صباح الخير ياخياتي
تقبَّل الله منا ومنكم صالح الأعمال
أنا صراحه تعبت من حشوة السمبوسه
من زمان وانا أحاول تصير على مزاج اهلي
بس عجزت ..
دايماً تصير ناشفه مع اني اضيف لها عصير طماطم
وخضار بس مافيه فايده
حتى النكهه مهب ذاك الزود مع اني احط بهارات
بس ماسكتت ام الدحمي
كل ماشفت وحده قلت له ابي حشوة سمبوسه
وطحت بالسر اللي يخليها خياااااال
بسسم الله نبدأ الشرح المفصل
أول شي لحم او دجاج عادي (عمود واحد)
تحطين بالقدر شوي زيت وتحطين عليه
اللحم وملح فقط بدون بصل اول شي طولي النار وقلبي
دقيقتين بعدين اقصري عليها وخليها 10 دقايق..
بعدين قشري حبة طماطم وسط ونص حبة فلفل رومي واطحنيها (اذا تحبين الحار اضيفي معهم فلفل اخضر) وصبيها على اللحم
وخليه حتى يشربها ..
بعد كذا اضيفي عليه نص حبة فلفل رومي اخضر
مقطع مربعات صغاااار وشوي جزر مبشور تقريبا 3 ملاعق كبار
وملعقة صغيره فلفل اسود وملعقة صغيره كمون مطحون(هذا سر النكهه واذا تحبين نكهته زيدي شوي) , وشوي كركم , وغطي القدر خليه شوي
بهالوقت راح تجيبين 4 بصلات كبار وتطحنينهم بطاحونة البصل
حتى يصير ناااااعم جداَ , بعدين حطيه على اللحم راح تحسين ان البصل كثير وهذا سر طراوة الحشوه ونكتها اللذيذه , يعني تقريبا
كمية البصل دبل كمية اللحم , اقصري على اللحم على نار هاديه
جدا لحد مايذبل البصل يعني كل شوي قلبيه
وقبل ماتطفين النار بدقيقه اضيفي بصل اخضر مقطع صغااار
وتمتعي بألذ حشششوه :cook:
*مآ أبي إلا دعواتكم لي بالمحافظه ع الصلوات بوقتها *
