولك الاشياء الي اسويها وانتي اختاري الي يناسبك منها
بالنسبة للوجة :
استخدم صابونة الكركم مرة ممتازة
وكريم مرطب من ماركة افون
ومقشر خفيف بأحماض الفواكة ممتاز مرة (انتي اذا كانت حبوبك واضحة وكبيرة خوذي تركيز اقوى )اما اذا كان فيك اثار خفيفة استخدمي تركيز خفيف يمشي الحال
بالأضافة اني استخدم اقنعة طبيعية اكثر من روعة (زبادي +ماء ورد+نشا+خميرة+حليب بودرة)
للعيون:
كريم من افون
وبطاطش مبشور ممتااااز
بالنسبة للابط والمناطق الحساسة :
استخدم كريم زين اتات بس لسه مابانت النتايج ماصارلي كثير
للركب والأكواع:
رتن a مع الدوكين 4% هو يحرق بس الي يبغى الزين مايقول اي
واهم شي كل يوم صحن سلطة وكثري من الأشياء الخضراء والماءءءءءءءءءءء اهم شي والله العظيم اول كانت بشرتي شاحبة وعندي هالات سوداء وشفايفي تتقشر كثير لاني اجلس 3 ايام مااشرب موية الحين احس البشرة صارت ندية ورطبة بس الله يعينك على الحمام (وانتو بكرامة)
ملحوظة
لازم يكون عندك صبر مو اذا ماشفتي نتيجة من كم مرة وقفتي خلي العناية بنفسك شي اساسي
واستخدمي واقي من الشمس وارجع واقول الغذاءءءءءء اي شي تسوينه ماراح ينفع الا اذا غذاءك كويس
واسفة للإطالة

نسيت لاقولك على الجسم
استخدم صابونة شاندريكاا رهيبة وليفة خشنة
بس قبل الحمام احط زيت لوز بجسمي اغرقة وبعدين اتروش وبعدين احط كريم زبدة الكاكاو او بيبي جونسون
ونسيت اقولك للوجة حاطة عندي بخاخ فيه موية ورد مخفف بماء في ثلاجتي ابخ وجهي اول ماغسل كويس للمسامات

للأمانة ترى بعض اومعظم هاذي الاشياء الي قلتلك اياها اخذتها من بنات حواء الله يسعدهم دنيا واخره

السلام عليكم

حبيبتي نوتى

انا بستمر على كل الخلطات اليي تذكروها، لأني بجـد بحاجة للتغيير

بالنسبة للرائحه انا الحمد لله ما اعاني منها، بس الاسمرار اليي بالمنطقة

والله يعطيج العافية

--

حبيبتي بنت المسجد

كثير اسمع الليمون زين، اجرب واشوف

--

حبيبتي Luv_Sweets

موضوع الهالات شفته، ومفيــد

الصابونه راح اشتريها اليوم واشوف النتيجة، بس ان شاء الله احصلها في الصيدليه


انا ما عندي حرار، عندي بقع بنيه صغيره جداً لآثار قديمه، ينفع استخدمه

امس شريت المقشر وشكله حلو وريحته بعد

انا ما ادري شلون اشكرج على اليي قدمتيه لي، انا بعيدة عنج بس دعائي يوصلج ان شاء الله

--

حبيبتي قطر الندى 2005

مشكورة وما تقصرين، الله يعطيج الصحة والعافية

والله يسعدكم دنيا وآخرة

تحياتي لكم